來了英3年, 原先都覺得適應得OK, 但2024年一開始覺得人生谷地… 突然好想返香港
係英國, 尤其我住小鎮, 交心的朋友沒有幾個, 雖然有幾個好朋友住係不太遠的地方, 但總不可以在香港咁, 突然心情唔好話出來食飯就食飯…
我唔鐘意揸車, 係香港一直都冇車牌, 但為生活, 我被迫學了揸車, 但由識揸車至今已撞過2次車(都係小意外), 每一次都為此心情都抑鬱一排… .
工作上由以前得心應手到現在要睇人眼眉,以前工作上的滿足感到現在成日怕做錯野, 聽唔明人地講野…
身體上剛剛有些病痛, GP完全唔到手, 好懷念以前在港一有事就入私家由頭睇到尾的經歷…
尋日, 我又有唔開心的事… 以前, 我係即時搵朋友食飯訴苦…再唔係可以行街SHOPPING做FACIAL, 總之做一D野令自己開心。但現在的我只可回家, 上下網, 睇有冇人同路可以吹下水, 好抑鬱。
你依家感受到嘅係離開後嘅壞處，好多人都經歷緊。所以要搵下呢3 年喺度有咩、或做咩會令你開心嘅？你想返香港，諗吓當初點解要走？你依家返去又可唔可以接受到你決定走嘅原因？
會唔會因為 winter blue 而令自己突然唔開心? 睇下食 vitamin D 有無幫助.
都明白係呢度有唔開心唔能夠即時搵人訴苦係好辛苦, 而你講既其他苦況我都有經歷過/經歷中, 係真係無解決方法, 只能夠做其他野轉移視線, 例如食野, 跑步, 我都唔知咁樣係幫到件事定話係將一D唔開心收埋直至忍唔到為止, 但至少即時無咁唔開心就算, 可能好阿Q, 唔諗就當無發生咁, 但繼續 drill 落去又幫唔到件事, 不如唔諗就算.
我呢番話未必幫到你, 但你都可以試下唔諗咁多, 睇下會唔會好D.
試下寫日記/周記/手記呀, 將開心唔開心都寫低; 以前你搵朋友訴苦,而家用日記訴苦. 但係最後要最少寫一樣開心野,生活上小確幸.
唔開心千其唔好鬱埋,一定要"講"出來.如果自己經濟上許可,放個假休息一下. 移民路唔容易,遇到困難就係邊度都會,但仲有方法解決. 加油!
雖然難聽
但久不久要諗返初心
又或者呢面有嘅好處
朋友可以whatsapp吓
小鎮又有小鎮嘅好嘅，人應該純品d
要睇下真係有問題，定係純粹心情問題
發掘下其他人可以一個人做減壓方法, 新既comfort food?
例如Netflix 煲劇，整蛋糕/麵包（唔受天氣影響）
網購：我間中喺HKTVmall / 日本Amazon買野，雖然運費貴到好肉赤，但係每次收件開箱時見到心頭都夠我開心幾日
Comfort food 講真未搵到，比較開心少少係逢weekend有香港人雞蛋仔賣
個個人興趣唔同，可以大家交流下
點解當初來，主要都係為小朋友，小朋友生活暫睇都ok, 入到好學校，佢地好開心
而自己開心係間屋大左外，唔駛供樓外都冇咩其他，自己唔like家務園藝煮野食，成日一個人上上落落外都唔知做乜，其實我唔算太大財政壓力，但又未到可以任用的時候，打工都係半賺錢半打發時間
我唔開心並唔係blue winter, 我夏天都係咁
其實我都好似你咁，解決唔到就將佢變做唔常諗的野， 所以以前我會搵朋友食飯，嘻嘻哈哈咁過左一晚就冇野， 但現在搵唔到人講，冇所事事之際就會諗返唔開心野…
朋友其實要返工，放工又要家務煮飯，其實得我成日咁得閒
搵d 興趣
你想返香港，咁你覺得小朋友返香港o唔Ok ?
咁小朋友係咪生活得唔錯?
識D新朋友…
我都鍾意寫野的，所以我都係facebook開一個私人page講下自己日常生活野，開心唔開心都有講，希望自己見到開心野都會開心下，但2024真係好多麻煩唔開心野
小朋友返去讀書就難，因為唔多識中文
所以呢個未係留係度的原因
既然改變唔到，就諗吓點樣可以現實啲面對
而家可以近近地去下附近xmas mkt
搵下都係移民左嘅朋友都得丫
有啲朋友都唔駛成日見
重點：會過去的，新一年快來了
既然你鍾意寫嘢，咁寫低你移民嘅得著，放大佢，諗多啲，相信自己當初選擇；失去嘅你喺今日嘅香港亦未必繼續擁有，唔好諗咁多，盡量應用正面思維