舊年被迫升咗職，當時既上司雖然夾硬焗我升，但之後仍然對我好包容，所以我算係慢慢習慣咗。因為呢單野我仲出過post呻…點知同年年底上司退休，公司升咗另一個人head住我。呢位新直屬上司因為某d原因暫時未可以fully support我，隔離team既高層最近竟然踩地盤…我感覺到佢唔止踩過界，仲對我有啲攻擊性。我知佢表面打擊我其實係想搶我新上司地盤。我係無啦啦捲入咗佢哋高層既人事鬥爭…依家我唯有暫時自己一個頂住，仲要保護一班team member…
屋企方面…我奶奶無啦啦又走咗過嚟我屋企，話掛住個仔同孫…響我度搶工人d工作做。我本來以為佢又係小住幾日，點知我老公出trip要離開香港成半個月佢都唔走，而我又收到風佢好似同同住既仔同新抱有不和… 我真係怕佢會賴響我屋企唔走…
好啦發生咁多事，我唯有繼續頂住…所以借個位呻…
wow, 內外夾攻呢，咁你同99關係如何？你老公又點睇佢媽過黎住？
內外夾攻 
仲要唔係自己可控，
為有搵啲me time等自己抽離一陣
我同99唔係好好但又唔係好差，新抱要做既表面功夫我都有做足。但我99好鐘意響幾個仔屋企走嚟走去住幾日，自從上次因為住太耐生活習慣又有衝突，我黑咗面之後，佢有一段時間冇嚟。我以為生活回復安寜…點知…
我老公係孝順仔，不過好彩唔係媽寶。我唔想佢夾響中間太難做，所以之前能忍我都會忍既，係上次因為住太耐先一時忍唔緊啫，老公最後都兩邊勸解同送佢阿媽返屋企。但今次我99唔知我老公出差就走上嚟，唔計粒孫同工人，我以為佢唔會想見到我呢d感情淡薄既新抱，食個飯就會返屋企，點知食完仲響度瞓…佢個仔出差我又費事好似趕佢阿媽走咁…唉…
響公司先有me time… 一返到屋企就見到99 
我都忍咗佢自己走返入房 
好慘, 我覺得有少少係趁你老公出差就想響你家宣示主權, 呢度係我個仔既地方, 我鍾意幾時上黎就上黎, 我鍾意住幾耐就住幾耐
可能佢都係d 麻煩友, 搞到本身同住既新抱都頂佢唔順
真係辛苦你, 99 既話頂到你老公返黎就等老公出口.
聽你咁講其實你奶奶都難相處.
唯有等老公返黎攪掂奶奶，呢段時間辛苦你了，有乜唔開心就上黎呻下，加油 
佢未至於搞事，但講嘢好煩，好鐘意咩都干涉比意見，同乜都八卦乜都周圍講，我當年乳腺發炎都比佢唱到男家所有親戚都知。自此以後我冇再同佢講私人嘢。
所以佢響度就好似有個間諜響屋企咁
依家連我個女都知秘密唔可以同我99講。
仲要頂多幾日
心靈綠洲
我接受唔到99會突然上我屋企住 
你地屋企一直有地方預俾佢過夜?
如果係咁，可以話你一早已經默許左99上黎過夜。
平時住開既仔同新抱唔妥，去下其他仔度住都被嫌棄好似有D慘咁。
未必係因為阿仔唔響度就宣示主權既，另一角度睇可以話係幫下手，屋企多個大人。
放工食完飯入房ME TIME無問題呀，
有時我同同住奶奶會直接講，返工好攰早D入房自閉。
一切都怪我當初衰心軟
佢有自己屋企唔返，成日去其他仔屋企小住，真係想宣示主權。
我屋企住得最少，因為咁多新抱最惡頂應該係我。我有時仲沾沾自喜覺得自己都唔係好慘，其他阿嫂咪仲慘。真係錯晒
唔關自己事就唔好出聲、唔好理，唯有死頂
嘗試同奶奶傾吓，又同佢個仔同新抱傾吓，解決到佢哋問題奶奶先會想返屋企
頂住，加油
所以係我一開始就錯唔應該留張床響度
其實佢自己有間屋架，不過係要住響d仔度。我覺得佢係對d仔放唔到手，接受唔到佢哋唔再需要自己。
我屋企得一個細路，計埋工人有三個大人，客觀事實係唔需要多個人「幫手」。
同感~
咩叫"幫手"丫? 宜家屋企工人做得唔好咩? 係佢自己FF 自己做得好過工人, 想擦存在感
我未試過好似依家咁低調
佢搶咗部分工人嘅工作
我好appreciate 佢好落力煮飯同整糖水，但我屋企生活習慣係少油鹽糖，亦唔會日日食糖水，更加唔會成日買零食比小朋友。呢方面講極99都唔改話多兩話仲話唔落油鹽糖冇味
咁其實佢可以返屋企煮，我哋繼續食冇味餸
仲有好多生活習慣嘅問題
呢個諗法好攞命, 老人家驚自己無價值, 所以咩都要理, 希望搵存在感… 但越做多越令後生唔自在… 我成日都提住自己千祈唔好咁諗, 後生有後生世界, 切勿干擾…