睇談吐同訪問d對答我估a bit of both. 父母又見過世面教導方式又唔同, 入埋dgs個大環境已經唔係叫‘谷’，係叫做一齊憤鬥
2個讚
係香港,中上級別學校既教學方式對打好基礎係好有幫助. 但催谷既方式的確唔係適用於所有小朋友. 學校係小社會,汰弱留強無可避免, 要靠家長去物色最適合自己孩子的學校.
因才施教,係香港比較困難,家長要承擔好大既壓力.
無一種教育方式係十全十美的, 只有靠家長因應孩子的學習能力/個性/特質去調整.
1個讚
呢一篇「綠豆」係講初中生(Year 7-8)面對嘅困難，如果呢兩年適應唔到，year 9打後要準備GCSE，會好大壓力。
香港傳統學校嘅小朋友太習慣spoon feed，尤其自理能力同英國小朋友應該有分別。
舉個例子，我仔香港讀IS，佢year 4 (本地小三）去新學校插班，學校原來要求佢哋轉堂自己搵班房，放完lunch自己去gym上PE，佢學校仲要中小學同一campus，有5-6幢building，我仔只係頭一星期有buddy帶佢，之後就要自己搵班房。
佢頭一個月試過唔識去搞到老師要喺操場開咪揾佢，但學校並不擔心佢安全，反而鼓勵佢自己諗辦法準時去到班房（叫同學帶、唔識就去操場問人，etc）
咁兩個月後佢已經完全ok。
同埋佢哋year 4放學已經需要自己出校園揾媽咪，唔會排隊，甚至自己放學（只要家長批准），真係要求佢哋好獨立。
相對起好多傳統學校學生去到小五小六都仲有工人接送拎書包（我所見，未必代表事實全部），我覺得傳統學校學生去到UK中學未必夠獨立去自己處理課堂上嘅事。
我仔year 2暑假（6歲幾）已經參加去西貢落海嗰啲day camp，year 3暑假去宿營，平日我都係好放手，要佢自己解決問題的（加上我屋企無工人，佢想靠人都唔得）。
如果想中學先去UK，咁小學就要train定佢independence。但我覺得傳統學校係好難的，多功課又要補習興趣班，邊有時間俾佢慢慢做，train independence?
2個讚
多謝你資訊
之前一直工人照顧小朋友，小朋友依賴好強，自理力好低，苙苙亂，天一半地一半。我好認同要教小朋友獨立，自己搵解決方法。上年年尾工人唔做，我唔再請，趁依個機會train下佢，希望提高佢既自主性，但暫時冇嘜成效，佢都係唔緊唔癢，亦因為完成唔到件事，佢發多左脾氣同自信心下跌 
。所以我擔心如果去到英國上初中，佢會唔會唔適應，加上青春期，引致情緒問題。
另一方面，我又會希望英國自主性/多可能性教育可以幫到小朋友，希望佢長大後唔好死固固，唔識解決問題。要知道世界好大，又好可能性，要有祈盼。
西人有個belief就係小朋友有能力自己做，佢哋只會encourage但不會interfere，我諗英國啲老師都係咁。
我仔初轉校時都係長期遲到，冇乜時間觀念，老師便教佢一些方法幫自己（例如請同班同學提你，約埋一齊去，喺手掌寫低自己幾點要去邊個班房等）
我仔都用了差不多一年才完全改善到
重點是不停鼓勵，但不插手不代勞
1個讚
我都不停提自己。
唔係我唔想俾時間佢慢慢做，而係好似冇時間俾佢慢慢黎。之後我就會火起>後悔，無限loop。
以前精英制，有一班家長會認命，老師都明白唔係人人適合讀上去，中學直接揀職先，唔考會考即出嚟做嘢。
今時今日，讀毅進係比人笑，VTC都就快升格做大學，學生／家長／老師都無得揀，適唔適合都要讀上去！
我諗佢爸媽識因材施教，睇睇佢地background:
爸係林護副校，媽係職業治療師，由份工睇得出父母都係知識份子，專業人士，對教育有認識（識教仔女），有耐性既人。
哥做醫生，mmc 10A, 證明2個都有讀書gene, 醒目底，或者叫可chur.
