6299好傳統，鐘意龍B無可厚非
每次食飯見面都催，係好認真咁催
唔睬佢笑言不語，佢會黑面叫我答應佢
又話唔好呃佢，差啲要我發誓咁濟
死佬永遠都嬉皮笑臉話「努力緊努力緊」
老公話要以和為貴，答應左先
最後唔生都吹我地唔漲
但問題係我地已經有2件，一仔一女
2個真係夠，我唔明點解仲要催
講到一定要生？！又唔係有遺產繼承又唔係佢地負責養。
好想diu9佢丫！！！
既然佢個仔肯幫你擋，你炆咩鬼啫播
3個讚
學返老公嗰句「努力緊努力緊」覆佢
再唔係就帶佢遊花園
問定佢請陪月預備幾多錢？去邊間私家生好？花膠補身8頭係咪剛剛好？bb擺百日宴定滿月酒？擺邊間？
諗定一百萬個問題問返佢，諗下都好玩
1個讚
已經有個好字佢哋都唔心足
2個讚
唔爭在因為生多個要買過間新屋，奶奶係咪有資助
1個讚
樓主好似有出另一post 打算移民
你咪話已經要湊兩個，再生多個搞唔掂呀
佢黑面你咪直接叫你老公答，發誓？好呀，叫你個仔發囉，發毒誓喎
嘩～思想真係好守舊下喎。已經有兩個孫仲要恨個龍B。
心諗，咁想生你去生啦。
3個讚
係啦, 仲要其中一個已經係仔啦, 咁都唔滿意!?
好奇一問樓主老公係咪獨生子?
最後, 樓主辛苦晒, 母親節仲要受奶奶氣
不如直接點吧，就叫老公說不打算再生了。大家就是不說真話，才會被催生B。
奶奶叫我們多生一個，我們回答說有一個就夠了，是大家能力範圍以內可以做到、並做好的事，斬釘截鐵。她又分享以前姊姊怎樣照顧其他弟弟妹妹、怎樣辛苦、大了感情怎樣好，我就回她，為甚麼父母照顧不了又生那麼多，不想想自己是不是有能力，不停問她為甚麼，最後她答因為以前的人不懂避孕，以致大家都辛苦。
5個讚
直接叫佢收聲
老公答「努力緊」，你咪照答「努力緊」，生唔出阿99都冇符㗎…唔洗激氣喎
直接拒絕啦，已經生左2個唔會再生，等佢死左條心唔好煩住哂，佢再講就話如果再討論呢個問題就連2個孫都唔會俾佢見
因為99已經feel到我地敷衍佢
開始黑面比面色我地睇
次次佢一講呢個話題就好煩
最唔明係我自問無問題,仔都生左兩個
點降我要受呢D氣
點解永遠都係佢年紀大我要無限包容佢地
因為佢知個仔係敷衍佢,話內話外都係對住我講
我好想講真話Turn down左佢
希望過左個龍年佢死心
我發覺D老人家係唔會埋呢D問題
因為佢地個個年代都係天生天養
生左出黎先算
佢有乜資格黑面，佢黑你面你就黑返佢面，講到明唔會生，唔好再講呢個話題
2個讚
我明你講咩，我啱啱結婚個陣都係會有呢啲問題，然後好想說服對方。但我發覺有好多時同上一代價值觀都係會唔同，就算你理據有幾好，贏左個辯論，佢都係會堅持己見。
所以我都係覺得認真就輸了，我都係認真撚
我都要向你老公學習，你奶奶黑面就大家一齊黑。佢黑面咁你老公點？
好簡單，避而不見，你同2個孫都唔好見99，有咩聚會出你老公一個就夠。
99頂唔順問你去左邊，可以話備孕中，邊度都唔去，佢黎搵你你就返娘家。咁2個孫呢，就跟你行。
亦可以直接講唔想見，覺得煩，等你老公積極回應佢媽，你就同2粒孫按兵不動。
等件事過左個龍年蝦毛都無一粒就攪掂。
溝通唔到既人唔好硬碰，要搵返個岩既account mgr去man返client 期望。
3個讚
唔好見唔好接觸唔使受，叫你老公返去受