小朋友8歲, 琴日突然喊住同我講佢想傷害自己! 佢話唔知點解有個感覺好想試下死亡。佢覺得自己好冇用，因為控制唔到個感覺。
再傾落去，佢話佢身邊朋友都有咁樣情況，有朋友話想自殺，離家出走。我小朋友話一聽到有關死亡既topic就佢會想去試，去接觸。
我好擔心，點解以家香港既小朋友內心咁複雜?我好擔心我小朋友有日真係會做出傷害自己既行為。各位媽媽，JM你地有冇遇過?你地會點幫小朋友?
應該問返自己平時點對小朋友先
3個讚
我地對小朋友都有要求，日常生活中會有責罵，希望佢做事上心唔好拿西，但冇強求學業成績。我地知小朋友比較內向細膽，都經常鼓勵讚賞佢，希望佢有多些自信心。
壓力唔一定係來自成積，可以有其嘢，三如你所講，你對佢都有一定程度要求，會唔會因為咁而令佢覺得自己無用？每一個人都係一個獨立體，父母好多時就會將自己一套，套落小朋友度，但呢套係咪小朋友自己想？定係因為我地細個時愛到同樣嘅嘢，自自然然就會做返同樣嘅嘢呢？
你小朋友肯同你講已經好好，你可以再深入問下，點解覺得自己無用？ 邊方面？
3個讚
我覺得要搵一搵學校社工傾下。
我自己會同小朋友講咩係死亡，死唔去嘅嚴重性，死咗會令在世嘅人傷心。
了解小朋友係邊方面無用？盡量係佢長處多讚賞，要令佢知道人唔係十全十美，每個人都有長處有短處。（我自己會講番自己不足之處同點樣面對，或問一問小朋友遇到問題要點樣做？）
2個讚
危險…去睇醫生啦… 我有屋企人係初中時有同樣症狀, 曾經自殺, 幸好及時救返… 精神科醫生驗血後診斷佢係少咗一種Hormone令腦傳送唔到開心感覺,只有負面情緒… 之後食藥去醫, 加上再多做運動…已經高中啦… 身心都好健康
6個讚
小朋友感情好重，包括人同物。我都有同佢講過"死亡"或"離開"題目。例如:佢書包爛左，佢會想我搵方法修補而唔想換個新。佢就係唔想接受，覺得要搵方法維持佢所愛。我有講世上有些天生殘缺既人，多渴望有健全身體，但佢答我"我想感受下殘缺"。我亦有話佢知道殘缺是不可以回復正常。 但佢又會同我講，佢咁既想法係唔岩，但佢個心又好想去做，所以佢好辛苦，好混亂。我唔知道佢係好奇或是佢精神，情緒上出左咩問題?
當然我有問小朋友幾時開始有咁既感覺，佢話自從同左某個同學一齊玩開始。我就建議佢唔好再同果位同學玩太多了(我唔知咁樣處理岩唔岩)
佢話控唔到果感覺，明知唔應該咁做或者唔應該咁諗，但個心偏偏做左。
例如: meet手(係爛哂，我成日問佢你唔痛嗎?)，佢知道做事唔好懶惰拿西，但佢總係做唔到，令我勞氣。
請問你家人仲有無其他原因?
有識得嘅心理學家專做小朋友輔導,有需要可以介紹
2個讚
搵專業人士幫手！再加屋企人無限愛心比佢感受愛！
你小朋友同我小朋友同樣年紀，同樣身邊都有令佢想試危險野既同學出現。所以我明白呢d危險野，叫你唔好做唔好諗既野對佢呢個年紀來講係tempting, 做唔做出黎就靠自己定力啦。
好在你小朋友會同你講，至少都信任你地。佢話想試殘疾，可以陪佢蒙眼行商場，搏起一隻腳另一隻單腳行路，用左手寫字等等。全部由你地陪做，做到佢覺得夠為止。
其實我覺得感受殘疾係無咩問題，我會當好奇心既一種。但如果佢有更危險既諗法，就要搵人來幫手睇實佢。
至於危險既同學／朋友，係呀我都諗唔到呢家d小朋友壞起上黎可以咁壞，any肥，如果係同學，可能請學校幫手留意同隔開，如果你證明到個同學已對小朋友有危險傾向既influence，早介入好過遲介入。同埋唔好怕做多，比多d愛同耐心比小朋友。佢滅手有機會係焦慮表現，可視為危險警號。
你地平日多唔多睇youtube 玩電腦3c產品個d?
