原來係咁！咁你做得好好啦已經！
至於坐唔定，好多男仔都會，特別係小朋友可能資優更加坐唔定。
我個女睇書畫畫好定坐成個下午，但食飯就半個鐘走開5次左右，就算係佢鍾意食嘅pizza, 米線， 都一樣會係咁。都係有興趣先肯坐定定。
到時老師會有方法，唔使擔心。至於屋企催谷，坐到就坐囉，咁細個。男仔都要預佢最快高小初中先發力，之前都係按佢興趣睇下佢想學咩做咩，鼓勵下咁。
1個讚
我個仔暫時就係呢個情況，之前見到有數學比賽，就幫佢報下啦，唔係想攞獎，係見佢咁鍾意數學，想俾佢見吓大場面，然後印咗幾份練習俾佢做，我都怕自己太虎媽，印咗都冇同佢一齊做。直至佢自己發現有練習，就主動叫我陪佢做。
我自己數學係完全唔得，我其他科都得，只係數學真係唔得，連geog一要做map reading因為有數字，我都唔係好搞得掂。由細到大，我阿媽都笑我數學好似少左條筋，教極都唔明，學極都唔識。所以我教佢係份外吃力，有時做啲數學邏輯練習，我自己都唔係好識。老公數學就叻嘅，不過佢返工太忙，一個星期都係得好短時間教到個仔。
超級多謝你分享咁多！我暫時都係呢個方向，因為佢好多時真係好似一隻馬騮仔，周圍走來走去。同埋佢都好硬頸，好有主見，就算佢好鍾意數學，你突然間叫佢坐低，佢都係唔得嘅，要興緻到就會搏命問你。
我同佢報過唔同興趣班，但係佢好多時都會同我講：媽咪我唔鍾意上，我淨係想要媽咪爸爸教。
但係我真係數學能力有限，我老公時間有限，而且屋企經濟能力有限。可能去到英國，老公工作時間少咗，就可以教到個仔多啲。
我好明，數學真係需要有果條筋！
由細到大幫手教人，慢慢理解到有時唔係人地唔想明，係真係爭條筋，可以操不過都會係事倍功半。
我相反，記性差咩科都唔掂，除左數學同Geo嘅map reading, map reading我當年攞滿分因為有數字。不過現實生活我係超級路痴
誇到行街入完舖頭出返黎，竟然往左回頭走都唔察覺，通常過左好幾間舖先覺得有啲唔對路。
1個讚
我都係超級路痴！次次去完商場廁所，都唔知向左定向右，好多次差啲行咗入男廁。所以我係數學少嗰條筋+路痴，哈哈！而家有時個仔會帶返我轉頭，佢成日話媽咪會蕩失路……上年去日本，行完街我唔記得點返酒店，老公又去咗另一個地方買嘢食，個仔話向左，但係我話向右，最後梗係我錯啦，個仔仲記到而家，所以而家出街佢會盡量幫我記路。
題外話，你有冇聽過YouTube有一個Channel叫Numberblocks？我個仔睇過幾段片，超級鍾意睇！唔知你覺得呢個Channel教嘅數學好唔好呢？
不過我同老公都限制佢睇電視嘅時間，始終覺得電視係影像刺激，睇得太多會容易分心，之後學習就好難專注。
有呀，我小朋友有時都會睇（當然佢無乜興趣啦）有時學校都會播比小朋友睇！
限制時間之下睇無問題呀！
不過YouTube要好小心，佢彈啲廣告同streaming 好易引誘小朋友，要秒速收機。
1個讚
所以我課左金買Premium，同埋我都唔係好放心，通常都會坐吓陪佢睇吓，過濾下有冇啲唔好嘅嘢。
之前閂電視會發晒脾氣，而家佢開始大個，講好咗睇一段，佢就會同我講時間到，媽咪可以閂電視。
1個讚
一定要！我呢方面好虎
十歲前都唔會放心比佢自己任意睇。
1個讚
咁自律一定要大讚
1個讚
好多免費資源，唔使要有家底先可以train
帶多嗰去圖書館，借數學趣味書俾佢睇，認字就中，英文書
圖書館仲會有活動參加，社區中心都有，平平地就可以join
有成年時間唔好浪費
3個讚
要努力追下post 先，唔知有無人address 左，我純粹share 下我既見解，如果有人講左可ignore.
