識有兩兄弟都有自閉症，即係第1胎(阿哥)有自閉症，第2胎(細佬)都有，你哋識唔識第1胎有自閉症，而細佬/妹冇嘅呢？歡迎分享
唔生
2個讚
有，我朋友大仔嚴重自閉症，但細仔無事，仲好精靈活潑
識大個個正常，細個個輕度弱智
我大女有自閉症，細女冇，但大女啲同學有兩兄弟都有自閉症，都係睇彩數
但我覺得自閉症係社交同學習比較麻煩，但智力係正常，趁黃金期比多啲訓練，大個之後同普通人唔會差好多，所以唔好咁擔心，亦都擔心唔嚟
細女出世之後屋企係開心啲，大女比較靜，細女未出世前屋企成日靜英英，而家細女越大越多聲氣，屋企都熱鬧咗
8個讚
睇你想唔想搏、始終呢啲係遺傳病
1個讚
家姐讀書好叻做醫生，
細佬弱智返庇護工場。
唔會啦, 如果唔好彩第二個都係有自閉症, 湊兩個自閉症小朋友家長會好吃力;
如果好彩第二個係正常, 除非有啲家底, 否則細嗰個要負起照顧個大ge責任(好情靭), 對個細好唔公平
1個讚
我自己識第一／第二都有，如果俾我第一係就唔博，風險太大，情願盡心照顧好一個。
不過我都會明白博心態，無人知點選擇先係最好，唯有祝福。
1個讚
宜家自閉症譜系好闊, 醫生定義自閉症同大眾認為既自閉症好唔同…病情唔嚴重既努力做訓練已經可以好好多, 常人睇唔出
真係隨機
識人哥哥要入特殊學校
弟弟就自閉頻譜，話係「亞視保加症」返學會推人打人，轉咗兩次校，有食藥有訓練，去到初中好啲，但成績都係麻麻地
弟弟將來要喺社會立足都唔容易
都唔知點照顧哥哥
但佢哋一家人係虔誠嘅教友，就算哥哥將來院舍，應該會有教會嘅人幫手睇探吓掛
題外話，我身邊見到好多自閉頻譜/SEN嘅case,有做訓練同冇做訓練，真係可以爭好遠
我識有個家庭，大哥自閉、二哥自閉加ADHD，細女ADHD
有能力養到仔女死咪生囉
無能力養就唔好生了
第二胎正常仔，隔多年追女
朋友大仔係亞氏保加，讀書好叻，數學邏輯好強，但社交真係零蛋，當年朋友係要辭職全職湊佢。
之後生咗細仔，正常無問題，雖然成績一般，不過社交能力好強，係果種去到邊個團體都會好受歡迎既人。因為咁，佢自小已帶住哥哥去公園玩，又會一齊去同學聚會，哥哥係因為細佬所以社交能力先有好大進步(不過只要同佢講嘢就知係自閉症人士，因為好少有眼神接觸，就算接觸都唔超過兩秒)。
領養會唔會比較好
1個讚
信不信由你~
自閉同重金屬有關
例 (同事)：大B時食好多大花膠，自閉~ 細B時太忙唔得閒整，無事
例 (EK以前嘅家長分享)：又係大花膠，但呢家人有錢，小朋友3-4歲去做heavy metal detox, 之後無事，好返
另外，外國唔少案例係打完一歲針之後變成自閉
又，duke university 有專完研究用臍帶血醫自閉，幾成功，可以自行google 一下
我仔係佢大約兩歲半時確診有自閉症，當時我女剛剛出世！當時我係非常辛苦亦都有後悔生咗個女！
好彩我仔幼稚園有訓練做，佢由三歲至六歲每日返學做訓練…慢慢有改善！而我女係正常，而家成日係屋企唱歌、跳舞，做埋啲攪笑野引哥哥笑！而家我覺得好彩有個女令我仔有多一個同其他人相處機會！
仔有自閉症既機率高過女， 如果第二胎係女會比較安心
1個讚
但仔女無得揀喎