喺英國第一年會好積極約嚟咗英國嘅香港朋友，就算要揸車幾個鐘大家都會約見下面聚下
依家約出嚟嘅動力越嚟越少，其實關係又冇乜特別大轉變，都會keep住喺WhatsApp group吹水，見面時依然會無所不談
可能依家大家都有工作，放假都寧願留喺屋企休息吓搞吓garden，而家見得最多係住附近嘅香港隣居，保持一個友善距離嘅接觸，不頻繁不定時會一齊食吓飯咁
你地又係點呢？
就算住得唔算遠，我都好少約香港朋友見面，大家都忙。平日湊小朋友返學放學，又有playdate、party。得weekend 有時間做屋企嘢，我已經係一好天就唔理家務出去玩。有時見到有d event 知道對方都有興趣，就問下大家一唔一齊，佢哋唔得閒都係自己一家去。
6個讚
響香港都唔係成日見，有吹水唔係問題
我都少見咗朋友，真係大家都忙，一至五返工返學，weekend留係屋企多，間中好天有心情會即興出去，所以都係冇叫朋友
係香港我都唔太主動約朋友出嚟，小朋友細個時為咗佢地有伴玩會出得嚟密啲，上小學成日要忙默測考，已經少見好多，之後嚟到英國升中，佢地大個會自己約同學朋友安排時間，我就更加冇動力約人，岩傾朋友會keep住online吹水
5個讚
大部分多細路，唔係太方便成日見
我班老死都係introvert, 係香港時都唔多見，平時上網吹水，我地聚會都笑大家係網友聚會。移民後就更冇可能見，但依然keep到網上吹水，我好感恩
2個讚
我同朋友係英國分散唔同地方，都係靠網上吹水聯繫，其實覺得咁樣相處都幾舒服，唔需要約嚟約去夾時間，啱傾嘅依然保持到關係，一見面就會好投契愉快
朋友貴精不貴多，唔啱傾嘅唔想花時間去維繫，喺英國有個好處，距離遠容易啲有藉口去推
1個讚
平日各有各忙，就算住得唔算遠都少約朋友見面，會維持住有互相問候吹水，係term break先會睇下夾唔夾到時間
係呢度新相識嘅香港隣居唔係個個啱傾，整整下就算約到都懶得出
我係I人都幾enjoy喺屋企獨處，有時見facebook friends成日post同唔同人去玩去食，都幾佩服啲人點解唔會社交疲勞
1個讚