小朋友腳趾公有倒甲, 舊年係醫院定期覆診剪腳甲同埋洗傷口大半年, 而家又復發, 腳趾公腫晒.
請問有冇人有經驗點醫治? 或者有冇睇呢科嘅醫生推介? 謝謝
我細個都有倒甲，因為倒甲原故，
買咗把尖頭鉸剪，每一/兩個禮拜剪少少兩邊，
等佢少啲機會生入肉。
另外有癑就jit 癑，然後用消毒藥水浸腳趾/棉花「膚」傷口。
有傷口個排要日日做，或者出完街著過鞋就做。
初初用消毒藥水會覺得好la，但傷口好返冇腫痛就覺得ok，慢慢就習慣咗。
1個讚
好大可能剪瞓甲時前得太入，下之剪時留意下，可以避免倒生
1個讚
聽過有人用gel甲嘅方法醫好咗，不過詳情唔記得
1個讚
其實唔應該剪太入，留長少少過左肉就冇問題。
我自己細個係咁，初時唔知，日日見血，後尾留長左就冇事。
而我仔同我一樣，所以細細個時已經唔幫佢剪咁入，都教定佢，以免佢大個自己剪太入。
我知道真係好痛
1個讚
謝謝各位.
小朋友嘅老師建議去搵專科醫生做剪甲手術, 話公立醫院嘅治療, 都係治標唔治本
請問咩嚟𠺢？第一次聽，如果早啲知就好。
做完介唔介意分享下？
小朋友幾大個？我都有呢個問題，不過唔算好嚴重，唔理佢先會插入肉。
我嘅方法係自救，十歲左右就開始自己學剪，要好勤力檢查同清潔，指甲鉗、甲剪都會用到，拉筋增加髖關節柔軟道，方便就住慢慢剪，慢慢慢慢咁試下自救。
我係keep住好短唔留白邊嘅。
都有試過其他人建議嘅方法，留長少少等趾甲個角生得長過肉，就唔會插入去，不過真係好唔舒適同唔衛生，所以我一直保持最短。
發緊炎果陣係好想搵醫生一了百了，不過當佢穩定返，又會唔想
1個讚
得架，我以前就係整gel甲，整返好個甲形
個原理係加咗gel嘅甲面，塊甲會痴住上面層gel甲向前生，生到塊甲嘅角位凸出咗甲邊之後，塊甲就唔會再插入肉，到而家冇整gel甲好幾年，都冇再有倒甲問題
仲有，好多人係諗住剪到個角位好入好貼，但咁樣係冇用，一生長又會插入肉，應該係留返甲邊個角位，修到方甲咁樣，等佢生到出咗個甲邊，就唔會再插入肉
3個讚
第一次聽介紹下
攝綿花都可以防治腳甲生入肉
1個讚
小朋友係中學生啦, 多謝你嘅意見 
多數意見