炒下場，少談政治，感性一下
煲蠟
其實玩下蠟燭姐，唔敢煲
記得好期待中秋節！
不停數下有幾多盒蠟燭，叫啊媽買多啲
一早就食飯，食完飯打開窗望到樓下公園…
嘩！！到依家仲記得！滿滿燭光！！好靚！
相反依家中秋節 - 無聊得很
8個讚
最掛住外婆，佢同舅父舅母住香港仔，但我哋住九龍，我媽爸又成日好忙，嗰陣都未有地鐵，外婆成日都搭巴士轉渡海小輪再行嚟我屋企，幫手煑飯俾我哋食，因為都成兩個鐘先嚟到我屋企，所以佢通常會住一個星期先走，佢一走我就唔捨得，晚晚打電話叫佢快D過嚟，隔幾日佢又真係會再嚟但其實自從有記憶開始，佢住我屋企時間仲多過響自己度，搞到舅父舅母投訴話佢唔理D內孫佢最鍾意睇電視，特別係粵語殘片，最記得佢夜晚一邊睇住余麗珍，一邊批蘋果皮俾我食，再大少少佢俾埋把生果刀教我批，仲有同佢好多好多好多回憶…可惜我升中學冇耐佢開始病，半年後就走咗
嗰日仲要係母親節，所以我最鬼憎慶祝母親節
不嬲都唔會同我呀媽慶祝，但嫁咗之後走唔甩
7個讚
真係好好玩
雖然只係喺月餅盒整溶d蠟燭，但都覺得好好玩
2個讚
暑假 飲汔水揭樽蓋蓋掩換奬品，但無次換到好嘢，見人就換到個吹氣浮床沙灘波搖搖。樓下士多店會有搖搖活動。記得有年奧運出咗好似貓做主題嘅膠公仔。
2個讚
我未試過煲蠟，因為真係好驚
但係會睇哥哥同其他人一齊煲
不過我細個試過中秋節用月餅罐煎雞蛋
街邊檔小食
記得有年農曆新年去深水埗超級多小食檔
有隻炸魚蛋係點甜醬食嘅, 之後無再見過
朝早阿爸送返學，買 $2 一條芝士包條，買 $6 報紙送紙巾抽幸運卡，抽到 $1-2 蚊優惠券就開心到不得了。
1個讚
因為屋企唔買零食，所以好掛住每逢過年去長輩&親戚屋企食新鮮炸嘅蝦片，煎堆，南乳牛耳餅，密瓜味長方形水晶啫喱糖
1個讚
我個best friend最鍾意食呢款炸魚蛋，以前同佢掃街一見到佢即買
阿爸阿媽帶我去旺角食聖誕大餐
仲記得吱吱喳喳的鐵板，同埋嗰袋有聖誕老人眼鏡的聖誕禮物
我好鍾意細個嘅拜年氣氛，拜年有啲悶，但都幾開心，係咁食，大人又傾偈打麻雀
食定玩架
不是活在回憶，而是前事不忘
暑假可以全日睇電視
3個讚
講起暑假，以前小學會喺呀爸呀媽房開冷氣，再開張枱仔做暑期作業，呀爸呀媽就喺床瞓晏覺
有時做得快，呀爸會帶我哋去公園玩或者去泳池游水，但我到而家都係唔識游水
以前暑假電視好精彩，會播好多新既卡通片！
係好期待
3個讚
以前冇錢，去圖書館睇書，去中南睇文具（唔買），去公園玩已經好開心
4個讚
我想去七仔抽免費軟雪糕
霓虹燈招牌，五光十色，
同埋細個跟屋企人去舊機場去送親戚機，係車到睇住飛機係頭上飛過。
假日去新界探阿爺，鄉村地方，阿爺有落田種菜，一大片菜田好靚。
1個讚