//
佢返學嫌啲嘢太淺，開始上堂瞓覺。
老師話，如果佢唔瞓覺就會走來走去搞搞震……
但係老師非常年輕，冇特別比建議我
//
佢學野快，係咪覺得d野太易，令佢覺得悶？悶就用自己方法應對，例如訓覺，或攪攪陣。訓覺都總算唔影響人，但攪攪陣萬一整到同學擾亂課堂就唔係大家都想見到既行為。我覺得呢度真係要同老師傾傾你既concerns, 唔係話要個老師就個仔教深d，而係你都唔想佢上堂無聊怕佢周圍攪人，睇老師點幫，老師唔夠經驗就搵主任傾。同時，都要教育返小朋友就算d野係識，都要尊重課堂，老師，同學。個個都以為自己識晒就訓教咁會變成點？要請佢諗諗。
長久之策其實係要比返岩程度既野佢學，去keep返佢既learning motivation, 唔想為左就大家程度而嘆嘆下，團火就冷卻左。同時，見你小朋友有興趣同無興趣科目反應都好大，盡量鼓勵佢唔好咁細個就偏科，唔係無興趣就完全唔理，了解下佢點解無興趣，咁其實佢都唔係樣樣擅長，弱既位都要花時間執。
//
k3至小一，我見到佢非常有興趣，唔係全部都識，但係非常專注，成日揸住啲練習行嚟行去，唔識就主動問
坐定定，玩棋
//
既然幼稚園3 hrs 滿足唔到佢就靠你去填補，起碼要keep佢好學之心唔好熄，同時盡量唔好偏科。如果佢意識到自己有野勁，叻過人，更加要留意品德上唔好變自大等等。
小朋友仲細，未坐得定唔使急住學棋，我只係建議你地過英國後settle down可以explore 呢方面。數學就繼續同佢玩，留意平日語氣唔好成日讚佢好叻，聰明，而係有技巧地讚佢有努力地解決問題，恭喜你諗咁耐無放棄終於諗到，繼續鼓勵佢解難，順便去挑戰自己弱既位。
1個讚
係啊，我地呢家係屋企無野做都玩奧數，唔係自己年級既，覺得好重推理logic 好好玩，相比下學校教個d數就好死，我地都係當休閒活動咁sip時間玩下。
只係有印象呢個forum 有人覺得去到外國讀書就唔好拎咁多練習去做，所以lup 返個頭盔。我覺得因材施教係緊要d.
1個讚
我地屋企無電視無youtube比小朋友，悶就自己睇書，做勞作，放空。需要做research 要用電腦睇youtube, 就要有人陪做，或者我望過d片佢岩睇，先可以睇。
1個讚
樓主小朋友算唔算係天才/資優？3歲半就已經識咁多
好多謝你嘅建議，我會盡力做。平日我有買好多唔同類型嘅書俾佢，都有帶佢去圖書館，如果夾到時間，都會帶佢參加政府唔同類型嘅兒童活動。冇家底，唯有自己盡力做，唔知可以幫到佢幾多，做左好過冇做。
有啊，其實一開學嘅時候已經有提醒佢，但係佢過咗一段時間就好容易故態復萌。而家送佢上校巴之前，基本上都會提醒佢記得眼睛望老師，老師講緊嘢要望住老師，呢個係最基本嘅禮貌，佢會做到一段時間，之後好快又會故態復萌。我有問佢點解做唔到？佢話佢已經識哂，老師講咗太多次，所以想瞓覺。好彩佢都尚算聽話，提醒佢之後又會做返好幾日。但我唔知長遠落去點算……
其實佢開學初期，已經有笑同學唔識數學，連1至5都數唔到，我都有串返佢，你識加法減法乘法除法咩？數學世界好大，冇人識得哂，同樣地，你笑同學數數差，但人地一定有野叻過你，留意下同學有咩叻，好好向佢地學習。之後我就再冇聽到佢笑同學。
佢冇興趣嘅學習內容係：跳舞、唱歌、填色、繪畫、手工，我有陪過佢一齊做，不過見佢真係冇咩天份，而且非常冇興趣，就算要交呢類型既功課，都係水過鴨背，求求其其就算，如果鼓勵佢做好啲，佢會有情緒，幾抗拒藝術類既學習內容。我都有去幼稚園觀課，見一要做手工，佢潦幾筆就當做完，就離開左座位走去玩玩具。
佢最鍾意數學，然後就係科學（學校冇，係屋企學），其次係中文、英文。我遇到嘅問題就係：好似乜嘢都係自己教，我又對我教嘅嘢冇咩信心，唔知係咪真係教到佢……
人外有人，天外有天。佢係而家間幼稚園可能叫突出，但放入名校應該只係普通料子。我同老公都係咁諗。
我俾我個仔screentime一日嘅上限係20分鐘，通常都唔係日日有得睇。幾時俾佢睇呢？就係喺屋企學到差唔多嘅嘢，有時想俾佢由唔同角度學習同一個課題，就會揀一段片俾佢睇。又或者學習一樣新嘅嘢， YouTube有啲差唔多嘅片，就俾佢睇一段嘅片引起學習興趣。有時我都覺得YouTube幾好用，但係係要自己揀吓片。
我同老公都怕小朋友沉迷電子產品，太多影像刺激，削弱思考能力同專注能力。
好正常啊，幼稚園得3hrs, 而且仲要比較淺無咩挑戰性既學習，作為呀媽睇唔過眼放唔低佢就會立高衫袖去tailor d learning experience 比自己小朋友。呢家係香港，好多資源都好易得到/有途徑搵到，都仲叫方便。去到英國，成個學習氣氛要重新適應，到時無咁方便，更加有機會行home schooling. 我見外國行home schooling 好common，唔返學。我諗你地唔會咁極端，但如果搵唔到岩既after school club 可能放學都係自己教返，直至佢大到可以自己上網自學。
1個讚
有時我都覺得教得辛苦，坦白講，我唔係科科都得，尤其係阿仔最擅長嘅數學同科學，完全係我嘅弱項（弱項中嘅弱項）。有時我都會覺得自己變左部分home schooling咁，真係有辛苦到唔想教既時間。更加覺得行home schooling嘅媽媽好強。
我就真係行唔到home schooling，去到英國，我估計學習風氣更加輕鬆，到時個仔都唔知課餘時間會唔會繼續跟我學習。
而家係個仔有興趣，突然自己識到啲嘢，我就繼續教落去，其實我都係跟住佢行，所以我更加覺得好無助，好似見步行步嘅感覺。