唔好意思，我又有年金問題。我份年金係同獅子銀行買，第1至5年供，6至10年儲蓄，咁係咪即係第11年可以攞錢？
佢有guaranteed return 但又幾時先有？同埋係咪個個月出定點？我已經完全忘記晒係點運作
直接問返銀行最清楚
喂呀，我唔喺香港呀
咁你都要有個計劃名先幫你查到，就咁睇係答你唔到
叫𣾀豐聚富入息延期年金，比埋個summary 你睇又點話
呢隻係可以扣稅嘅年金計劃，供5年錢，再等5年先有錢拎，即係第11年開始，可以選擇分10年拎或者一筆過拎錢
Thank you! 佢寫住benefit year 20年，你話可以分10年拎，係咪因為之前有5年供加5年儲所以最後只有10年攞錢，而唔係20年？
20年benefit係指由開始個一年至第20年有保障，即係人壽保障，即係有咩事死咗，都唔會因為未供或未拎哂錢而有損失，會有死亡賠償，一定多過你付出嘅，但以儲蓄方面睇，佢嘅結構係儲5年，再等佢自己滾5年，第11年先開始拎，拎10年就完
1個讚
明晒，感謝你
咁可吾可以扣稅？ 回報好嗎？
可以扣稅，回報我唔識呀
可以扣稅嘅年金需要先向政府申請，所以投保前要留意，年金計劃回報好唔好就因人而異，一般嚟講，年金回報有保證成份，但比較低，要靠非保證成份拉高回報，扣稅年金主要係扣稅部份，如果交稅稅率去到17%，以最每儲60000計，可以慳到10200稅，但如果交稅唔多但又想扣稅，可扣稅自願性供款儲比較好，呢個唔多agent會介紹俾客人，因為佣少，另外留意，市場上有D扣稅年金要供10年，無必要唔好選擇，5年期相對較好，我D客主要投保5年期，而唔太concern稅務，有其他選擇嘅
1個讚
匯豐呢隻回報相比其他嘅算低
1個讚
該主題在最後一個回覆創建後180天后自動關閉。不再允許新的回覆。