住喺英國嘅各位，你哋覺得有冇需要俾小朋友學可以自衞嘅功夫，例如boxing、跆拳道、karate? 如果需要，幾多歲開始學會好啲呢？
主要係諗緊我個女，好似防下身都好，但又諗花拳繡腿可能冇乜用，又擔心佢會唔會去同同學撩交打 (阿女有啲男仔頭
)
kick boxing 我果面好多細路學
1個讚
我好想架，用過唔同方法引導阿女都唔想。
話陪佢一齊學/佢陪我一齊學，太𤓓唔制。
叫佢問同學有無興趣一齊學，又唔想。
唉！
不過都唔係想學咩就有咩，屋企附近得跆拳道、大陸人教嘅武術、太極。佢學校附近就大隻佬Boxing, 望入去都完全唔見有女人，搞到問都唔敢問。
想學泰拳、格鬥、巴西柔術，但真係唔近，要搭車或者行半個鐘。
1個讚
為興趣學可以, 當做運動 用黎防身就唔好諗喇, 所有self defence class都會話最好嘅自衞方法係跑+大叫 
7個讚
self defense 係教人出一千零一招，讓你 buy time 有時間跑，所以我諗要練埋跑
囝囝有朋友快空手道黑帶，但聽聞切磋時戰鬥能力頗低，所以實戰與武術之應用有一定的距離
1個讚
訓練個意識同意志先重要，我同意學下呢啲嘢
1個讚
我有個FD咩武術都學齊,有超過兩條黑帶,好似係跆拳同空手道
又有學boxing, MMA, 巴西柔術,詠春總之咩都有
最後情定八卦掌
我問過佢嘅建議,佢話細個唔好學得太複雜,學吓拳腳功夫,例如跆拳,空手道,柔道都得
但泰拳,巴西柔術呢啲易傷,唔建議小朋友學
等大個咗,悟性高啲,再去學其他複雜啲嘅
3個讚
我仔係6歲開始學tkd，考到黑帶2段先去英國 (當時12歲)，然後發現呢邊考帶係要睇年齡，足18歲先可以考黑帶，教練話預佢20歲先可以考黑帶3段…
如果會考慮tkd，留意 ITF 同WTF 嘅分別，感覺上，WTF 較 比賽oriented ，ITF 比賽時，可能"危險" d (我仔係ITF，嫲嫲睇佢考黑帶，睇到不安，叫我地以後唔好叫佢睇！)
所以，以防禦出發，可能ITF比WTF 理想
1個讚
習武目的係培養品德武德（武，止戈為武。武是停止干戈）
你教佢還拖打係一個選擇，培養佢係點都係選擇。
你要佢還拖定習武先？要諗清楚呀。
我耍拳目的係養生健康快樂聰明 yeah 輕鬆達到
1個讚
+1 學呢樣實用過啦lol
防身要諗點擋點化點打，諗得嚟都受傷啦