每朝早八點零都見一班老人家排隊，唔知排乜。有呢個疑問好幾年。
今早終於見到係排免費報紙 
排好長架，都六、七十人
要份報紙為消磨時間，定係入面有咩著數嘢？ 
1個讚
我個區都有，疫情前無留意。
但疫情後就朝朝都會見到有條長龍排隊等拎報紙。
最有趣係我有次經過個條人龍，繼續行多半個街口又有人派緊報紙但唔洗排隊，係無人排，我經過就拎咗一份。
2個讚
我都唔明, 但真係我果區都兩三個地方有人排報紙
近日免費報紙發行商不再送報紙到私人屋苑, 所以多了長者到廢鐵站排隊取報.
自從通關後, 廢鐵站免費報都提早派罄, 相信是印行量下降.
免費報紙的收費報和網上報, 質素也大降, 幾乎無記者出外, 剩係識網上偷片偷相來當新聞.
例如慈雲山學童交通意外, 星期六發生, 星期一有人放車cam上網, 牠們爭相抄片edit 成自己片.
又例如星期五元朗學童墮樓, 剩係識偷網民相, 記者都無一個, 也不談及照片來源.
1個讚
如果無咗報紙都幾唏噓。但當然唔想只剩下啲黨報，睇得多會睇到個人思維唔公平公正。
我諗上一代既人係慣左睇實體報紙，咁有得免費拎點會執輸，有幾多拎幾多，反正大把時間。咁拎黎係咪睇，睇到幾深入，就唔考究了。反正排隊可能只係無意識既寄託。
1個讚
廢鐵站 
我都留意到好耐, 好多雜誌嘅social media出嘅文章又多錯字, 又錯info, 中文夾雜
學你咁講, 左抄右抄又出一篇文
1個讚
urban legend… 我跨區返工, 都係每區都見到
1個讚
或者係, 人排我又排, 死唔蝕底
我都有攞免費報紙，其實主要睇廣告，有時有大快樂啲印花，食飯可以減幾蚊
條隊主要係啲人太早黎
我公司附近有個頭條阿姨堅持8:30先開始派
一開始派條龍就好快消失…但會唔會好快派晒所以要排定隊我就唔清楚
1個讚
而家都係得返黨報之嘛
賣回收廢紙
幼稚園功課, 有時有題 “從報紙或雜誌剪” 某個字, 所以需要實體報紙; 但現在香港的報紙普遍內容差劣, 無一份值得用錢買, 所以我寧願去廢鐵站取免費報紙, 我甚至試過一個月超過10次特登入閘取報原站出都不願買.
1個讚
其實接唔接受print 出黎既網上報導？
以前好多報紙唔理黃定藍都好好睇，家中只少兩份報紙。 （屋企人從來無買過大X報文X報信X…，個啲唔係人睇，印出嚟係破壞地球同用嚟墊煲底）
呢家啲報紙一來黨報二來好L貴，寧願網上睇新聞或拎免費。
1個讚
接受,以前我親戚已經係print出黎交
老人家早起身，有免費既唔使比錢買，攞黎睇下，
用完要黎墊枱食飯，又或者食生果時墊住唔
做整到周圍都係。另一樣又可以聯誼下啲街坊，
吹下水睇下邊度有平嘢賣。
2個讚
呢個一定，拎去賣，文盲點睇
我都鍾意睇實體報紙，莫講話老人家
嚟到英國睇得過癮，日日Metro，有時仲買
我都有諗過呢樣
但係每人限拎一份, 除非各位老友記集各家之報紙一齊儲起去賣, 否則一份半份都賣唔到咩錢
然後諗到呢樣, 我就覺得佢地好慘…