仔仔k1會讀普通劵幼全日，間學校n班已讀緊，比較著重培養中文表達能力，但英文語景一星期2日20分鐘。
雙職家庭+長老湊想請教下大家，全日班應該點樣安排外補英文比較好？星期六/日去上堂，語景又太少。謝謝
1個讚
K1仲好細，一星期返一日都夠。
身邊朋友同樓主一樣，雙職＋長老，外補都係集中星期六日，爸爸媽媽帶。
放過小朋友啦
3個讚
唔知而家外補係咩形式？ 係成班幼稚園學生對住教材 練習英文生字默書嗰類？
定係 輕鬆玩樂 style playgroup 型式 ，全程英文上堂 睇吓英文卡通片同埋玩遊戲？
點外補都唔會夠私幼語境比。如果真係重視英文就考慮轉私幼，有d私幼都有全日班
3個讚
我小朋友n讀私幼，k1開始學卷，語境係冇私幼咁好，但我從n時已開始每日放工都會同小朋友伴讀至少1小時，有時佢興起想繼續，會多過一小時。有d書係有點讀筆，我返工時小朋友會自己點黎睇。
慢慢，到差不多升k3時，先發覺原來佢已經識左好多英文生字，好多書佢已經會自己睇亦讀到。
我冇特別外補，真係主要係閱讀，唯一外補係幫佢報星期一至兩堂playground，習慣外國人有交流。但我覺得幫助不大，因為一班5-6位小朋友，真正可以同老師對談既時間不多。我覺得不如上下amazing talker呢類既online oral好過，每次30分鐘，輕輕鬆鬆傾下計就完堂。
3個讚
放棄啦 你揀券已經唔會有語境 仲要全日 連外補既時間都冇
1個讚