不要否定別人的愛好
聽到別人說「我喜歡這個」的時候，一定也會有人會持反對意見。
「那個有什麼好？你的眼光沒問題吧？」
被批評成這樣，肯定會很受傷。一是傷心自己喜歡的東西被貶低，二是傷心自己的興趣被否定，等於受了兩次傷。
希望大家能了解，否定別人喜歡的東西，其實是一種言語的暴力。
實不相瞞，我在二十五歲以前都是那種會毫不留情地批評別人、傷害別人的人，因為當時我認為心裡想到什麼就老實地說出來，才是誠實的態度。
問題是，沒有人喜歡自己熱愛的東西遭到否定，我給人留下了「跟他說話真不開心」的印象。
因此，我失去了許多朋友。漸漸地，不管有什麼聚會，大家都不找我參加了。
有了這樣的經驗，我想提醒大家：
千萬不要否定別人喜歡、認為重要的事物。
把焦點放在A有A的優點、B有B的好處上。
任何人的興趣都不應該被輕視。
要打開自己的心，讓自己能敏銳地注意到所有事物的優點。
──摘自 #齋藤孝《#什麼是真正的聰明？》
我覺得係禮貌問題
不過有啲人覺得自己嘅意見先係權威囉
呢個forum都唔少呢啲人
咁可以點樣講我不喜歡那個東西的想法?
Forum可以理解。
我唔明點解有啲人對朋友都係咁， 句句窒住晒。
我老公有時都話我句句窒住晒…之但係我睇佢嘅諗法會出問題…咁咪話唔好…跟住我就俾佢話 … 最後好多時係我啱
否定人是一種言語暴力，我又覺得太嚴重，唔通個小朋友話鍾意食屎玩屎我唔去否定佢，叫佢去食啦玩啦。
不過我都認同係禮貌同尊重，自己唔鍾意咪唔出聲或者等自己多了解人或事才作定論。
同意, 係個人品格同修養問題, 尊重人哋等同尊重自我修養… 況且人哋鐘意咩, 係基本上唔會影響到我, 咁又何必要否定人哋呢…
同語氣、性格都有關既
有人性格比較自我，對呢說話冇感覺
好似我咁，如果係我，我有咩感受呢？…
「我鍾意咪得囉，關你鬼事。正如你鍾唔鍾意都唔關我事。」可以討論，但唔會上心
但有啲人就會好介意，變得唔開心
華人小朋友必經階段
即係朋友間問去邊食飯
甲：不如食放題
乙：放題食垃圾傢喎
講飲咖啡
甲：買stxxx / pxxxx 不如唔好飲，同飲屎水冇分別
而甲係知道，乙/丙/丁 間唔中都會買杯嚟飲
有時唔係事唔事實嘅問題，而係講嘢體貼人都係一種修養….
真係同個朋友有幾friend＆個朋友講唔講得笑開唔開通小唔小器。
朋友鍾意飲珍珠奶，但我話珍珠奶有塑化劑，少飲為妙。（我朋友聽完我講無咩嘢同樣講番係呀，所以都係想飲先飲）
又試過我有另一個朋友俾佢啲小朋友(P1~K3)飲奶茶，我聽完真係OMG（因為我覺得奶茶係大人飲嘅嘢，自己飲完奶茶仲會手震心跳快）。不過佢地一定有佢地道理，聽完就算。
好熟嘅，朋友本身有糖尿問題，有時出嚟見到佢飲珍奶，都會講句飲少杯啦你
真係講一句就唔再講啦，可能早10年我都會苦口婆心勸，但係其實人哋都未必想聽，你想佢好嘅目的達唔到又傷害咗大家感情又何必呢
我多數會問如果有糖尿病，你飲完珍奶有無問題？
糖尿病又唔一定全戒甜。背後朋友可能忍咗好耐，就係想同你一齊個時放鬆飲一杯。
所以適可而止嘅關心同問候就得。
就係知佢唔戒口，因為大家係成日見
我自己都係講一句
有時又關心下佢有冇唔舒服咁
我好憎啲人要用垃圾同屎去形容食物
我最多話呢間好似麻麻地，不如我地去乜乜乜
網上見到無視，網下咪當聽唔到，人類喜歡支持讚美
因為格嘅問題，揸住杯S/P 咖啡有乜優越感，對方先回屎水
對住乜人就回乜囉
我會漸漸疏遠
