話時話，我係Facebook睇到個韓國節目
關於教育孩子，大陸譯名叫「我金子般的孩子」？（好似）
好好睇，自問得到好多啟發
覺得吳博士好準確指出問題
推介比大家
2個讚
我識果個幼稚園已經好叻掩飾壞行為,最鍾意做野損人不利己,但係佢讀書超差,可能因為大人要佢學習,佢就唱反調唔讀書,返學專攪同學仔…
佢係醒目女黎既,不過行條歪路
我都有係FB睇精華~
有個CASE個男仔咪就係我講既天生壞人囉,睇眼神已經睇得出佢唔正常,吳博士都叫佢父母同佢退學(因為佢成日打傷同學,連校長都整喊埋),好似有叫佢要睇精神科
我記得呢個！
做個好恐怖既邪惡眼神望老師、同學
父母仲死撐話「冇家長投訴」
吳博士話「冇可能」
佢話小朋友有好早反社會人格(之類)
唔教好既話，長大可能做出好嚴重既事(之類)
聽到都想像到個啲「隨機殺人既痴線」
1個讚
8歲，香港小二來講，都差不多時候玩小圈子，貪玩地冼人一鑊。所以話學校係社會既縮影，都無講錯。
但同時，亦有家長為左維護仔女利益而說非成是，亦有家長講反話明讚暗彈，總之上到小學人與人就複雜左，老師又唔會好似幼稚園咁跟得咁緊，所以都靠家長跟。遇唔到呢類人就好彩啦，遇到其實都係遲早問題。
我個case, 我接觸過對方，亦見過對方家長，表面睇唔出，行為上都睇唔出有咩問題，我甚至某程度有懷疑係咪我個小朋友衰反帶壞人地。好在學校介入得早，好快平息件事亦令我多加alert. 以人性來講，到左一年後已接近水落石出，日久見人心，個小朋友因為佢既行為已被95%邊緣化了。
我相信我個case比較幸運，提醒到大人小朋友呢家上到小學就無咁單純，上左一課。
1個讚
做佢個仔D同學真係慘,日日俾佢打,
之後吳博士應該出左醫生紙(我估),迫佢父母自己教返,我估係評估左佢唔適合返普通學校(有攻擊性)
1個讚
-
阿女主動同你講，即係信任你，你比到安全感佢，佢應該心底知係被愛嘅
-
你話你女比較軟弱，屋企又比較嚴厲，可能佢一開始識呢個朋友，人地對佢溫柔少少佢就覺得呢個朋友好好
之後就開始崇拜呢個朋友，佢同你講想試吓自毀，殘疾呢d，似係” copy and paste” 你朋友講嘅嘢，但你問深d佢，佢未必答得出點做同點解真係想，未必解釋到，咁就証明唔係佢原意。
佢只係想照抄朋友想法，因為呢d字眼 好大個女好型，然後同你講，覺得可以 seek attention /讚賞。
唔知可唔可以搵機會完全接觸唔到呢個朋友，
再睇吓佢仲有冇呢啲想法，先再對症下藥
例如可唔可以大家一齊一家人去 camping / 做一啲新嘅嘢或者新環境，等佢暫時忘記學校嘅嘢
1個讚
樓主，不用氣餒，我都經歷緊
問題不一定完全由父母引起，或其他單一原因
但父母早介入，想幫佢，就能走出困局
可搵學校社工先
如社工覺得有需要，會再搵駐校教育心理學家
而家好多青少年中心有搞兒童或青少年精神健康活動，你可到這些中心搵社工傾下
其他我地介入嘅目的，唔係單單為左解決現在問題
將來佢會面對更多問題，我希望build up返佢應對問題嘅能力，教佢睇自己身邊嘅“救生網”係好大
1個讚