邊啲奇人異士上去你屋企睇樓
- 一對男女（好似鬧緊交），已經遲大到仲要上到嚟直入直出，全程都冇1分鐘
- 有對年老夫婦（個agent話個男人係裝修公司老版），睇睇下樓，話屋企啲牆紙啲手功幾好，一路講一路捽/摸幅牆紙。
- 6個人入嚟，兵分幾路（廚房、廁所、睡房⋯），又開水喉，又開櫃門/桶、又沖廁、又影相（窗外、屋內），好似凶案現場搜集証據咁。
痴線！
4個讚
係咁彈當年呢啲單位咪值xxx錢
比agency串，而家冇架啦…blah blah
1個讚
我係去睇樓
屋主淨係著住條孖煙通
我見到個下都幾尷尬
不過個時屋主已經知道
我唔尷尬, 尷尬既就係人地
目測個時40歲左右, 小地中海, 5個月腩
2個讚
唔係我，不過係放租，同事放租，
兩公婆上來睇樓，亦有agent 跟住，
但個老婆全程唔敢同同事有眼神接觸，更冇言語交流，係好驚青嗰種，
然後發現老公要用過半人工租層樓，但又好有誠意租。
同事最終唔敢租
勁手多嘅人
係咁睇我啲擺設
冇問過就開我啲櫃 摸窗簾
問勁多野
佢最後買左我間屋
兩個大媽帶住個細路，係咁搞我電視櫃啲模型，我黑哂面叫佢咪搞，大媽見到行咗個圈就走
3個女人上黎, 其中一個係咁彃間屋, 又話D櫃而整過, 又話望到對面屋, 又話唔值咁多錢… 我黑晒面話唔買就算. 後來個 agent 話佢地好有誠意買, 不過想我減多10%. 當年個市唔算差, 我又跟開市價, 所以無睬佢
我最憎呢啲人，我寧願賣俾識貨有緣人，講到咁差就唔好睇，只係窮就唔好彈人哋單位唔好。
我會選擇讚業主保養間屋好好，個人又住到精神爽利，一定係吉屋，不過新婚資金有限，好合眼緣，可否減少少。 起碼業主聽落都順耳。
5個讚
放屋超過一年,亦都成功賣出左
發覺係咁踩間屋既通常都會事後R減價,仲要減得多個隻
入黎行個轉就走個類，大部份無番轉頭
入黎睇埋傢伙牆身個D就通常資金好緊湊想即買即住
最討厭問都無問周黎影相既人
淨睇坐向,間隔,窗外景,問鄰居管理個D就務實型,我會願意同呢D傾多兩句
最後都賣左比呢類買家
賣樓有時都睇眼緣
8個讚
朋友經驗
農曆七月睇樓係咁彈間屋，唐樓嚟，跟住走嗰時落樓梯pk
4個讚
我都係放咗一年，近日成功賣咗。
個買家係一個好煩好乞人憎嘅人。未成交前叫父母比佢入嚟話度尺，跟住就搵吓有冇defect 有冇壞嘢，要求我哋回錢俾佢。
佢已經搵專業人士驗咗樓之後先成交。成交咗十日八日又話個冷氣有問題，打俾個地產經紀惡言以對，又話個agent 特登比個tum 佢踩等等。
佢對任何人都咁衰，－世都注定冇運行
1個讚
簡直係行為心理分析
好多人都係用第一招
撞過屋主係小朋友同學家長
佢好開心減咗少少比我
1個讚
係，真係好多依啲人，我地係放租，啲人最鍾意就係彈3彈4，然後R你平啲嘅人，真係唔會租俾依啲人。
我地會租俾啲真心鍾意間屋嘅，touchwood遇到嘅都會錫住間屋，依啲住耐咗叫我地平少少我地都會肯。
原來係咁 我仲以為"果D人"租開單位 依家轉買
同樣要求靚牆身&有埋傢俬 …原來手頭比較緊
(“果D人”… 我遇到既通常都係某一類外藉人士 要求留低傢俬越多越好 牆身會唔會幫佢油過 … 唔講仲以為係租客)
呢類人 我後尾又大約知係咩事
有一個 入屋望幾望 無問過咩就走左
… 後尾問返個agent (熟左&佢有小小欠我人情) 都直接答左我
個客其實唔諗住買我呢個座向單位 個客只夠能力買另一座向 但個客想望
又咁啱我單位近佢心儀單位 順便約來望吓 
真係望吓only
(了左佢遺願 我都算做左件好事 … 唯有咁諗條氣順返D啦 
心願/遺願 差不多啦 我讀書少)
又有一個 agent 5分鐘前留whatsapp預約想睇 我都未睇wa 佢就按鐘話到了樓下 當時都唔知發生咩事以為佢搵錯人 &實得閒招乎你㗎?! 感覺佢急到賴咁
上到來 agent一馬當先衝入屋 直接走向窗邊 兩手指住街外景示意叫客睇 之後唔夠1分鐘就走左… 一陣風咁 仲係狂風果隻
後尾睇返agent卡片 主力對面屋院的 我估個客應該買對面屋院 但又想睇吓我呢邊個景觀 就即刻應承個客&唔好彩搵著我單位黎較飛
總結呢類人… 路過順便睇埋其他示範單位心態 免費娛樂
之前放盤嗰時個市差差地，我賣左之後另一個agent打黎話個客有興趣，開個價勁低，又係咁話過左賣唔出，我直接話賣左，佢問賣左幾錢，隔左一日再打黎，話個客肯出高啲，但都未到我賣出價，原來佢以為我求其up, 我話真係賣左，佢仲打左黎二次
1個讚
抵佢
都幾衰下喎！
1個讚