生完bb, 媽咪果邊有長輩啱啱轉咗做保險
佢就揾我同先生買保險啦
因為bb照結構果陣，有講過有一邊腎偏大
出世之後會繼續跟，我問親戚會唔會有影響，出唔到保單，保險親戚話冇問題，比晒資料佢等佢整保單
到佢約出嚟果日，佢淨係叫我簽名，話份保單佢把關睇晒冇問題，我望一望，份保單係淨係儲錢，冇bb嘅保險，問親戚點解？
親戚話bb一歲之後可以再買
？？？？？
我完全莫名其妙，點解你唔一早講，好似等我出嚟唔好意思唔簽咁？其實佢係唔係開唔夠單揾我做水魚？
最後冇我話本身有另外幫bb儲錢，冇簽到
個親戚走去同另一個長輩講話我由細到大都冇禮貌
個人問題
哦，好啊！我就係咁冇禮貌架喇
吹啊？！
啲人冇生意，冇咩良心架喇
親戚用黎搵笨？慳啲啦
仲好！以後唔洗見
你話我冇禮貌啊嘛，我就冇禮貌比你睇
啱啱先轉行做保險嘅，你要小心啲啊，以前我媽又係幫新入職嘅親戚買保險，一來啲野佢又唔熟，二來佢做左一陣試過唔掂就轉行，搞到我地張單變孤兒單，之後啲經紀都跟得好求其。
唔係個個agent都係咁，我個agent係正常嘅
我細女出世都有啲先天性問題，幫佢買保險時都有同agent講，agent就話所有野如實報，最後睇公司批唔批
但最後冇批到，agent就話1年後可以再試，買唔到就買唔到，冇sell我儲蓄果啲
初生嬰兒的醫療保險係超貴，
你想買，就必須堅持要，
咁樣好正常丫，因為我個情況係約咗出嚟，佢就隊比我話份野搞掂晒，簽咗就生效啦，完全冇提過bb保險唔批
如果我當時戇居居簽咗咁就要一直供份儲蓄保……呢傢諗返起佢點解可以咁樣裝人，仲要係親戚，唔熟唔食
首先，佢己經做錯，agent 唔係underwrite, 無可能答實客人份單有無問題，尤其是有病徵，我一定同客講要等齊資料，由公司核保決定，佢咁講己經有問題，其次就係誤導，同你講做小朋友保障，最終變儲錢，呢個係好大問題，你唔睇清楚簽咗，之後想索償先發覺買錯嘢重死
講返你小朋友情況，一般出世15日就可以投保，但因為你小朋友有問題，估計佢知份單唔易過，所以做儲蓄（一定過），而佢運試都唔試，雖然試咗結果都可能俾公司declined ， 但至少都應該申請等公司決定，再將決定話你知，再睇你考唔考慮儲蓄
就係呢D人令其他人對保險有偏見，佢唔會諗佢影響唔單單係佢一知人，而係成個行業
你無禮貌都好過佢唔專業
咁每一個做得耐嘅agent都曾經係新人一名
錯，最抵係BB時買，保險只會越買越貴，越買越大
滿一歲後就平，初生嬰兒係好貴㗎，
錯哂，出世同1歲係無分別
我聽過幾個保險經紀都係咁講，
咁可能係佢地公司產品問題，再者，保險唔係睇貴定唔貴，係值唔值，俾保貴時個個都話貴，到賠個時就問點解咁少，遇過幾個都係咁
幾熟都好，我唔會幫新入行的買保險，好易撈唔掂就變孤兒單，趁仲係冷靜期或者供得唔多，我會打上hotline cut卡，自己喺出面買過。
如果佢因為咁而嬲，大家不見也罷，佢都唔係有心幫你。
去餐廳食野，新人serve得差、煮得難食、整污糟我件衫，我最多冇幾百蚊，
保險供款閒閒地都4-5位數，其他人樂意比機會新人係佢哋嘅事，我唔會同自己荷包作對
你親戚超衰
話說我媽以前都試過，又係長輩賣保險
約出來(我媽帶住我由九龍去到屯門因為要就佢)
個親戚係咁話得架喇唔駛睇你簽就得
又係冇想要保既嘢就唔簽啦，個親戚喊晒口 blah blah 講咗一輪
啊媽好似有D心軟正想簽，個親戚多口話你個女(我)咁蠢咩咩要買多份添
我媽：你可以話我但唔可以咁話我個女
跟住好型咁拖我走
跟住親戚勁唱我媽冇家教
(話說回來蠢都有保險可以買？
)
其實開口話人地個細路蠢又係乜嘢教養？
我淨係識一句俗語"痾X唔出賴地硬"
既然親戚明知樓主由細到大都無禮貌, 咁又做乜要搵你買保險呀阿長輩?
明明係自己無生意, 要搵人買野俾佣佢賺, 仲可以擺到自己個位置咁高? 仲好意思踩人地個女蠢?
你媽做得好呀, 真正無家教係佢law
唔使理佢咁多, 簽交件一定要睇過係咪個啲嘢, 佢咁樣
叫你唔睇就簽其實係詐騙, 明明話要 A 就比 b 你. 好彩
你有睇…