有幾次自然中但失敗經驗
第一次：驗到有無耐，個胎long就萎縮左
第二次：一年後再中左，但中左葡萄胎
第三次：驗到有心跳，但無耐心跳無左
第四次：空心胎……
好似咩狀況都被我遇過，但身邊親人朋友就喜訊不斷，心理有時真係好唔平衡，點解要比個希望我，無耐又要收走我既希望，有時真係好氣餒，好想放棄唔再試
唔知群中有無人有類似經歷？
試過一次，努力咗5年先第一次懷孕，但9w冇咗心跳，都好傷心，同你諗法好似，突然有希望又突然冇咗
但我信佛教，宗教上有啲嘢可以做，另外我有睇流年，個師傅話bb會返嚟，所以都一邊調理好身體一邊等緣份到，最後都順利生咗兩胎
1個讚
你都好，起碼最後有成功生出黎，我一次都無，又捱左幾刀，年紀開始大啦
聽到好難過，唔知點安慰你
祝福你的小天使快點來搵你。好好照顧自己身心！
多謝你，我應該會比自己試多次既，比個期限自己，如果都係唔成功都算架啦，而家就睇個天比唔比我
如果試過好多次都失敗，可以去睇醫生
check下免疫系統。
好多人表面都正常，又成功自然懷孕，
其實排卵功能應該都正常，
可以往卵子品質(染色體正唔正常)，
或者有冇可能係免疫系統攻擊個胚胎先失敗。
聽好多人分享過免疫問題先冇辦法成功，希望可以幫到你啦
1個讚
謝謝你的回覆，其實都驗過好多野lu
照過輸卵管，驗過甲狀腺功能，血栓，血糖蛋白，又試過指定日子去驗排卵正唔正常，全部都話正常
染色體都驗過，停心跳果次就報告正常，空心果次就話多左條染色體，但係係偶發性，好無奈
可能之後睇睇仲有咩未驗可以再驗下啦
先生有冇都做過生育檢查?
睇你個分享,建議直接去做IVF
4次都係好前期就無左(葡萄/空心/無心跳/萎縮),你又都做過以上TEST
都係有心跳之前,即8週前,好大機會係胚胎本身唔健康(卵/精)問題
做PGS,選出最健康既胚再放胎,應該會大機會D!
1個讚
我也有三次失敗經驗，心情其實都差不多，覺得點解畀希望我，但又要取走，我會寧願一直都冇。現在我已經切底地放棄了。亦已適懷了。
1個讚
都有諗過ivf 條路，但一來財政上真係未必support到，
二來老公唔太想，什至可以話抗拒無得迫佢，佢都有驗過幾次，有兩次就丁丁型態差d,壓界，有一次就話正常
抱抱過來人會明果種無助感，我其實而家都半放棄，不過多小面對兩面長老會有心理壓力，雖然佢地唔會主動問，但見到各自兄弟姊妹們都有自己小朋友，有時真係個心會唔平衡，有時直頭連雙方既親友都盡量避得就避唔見面，唔想比人問到呢方面既野，跟住長老就眼定定望住我點管點接招
1個讚
其實丁丁差卵巢差冇咩好怕羞,係睇兩位係咪真係想要小朋友,同老公傾下?
我有時覺得唔係個天唔比,而係身體本來就好複雜,好多原因導致一個結果
唔好比甘大壓力自己!
因你有4次自然,至少證明你係有卵排出,有D女性輸卵管又塞,又少卵仲難搞~
一係試左IUI先,洗走型態差既精,可能WORK
有冇諗過去其他地方做?台灣 IUI 好平,又可以當出下國散心
幾年前係好想要，想到有種執著既地步，但歷經幾次失敗後，都無之前咁執著果種心情啦，可能始終幾次都失敗，心理多少都會有陰影，同埋有時心理上會唔舒服，不過係真係好想知道個原因，都有諗過去台灣，聽聞台灣檢查可能會精細過香港，學你講，順便當旅行囉，多謝你建議呀
1個讚
抱抱你~ 真係唔容易架!!
你地壓力一定好大,同埋你身體可能都好傷 
但睇得出目前你同先生至少係都往同一個目標去諗/努力,係到有好多人會分享經驗
唔好成日怪自己呀!
1個讚
我都明
我試過三次流產. 一次胎停育, 另外兩次都係10WK 前大出血, 之後留唔住
每次好努力都係失敗, 然後周圍的人好似好順利咁就會開始好有黑暗面…覺得仲慘過啲唔中的, 起碼唔中D 可以look forward IVF解決, 我自己係IVF 都唔可以肯定解決陀唔穩的問題…
我都係做哂好多指定檢查都無問題
後尾中醫介紹佐個醫生做佐D deep d ge 免疫檢查, identify 到D 問題in T cell 同NK cell
再一次自然懷孕四週即刻針對D問題處理,
今次終於叫做穩定懷孕, 踏入到二十週.
你睇下會唔會想去我去個醫生度試下睇下(但做定心理準備都幾貴下…)
4個讚
有冇睇過免疫醫師，我同您都類似，台灣醫生話我係血栓
可能要睇下免疫醫生, 又會唔會係染色體有問題?