近排成日會有悶同比上不足 比下有餘既感覺。係咪中年危機。人生好平淡，日日都差唔多，但安逸。
1個讚
湊BB應該好充實喎
3個讚
因為每日都差唔多我覺得，放工陪bb玩到陣然後佢就飲奶訓覺。然後星期六日諗地方陪佢去但每個地方都差唔多。
有時會有啲特別啲既節目去下海洋公園同迪士尼，但無可能個個星期去，同去得多又係會悶。
係咪我太易覺得悶呢
我返而覺得bb未識行識走果陣係比較「舒服」，推住佢就可以去自己想去嘅地方
反而再大啲，識行同對外界好奇果陣，就開始辛苦啦
1個讚
頭三個月因為訓唔到過夜係比較辛苦。宜家生活routine左又訓到過夜就好左，奶又唔洗餵咁多次。
係香港啲路多梯級自己一個揹出去會方便啲。但開始重。
我諗住等佢大個啲真係識玩反而有多啲地方帶佢去放電。
1個讚
以前海洋公園仲有年票，佢識行果陣就開始買。有時拎半日假入去行/星期六，日瞓完晏覺就入去，好多時淨係行水族就走（都行咗兩個鐘），有時又會行埋去睇企鵝，陪住佢行嚟行去
三四個月果陣膽粗粗帶佢去澳門，試過一次之後就帶佢去台北/日本…
我都諗住識行會買年票，同去playgroup之類。
遲啲都有個mini trip會試下帶bb去過夜。同我哋其實先係外國返香港幾個月。
我都想多啲去旅行，但我老公都要衝下事業，我生仔佢都放左三個月假…
所以呢個就係我覺得自己係咪中年危機既位。問心又唔係要好辛苦湊仔，又唔係完全無野做，但成日有種好無聊既感覺。又或者係我覺得呢啲圍住老公同仔既活動好無聊？
1個讚
過兩年揾幼稚園果陣可能又冇咁悶
或者放低佢兩個自己行下街，揾樣嘢投入去做可能會改善到（如果真係好唔鍾意呢種感覺）
以前都係想透下氣先旅行，簡公司冇禁忙果陣請假，自己星期三/四帶住呀b出發，老公就星期五晚放工飛,星期一/二返
我其實都已經做哂research報咩幼稚園
不過就未夠鐘報。都有可能我係好有行動力個啲，一做完又好似無野做咁。
你都好勁，可以自己帶啊b，我自己肯帶覺得我老公都唔放心我地。不過我有同老公講，我遲啲要自己去旅行。
不過好似你咁講，我都成日等佢哋歲會好啲啊，又或者等佢上幼稚園會好啲。但好似一直都係look forward to sth 但無enjoy the moment
2個讚
其實都係習慣，同埋好彩小朋友叫合作
不過係勁hea咁去，細果陣就推住車仔周圍行（最開心
），係冇得試衫，識行果陣就去商場食完嘢就去play zone, 等佢訓咗又係推住周圍行。
果陣我估自己有啲抑鬱，老公唔喺度反而個人爽啲
係買嘢要量力而為，因為背囊咩住衫仔片同埋水，唔買得太多，同埋要避開放工時間唔好同人迫
老公嚟到行程就緊密啲同可以買多啲嘢
我宜家星期六都係咁上下，係未去play zone但都已經搵定
1個讚
你咁講我又成日都係有咁嘅感覺
尤其係冇做嘢之後
送完小朋友返學，有時就會諗，以後都係咁過日子其實唔係自己想要嘅嘢
係呀，我有時又會諗下以前。但問心，如果唔結婚剩係去玩我又係會唔開心喎，因為我都係恨嫁個啲。
有時我覺得自己係得一想二，唔滿足現狀。
我以前份工忙到死，唔想做，宜家份工得閒又亂諗。
呢種日子要再upgrade下就係我想要，可能仔大啲識互動，又有無限錢周圍玩，但我唔知到時又會唔會有新想法。
1個讚
我反而會諗如果冇生小朋友，應該都會做到身體出問題……
可能我果個呢傢大咗，我對住小朋友感覺係大家陪住大家多過我照顧緊佢，同埋生理上照顧壓力少咗又會享受一家三口嘅生活
1個讚
就算無生我都唔會再做之前份工，唔想人生太多時間放係工作。
我諗因為咁，啲嘢你好易上手，再加可能你個寶寶易湊，所以會覺得好routine 咁。
或者依段時間你自己搵啲新嘢學下，有啲新衝擊俾你可能好啲。然後等bb大少少，就可以帶佢周圍探索。我自己小朋友細時，都會帶佢去周圍去，同埋佢地開始學嘢，其實自己又好似重新學一次咁（有啲嘢我自己都未做過未去過，係因為陪佢自己先會做），到時你應該會覺得好啲。
我都有諗過，但最多都係返工時間自學。我個b先咁細，放工就應該要花多啲時間陪佢。
我都有FF到時一齊同bb上興趣班。
1個讚
自學ok架，上網又得，睇書又得，宜家上網學嘢資源豐富咗好多，又慳錢又慳時間，唔駛咁大壓力，最緊要搵到你有興趣嘅嘢啫。
除非你已經去到乜都無興趣，咁就難攪啲。我身邊有啲朋友覺得人到中年，學嚟都無用，咁就真係無人幫到你。
1個讚
我身邊都有呢類人，小朋友上中學，冇壓力要出嚟做嘢，但又覺得悶
如果鍾意做下運動or煲劇又好啲，有朋友冇乜嘢想學就真係好苦悶，好彩佢同老公感情好手，可以成日揾老公食午飯
我反而自己一個可以有好多活動，但要同老公加仔就好多野要就佢哋。
同可能我係需要社交鐘意同其他人傾計。我老公係可以唔講嘢佢唔想同其他人講嘢
1個讚