大家每日見面都好尷尬，我刻意避開佢只講工事，佢會監視住我既一舉一動，我每次須要佢幫忙，未開聲佢已經會即時出現，呢樣只係佢工作上既責任，我明白。
同佢再冇任私下聯絡，佢係公司都會係唔出聲企係到望住我，係直視完全唔會避，我只好扮睇唔到。
其實我好想問佢點解，既然唔會發展，點解唔可以扮冇事發生過，我被望到好唔自然
因為想努力改變你心意
你拒絕左佢表白？
1個讚
係邊過斷絕關係先？ 原因？
1個讚
但願佢真心係喜歡我，因為之前佢對我發左好大脾氣趕走左我 ，之後到佢冷靜落黎，佢只會係無視我，但對其他人係可以有講有笑，我好嬲好唔開心，之後一直都唔肯再開口同佢溝通。
佢之明顯有改左臭脾氣，對我溫柔左好多，但我太耐冇同佢溝通，已經唔知同佢講咩好，加上個心已經傷透，好驚佢又唔知咩原因又會再掉低我。佢誇張到會係我單獨同佢一個空間，佢會企正我前面望住我唔講野，我掙扎好唔好開聲問佢
佢經歷過情緒失控，令到身邊既人怕晒佢，原因冇人知，佢試過喊埋出黎
你放底佢算啦
2個讚
其實已經冇野，我同佢已經保持左距離一段日子，佢知道我冇再理佢，佢就經常出現，見到我同人好傾d，佢就會發脾氣黑面。
好恐怖！又唔係同佢咩關係，男女朋友都唔係，佢憑咩精神騷擾人…
快啲轉工遠離佢以免釀成慘案
5個讚
佢冇對我做d咩，只係會望住我唔講野，平時我工作上要佢幫，佢都會即時出現，同事之間，咗已經夠。我唔會為左佢同其他人疏遠。
我唔知你哋瞹眛咗幾耐，但似乎你哋唔係好耐嘅關係
既然係咁，你放低佢啦。至於佢望住你，忍耐吓，始終有日會完。唔好比反應佢，除非你想同佢又開始返（而我係唔建議你咁做）
時間會幫到你，兩人再無任何關係，你同其他人點佢都無資格出聲同黑面
1個讚
曖昧左一年，大家冇溝通都有接近一年， 佢依然繼續望， 就算我冇回應，所以有咩好望呢 ，我冇打算同佢繼續曖昧
佢唔敢出聲，只會黑面同大力整野，同會對我大聲。
其實我係支持樓主轉工
咪當俾個機會自己試下水溫, 出去搵高一個rank 既工, 見到心動既就走
反正你都唔打算同呢條友繼續發展, 除非你係政府工走唔到, 或者宜家份工真係好筍出面搵唔番, 如果唔係轉下環境都好丫
3個讚
的確我係搵緊其他工，其實我曾經鍾意過佢，到呢刻我對佢唔係冇晒感覺，只係唔想再同一個對自己唔好既人拖拉，雖然佢脾氣改左唔小，有可能佢想比我睇到佢有改過，但我受左傷既心，唔會短時間好返。其他人叫我彩返佢，畢竟佢好明顯要改變自己証明自己。我諗到我真係離開佢，佢會主動搵我先算啦。如無意外，離職唔會再見架啦。
2個讚
尤佢，如果咁失控，你同佢一齊都辛苦
1個讚
我都係咁諗，一齊左都唔會長。的確佢改左脾氣有一排，我會動搖左係咪應該比機會佢，畢竟要搵大家都對大家有感覺既人唔易，加埋身邊既人問我做咩唔比機會佢，但冷靜落黎，我又唔想再踩返落去個氹。我想維持返普通關係先，以後既事隨緣。
我覺得佢好可怕，發老皮唔係人咁品，好似out of control, 而家想氹番你，緊係溫柔番，咩皮氣都收起架啦，未同佢一齊已經要受佢氣，no way！
5個讚
一見到呢句就諗起之前有個post, 又係話同事成日望住自己，我記得當時大把人都叫嗰個樓主唔好諗咁多，個男同事有心追佢就唔會只係望。
我睇法係，唔好再諗佢點解仲望，你理性知冇機會，死心轉工啦
2個讚
應該係同性上司