咁既先決條件係90年代都好優秀，問題係somehow 醒目既小朋友都唔係咁易操弄，唔太鍾意聽人講，有d自以為是，有d懶醒咁，總之都會有難搞既部份。
我諗小朋友本身資質咁好，屋企條件咁好，要比佢地既野唔係谷，而係啟發，要高階d lead 住小朋友成長，令佢地有內在驅動力去應付學習，迎接挑戰。例如：
谷-- 喂，下星期考試啦，呢5本練習你同我做晒佢啦。課外活動全停！唔準投訴！
啟發-- 下星期考試啦，你打算點安排時間溫書呀？你target 考咩成績呀？有無咩area 弱d想我幫你呀？仲有課外活動wo, 應唔應付到呀？
我認識既dgs學生，都係喊完fail 完轉頭再黎過，願意接受挑戰既人。呢團火如果唔係自發，純粹「呀媽叫我贏所以無得揀我要係度」係做唔到，尤其大個女更加唔係呀媽可以指揮，精神面貌都會唔同，睇得出。
最後2兄妹都咁突出，我相信佢父母一定背後出力陪伴啟發佢地。一齊訂個目標，陪個小朋友一齊跑，一路上協助而不過份干涉，咁佢到青春期先唔會突然斷片，識得自己繼續向目標前進。考公開試時名校生做paper 15年起跳，甚至早一年讀完dse範圍自己溫一年書，呢d背後無自發性學習係做唔到，更加唔係細個靠谷就靠得上。
咁佢地是否happy 呢？如果讀書當打機，每次拎高分=過關，尤其對挑戰題特別想高分過關，咁其實讀書呢個任務都可以好有趣。
當小朋友面對挑戰（合適既難度）又挑戰成功，腦內分泌多巴胺可令小朋友開心，有自信，對挑戰成功上癮。但如果小朋友面對唔適合既難度，就唔係挑戰而係壓力，腦內分泌皮質醇，身體覺得呢家好危險，需要逃避，感到焦慮，訓唔到。所以我好反對內卷，唔明卷黎做咩。
另外一點，dgs係90年代係band 1 school 但應該未有呢家神校級數，當時仲有幾間女校一齊分庭抗禮，所以我諗當時要入無呢家咁難。但呢家疫情後就跑出lor, 變左神校。
我無睇過mmc媽媽既育兒書，大家有興趣都可以睇下佢點育兒。
8個讚
因為對happy個理解不同，我自己讀書時唔介意背，但我一定要先明白啲concepts，老師教得明我，最好講多啲額外知識，咁我好happy，因為對知識有追求
最怕係照書讀嘅老師，一字一句，我自己睇都得啦
功課要有，但要有啟發性，鞏固所學，唔係死做，做完有意思
咁係咪所謂happy? 定係要日日冇功課先算？
如果要講happy 既定義，有d直資校長直言happy = 努力完享受學習成果時好開心，呢種係先努力付出，再享成果既happy.
咁家長們對happy 定義都5花8門既，我聽過happy = 學校教晒自己唔使跟，家長好happy = happy
2個讚
咁又係呀，我細個鍾意學習鍾意做功課，有滿足感，分數唔係最重要，我鍾意過checkpoint 
咁你呢種可以係學習中尋求挑戰及快樂既happy 係一眾教育家提倡既happy，成功感可令你繼續接受挑戰，勇往直前
同市面上一d 無功課，無測考，想學校降低難度就下班學生既個種happy 唔同。其實係學習過程中適當既挑戰係要，成功感令你向前。
3個讚
Sorry離題：所以我唔係好知道點為之填鴨式教育，我覺得只要個學生明白個知識就唔係填鴨
我以前對中史又愛又恨，好多嘢記，但好好玩，我明晒但記唔到，或者係我唔夠勤力？
我個老師會玩辯論：秦始皇係暴君定明君？會做話劇：我扮過張騫，勁好玩；又present過啲稅制，所以對經濟我都幾有認識，我會搵到好多史實去支持論點同活動
但到考試要記好多嘢係辛苦死，最後成績都ok嘅，我亦對歷史好有興趣同見解
咁我係咪填鴨？
我諗填鴨係講緊不問學生特質，夾硬將知識塞入佢地個腦度，就好似農場d鵝農為左養肥d鵝就插個沙漏落喉嚨，等d飼料可以直落個胃，連咀嚼都唔好浪費時間。
為左令廣泛既人都有基本知識，所以學習模式偏向死背硬記，再從中搵消化得切既人，咁呢d人就係7-80年代可以少數大學畢業既天子門生，其他就係呢個制度下既失敗者。
但如果你個case 有debate, 有drama, 有唔同形式令學生記住d內容，我覺得已偏向活動教學，唔係死記死操卷個類填鴨。有d學生可能要落手落腳做過，演出過先識，咁你間學校起碼有照顧呢類學生既學習需要。
我記得中學時學science有d位唔明，個呀sir 講明，你唔明就背啦！我都係咁，到大學我終於明啦！你呢家for公開試唔好理，背左佢啦！呢d就真填鴨。
4個讚
我細個讀嘅學校唔特別好，但老師都力求教得令我哋明白，以上中史科係一個老師特別好，我好感激佢，雖然我最後都係要背好多去考試
因為我每科都明白，就算冇活動，啲老師都解釋得明我哋先去溫，唔計個別照書讀嘅老師啦，所以我都唔覺得自己係填鴨嘅，而且我讀得辛苦但好happy， hea又冇目標我先驚
但香港教育係催谷, 壓力大就真嘅，填鴨我就唔太sure
所以啲terms都好混淆
對，我朋友專教高才通國內學生。他們教小五六生已用IGcse考試的程度。她們說太卷太牛中學生（grade 8 or 9)己譸完香港DSE form 4 or5 maths
發現有kol執人口水尾「突然」發現英國學校同想像中不同！我覺得綠豆做呢個topic 成功左，起碼多左人認知移民唔等於免費讀國際學校。local 學生返到屋企都各自修行，而家長亦唔多講。