一名4歲女童上周六（25日）在家跌倒，後腦有傷及發燒，被送往仁濟醫院急症室縫合三針，完成治療後，醫護發現心臟驟停，隨即施行搶救，經臨床診斷為缺血性腦病變，現時情況危殆。
有傳媒今日晚上(30日)刊出報道，引述女童爸爸黎先生表示，院方在記者會上所講並非事實真相，強調縫針當時他在旁邊，指醫護將他女兒臉部向下按在枕頭，可能令她窒息，但當時相信醫護專業並無為意，縫針後轉身已心臟停頓。他強調指女兒一向身體健康，抽血檢查後也沒發現有病。
黎先生表示，醫護按住其頭部，女兒臉部向下掩埋在枕頭之中，醫護用類似毛氈及萬能貼，將女兒手腳綁實，並開始縫針。他稱約4分鐘後完成縫針，但女兒轉過身來已心跳停頓。
醫管局晚上再發稿，指根據紀錄，病人在縫合傷口前，仁濟醫院護士為病人評估傷口情況，而病人服務助理則安頓和固定病人，病人身軀在俯臥姿勢下，頭部向右接受傷口縫合，而場地並無閉路電視。不過女童父親否認院方說法，指當時看見女童臉部向下。
局方表示，理解病人家屬對事件成因存疑問，會緊密溝通及提供協助，全力配合警方調查。醫管局說已邀請兒科及急症科專家檢視事件，並為病人安排罕見疾病檢測，確定事件成因。
警方則表示，周四接獲一名38歲男子報案，指其四歲女兒於荃灣一間醫院接受治療後失去知覺，報案人懷疑事件涉及醫療失誤，有需要時會向醫院查詢及調查。
有註冊護士向TOPick表示，病人伏於地方上進行縫針是正常做法，以毛氈、枕頭等墊著患者，只是希望讓病人避免接觸桌面或床，比較舒適，理論上導致窒息的風險不大，不過尚要理解醫護擺放這些用品的位置是否有誤。
該護士指，今次縫針的時間十分短，認為只是剛好兒童發病。按正常程序而言，醫護均會監察兒童的反應，以避免掙扎影響縫針，不過由於兒童縫針時背對醫護，當時醫護應看不到兒童的表情。
按醫管局的新聞稿顯示，是次事件並未成立調查委員會，意味暫未界定為醫療事故。香港病人政策連線主席林志釉認為，是次事件絕對是醫療事故，認為醫管局應尋找院內外的專家進行調查，並公布更多詳細資料。
(source: 經濟日報)
係囉，禽晚我係電台聽到新聞都即上網睇文字發生咩事。
點解個頭爆缸縫針會搞到個心都驟停。
但呢單嘢我先知，發生呢啲醫療問題要先報警?
公立醫院D呀姐好衰架,大大力整人又聲大夾惡,正仆X!!
反而真護士無咁樣
荃灣間仁濟不嬲都麻麻，有得揀寧願去瑪嘉烈。(如果call白車就無法按地區)
2個讚
係喎！睇佢個樣想賴落人地到！
話人地咩「急性乜q缺血乜乜」
鬼啦！明明就係過程中過份用力引致！
1個讚
事實好明顯就係個爸爸咁講,個病人服務助理係咪果D呀姐先??果D仆X呀姐我以前識人做過,佢都話D人太陰質(佢地對病人好衰),所以佢最後無做落去!佢話醫院係叫佢地大大力按實個病人,佢按左幾次老人家之後,唔忍心做落去
2個讚
好多醫院請呀姐同指引都好有問題,我識人做過,醫院係叫佢地大大力按實個病人,
佢地唔會理老人家感受。
但有時有啲位唔用大又真係做唔到。（不論醫院或老人院）
係話佢地會反抗,但我FD話其實可以勸下個病人先,佢話一黎就好似按犯咁按住,有D男病人咪嬲咪鬥大力囉 
LoveB
12
我正正想講，5月中我陪屋企人入急症，正正入仁濟
其實正常我哋會揀瑪嘉烈的，但因為當時屋企人喺荃灣區睇醫生，醫生要屋企人盡快入急症，擔心情況有少少危急，唯有最快去仁濟。
期間我陪屋企人入去護士站入面，原來有個伯伯應該要插尿喉。我聽個男護士問伯伯個女「伯伯之前有無插過尿喉㗎？佢會唔會掙扎㗎？」
個女答「未試過我都唔知喎」
但我眼見過伯伯喺張床上真係好乖咁，而且好驚咁周圍望。
估唔到男護士跟住話「如果係咁我哋綁佢㗎喇喎，你係唔係同意呀？」
個女答「綁囉」
首先，我聽佢哋嘅對話就覺得根本都未試過幫伯伯插尿喉。只係驚佢掙扎，一嚟就話要綁個伯伯。
二嚟，其實睇得出個女同佢阿爸感情都唔係好好。特別當時見到啲眼神、語氣…
我曾經喺瑪嘉烈都遇見過呢啲case，因為之前成日都要陪爸爸入醫院。瑪嘉烈護士可能真係幫老人家試咗而老人家好大掙扎，先會向家人提出可能要綁住個老人家幫佢哋做呢啲嘅醫療程序。
其實真係睇得出個分別…
2個讚
我只能講仁濟真係唔掂，上至醫生下至阿姐，避得都盡量唔想去。之前小朋友仲係BＢ個時夜晚突然發高燒，我都係第一時間飛的去瑪嘉烈急症室等，從無諗過要去仁濟醫院。
瑪嘉烈都仲可以，不過阿姐阿嬸預咗有啲又係麻麻地（試過老人家住咗一個半月院，俾阿姐不合當換片整爆咗個腳膝頭最後要截肢），不過都有好好嘅阿姐，忙之中都會關心下啲病人。
公立醫院護士話啲阿姐重要功能，就係做啲護士唔方便做嘅嘢
執屎執尿。
我有次見個病人問個護士仔俾個便盆佢，個護士仔勁唔想做個款，叫病人等等，無耐有個阿姐拎咗個便盆俾個病人。
