話說前幾年人生第一次搬出去住，亦都第一次同居，依家散左，搬返屋企住係好唔習慣，由求本來同家人關係一般，叫我自己搬出去又唔夠財力 
交得租可能最少都無左一半人工，請問我可以點做？定應該要點計劃？因為點都要有個地方住…
搵個企理啲嘅房仔住ok?
1個讚
我都咁認為，唔知樓主本身可以俾到幾多租樓，仲要考慮地區。
1個讚
唯有同屋企人住時儲多啲錢先考慮搬出去，始終出去租屋開支唔細，水電煤租金樣樣都係錢
1個讚
睇你幾determined想搬出去，好相宜嘅套房都有，但一個女仔唔係太好
聽姨姨安慰：人生少不免有難關及捱，有得捱嘅人生係正常，亦未必係差。先苦後甜，頂住，捱過去日子就更開片天
4個讚
搬番同屋企住有嘢分
如果同屋企人關係未至於極差仲忍到就係喺屋企住
慳返好多錢
你咪當返工受氣咁
朋友似你情況
而家喺同另外兩個朋友合租村屋
不過長遠來講都麻煩
是但一個party決定唔租，就要搵其他朋友會唔會合租，或者要夾份比多啲租
1個讚
如果屋企有獨立房你自己住就試下適應下先,
返工你都要返工, 係屋企既時間其實唔多, 晚上
食飽飯沖完返房都有自己空間.
為免同家人磨擦，最好就朝早一早出去，夜晚就夜D返，一返去就沖涼瞓覺咁
通常咁樣屋企人都應該ok唔會逼你走住 (當然記得要俾家用)
如果可以打多份part time工 咁就快D儲到錢之餘仲可以繼續少D留屋企
同時物色一下有冇 potential roommates
其實好多人都想搬出來住但一個負擔唔到
暫時無能力真係返去屋企住喺一排再儲下錢，同人夾租都好多磨擦，見過同朋友夾租，夾完朋友都無埋
無財力零技能同屋企住無得輸，認下命當公主王子唔飽肚
其實無乜辦法
你幾大？如果仲後生就忍幾年，努力爭上遊，人工高咗先再諗
1個讚
我都覺得係睇同屋企人有幾唔夾，幾想搬出去住
- 努力搵錢自住
- 搵朋友夾租
- 再拍拖時同居
- 搵工廠大廈租個細空間放工去hea，真係訓覺先返屋企
其實好簡單
有錢就自住
冇錢就繼續住屋企
3個讚
同屋企人未去到不和既, 咪搬返屋企住囉
俾我惟有死死地氣番屋企, 然後密謀再搬走。
的確係幾好既方法 
其實幾平都要幾千蚊一個月? 而且放工後搭車過去先坐得兩三個鐘, 又要搭車番屋企沖涼訓覺, 呢度又有d 交通開支。仲未計搬番去住要俾家用, 夾埋條數都可能唔細
樓主啱啱成年搬出來
任何改變都會有不適應，回想你當初同居也有罷，現在家人與你有也很正常
樓上說得對，減小逗留屋企做緩衝，順便增加儲蓄，有d問題是要用錢解決。我有朋友與同姓好友搬出來住，結果無朋友做
係，都無乜可以點，除非同屋企人關係差到極至，無可能住埋一齊啫。
唯有返屋企，如果關係普普通通唔想太多交雜，最多早出晚歸咁，或者盡量在房。
而家香港地租金都係吃力
，為有一路揾 roommate 之餘都揾番個伴侶再同居
!