淨係2024年，已經唔見咗3次校服，喺小巴上面漏咗兩次書包（老公接放學），漏咗書包/功課袋喺圖書館，放學忘記拎飯壺多次（漏喺課室），又試過返學漏了飯壺喺小巴，八達通/學生證大約兩個月唔見一次
呢傢書包功課袋飯袋都有擺Air tag, 同時有用鎖匙扣掛住電話號碼牌仔，方便有好心人/已經非常熟悉嘅小巴站長執到揾返我
水樽呢啲長期失蹤人口，我已經放棄買水樽，比佢用屈臣氏水樽就算
幫手買兩排蛋，但返到屋企醒起唔知果兩排蛋去咗邊
到底會唔會有一日佢地連自己都唔見埋
因為我返shift . 一星期老公有一兩日要湊小朋友
但呢一兩日總會有甩漏
排除唔小心呢樣嘢，其實佢地兩父子其他嘢都好好……老公好顧家，會煮飯洗碗，夜晚仲會捉小朋友落街跑步跳繩，小朋友訓覺之後先做自己嘢
有時我會諗生仔呢個決定係唔係錯，個仔嘅成長會不停遇到好多挫敗，大個咗揾邊個包容佢
其實好多人冇Sen都一樣會甩甩漏漏。只要性格無問題就唔係問題。
同意. 只要兩父子知自己有SEN, 又知問題所在, 仔仔再大D, 就會諗辦法去填補… 無人無缺憾…
非常羨慕呀！首先值得你一直包容先丫！
好多人唔係SEN都一樣事事唔上心，仲聲大夾惡以為自己做足100分添啦！
有挫敗先有機會去突破，撞得板多唔多唔少會有改善，人人有佢自己嘅人生路，就算貼身保護佢都唔幫得幾耐。
我有朋友小朋友五歲嗰陣
患上咗腦腫瘤，確診時醫生話呢個病好如果順其自然，存活率係兩年
朋友夫婦覺得治療過程會好漫長同痛苦，決定放棄治療，襯小朋友仲有氣力陪佢去玩去旅行去迪士尼，小朋友一年多啲就離開咗
如果小朋友冇走今年已經讀中學，朋友放假就會去小朋友個靈位抺下，同佢傾下計，每年生忌都會買蛋糕，拎埋小朋友生前好鍾意嘅公仔一家三口合照，話爸爸媽媽仲好掛住你
聽過一個心理學家嘅talk, 佢提到我哋成日擔心小朋友將來呢樣嗰樣，但應該退一步思考下，唔係個個小朋友都養得大，佢健健康康可以到18歲都唔係必然
就算係大人，每日行出門口番工，放工平安回家，其實都唔係必然
得閒可以聽吓森美分享,佢細個都係咁,不過佢係聰明嘅ADHD
如果真係好影響生活同學習,可以考慮食藥
如果包容到,覺得影響唔算大,咁就順其自然啦
………um
你小朋友幾大先？
我仔9歲半，佢都係成日漏嘢，最近去家長講座，發覺原來其他同學都係咁…
如果佢哋漏嘢冇後果, 自然有新嘅嘢用, 你照顧週到咁佢哋點解要記得同有手尾？