當然, 或多或少性格都有影響, 我屋企人病者對自己要求超高… 父母都無俾任何壓力… 但佢必然要考第一, 試過考第三, 佢要老師俾佢查卷, 唔係查自己嗰份, 係查第一名嗰份, 佢要知道人哋好過佢D咩… 
依家食藥之後都會有咁嘅傾向, 但諗法已經係正常好多…
好好既建議，多謝你，我會同佢玩以個遊戲
我地有限時間10mins youtube，但始終唔係自己湊，好多時小朋友都跟唔到 
小朋友都有提過喺youtube會睇到D恐怖，危險，死亡片。我有叫佢唔好再睇啦，只係睇手作片，睇開邊個channel就果個，唔好再轉黎轉去。
我都有考慮通知班主任，但又擔心會破壞小朋友對我既信任同令佢感尷尬。因為言談間小朋友係知道這些是不好的行為。不過我會再觀察，情況惡化時我都會搵學校。
多謝回覆。
我都相信我小朋友有壓力，只係我覺得我冇俾壓力佢。我會好好再審視自己!
講得啱,先了解父母自已平時什樣對孩子,或者平時比孩子睇到同家人是否好多爭吵.
做家長點會對自己小朋友一D期望都無, 只要適可而止就得啦… 樓主, 我好認真, 試下搵專業人仕幫下手, 我經歷過, 唔係話你一個人改變想法就可以解決… 趁情況仲可以控制, 盡快去處理… 祝願你小朋友日日都可以過得開開心心…
8個讚
盡快搵心理輔導專業人士幫手
1個讚
而家唔好再俾壓力佢,同佢去公園玩下,係屋企玩D唔駛用腦既小遊戲,等佢放鬆下先
1個讚
小朋友對人對事都執著
應該有心理問題
快啲睇醫生
多啲同佢郊外玩，放眼世界
父母雙方要言行一致，唔好係小朋友面前嗌交
多溝通傾心事，多讚賞，多角度分析問題
學習、讀書依刻暫時已經唔係第一位喇
3個讚
小朋友已清楚表達需要幫手
建議去揾輔導／遊戲治療
先搵出壓力來源，再對症下藥
我喺threads見到好多中學生有情緒問題，有啲人病悉感高會自己要求睇醫生
但情緒已積壓多年唔係咁易解決
早介入係好事，媽媽加油～
1個讚
關於3c, 慘了，果然係youtube 出事。
youtube 或其他apps 既短片其實好多都好有問題，短而快速亦會影響小朋友情緒同專注力，最慘係睇開個類片就會不斷feed你更多，咁就狂睇垃圾片。
坦白講，唔可以因為唔係自己湊就放任佢亂睇片，你既勸喻都未必實際，我地大人好多時開電話可能想查d野，最後都end up 做左其他而忘記本身要做咩。你試下加返兒童mode, monitor 返個時間，每日睇佢開過咩apps, 幾耐等等，唔可以放任。
關於朋友，同我經歷好相似。我只可以講，你永遠唔知隔離個家人點樣教仔女，細細個已有好多惡意，仲慫恿人地做。我地已鬧大到打晒電話見家長，我唯有多d同小朋友溝通，話比佢知善與惡（有時太細太單純，小朋友真係唔知咁做唔岩，唔知後果），再洗佢腦離開一個有問題既人。
學校一定要備案，起碼下次出事時，學校對學生背景都有個底。
我有share 呢條片比小朋友，教佢點揀朋友。有時你話個個人唔好，但講唔出佢既行為帶來什麼嚴重後果，背後有咩惡意，要講到，小朋友先會聽勸。
1個讚