留得低要努力，盡量正面生活，多啲欣賞舊制度嘅剩餘美好（你問我個教育制度個底仲不錯，爛船三分釘），頂住，發揮香港人嘅優秀面。我信一定有好轉嘅一日，艱難嘅日子先發揮到人性光輝
個位匿名用戶，一黎就起哂鋼咁，我本身都唔想用匿名覆，但見佢起哂人底有d 怕，一陣其他po又懷恨於心就唔好喇。
不過講真，呢個forum有冇諗過取消匿名架？我算係呢到既早期用家，留意到自從有左匿名function, 成個forum討論氣氛差左好多。
5個讚
匿名者最鍾意就係攻擊人，有一次連我以前公帑出糧都話我，我使唔使比返啲人工佢？
1個讚
移英有啲人生活不如意就搵討論區啲人發皮四?
4個讚
睇完段youtube分享，即係小朋友本身唔自律, 培養唔到自主性學習，而且政府冇錢, 學校/老師對學生支援不足，如果想小朋友去英國有好學習環境/文化/思路，咁讀state school咪"阿拔甩"?
(真心問, 各位手下留情)
路過搭咀
其實我buy精英制的，每人天賦唔同，讀到書嘅就算津貼佢讀都抵，讀唔到書嘅咪早啲出嚟做嘢
香港80、90年代的確如此
去到千禧年代話俾機會人進修向上爬，但係最終變咗學歷貶值，人人都要讀大學，家長都唔想仔女執輸，點都谷入大學先
4個讚
我覺得最好小學階段去英國，唔好中學先去（當然有好多人係無得揀）
我仲聽咗另一篇「綠豆」，都係講香港中學生去讀英國state school所面對嘅困難，同香港嘅落差
如果你係香港讀緊band 1，去到state school應該會覺得教學真心降咗grade的，還不如在香港考好DSE去外國讀大學
小學生最辛苦就係考呈分試，如果去英國係換來唔駛考呈分試，應該係值得的
而且小學開始接受英國嗰種「多元出路」嘅思維，就算將來入唔到grammar school，升唔到靚大學都無咁失望
唔似香港學生一心讀名大學但係發覺學校幫唔到佢achieve
係會好失望嘅
6個讚
可以睇埋video 下面comment ，我見有d sharing 都可以參考下。
1個讚
家長同學生都會。之後不斷追，變相行返喺香港條路，甚至更失落
唔好理佢啦，老鼠屎開唔開名都會有，開新戶亦唔難
1個讚
好多呢啲case, 我冇仔女（又要強調）但身邊好多朋友個女讀開女校，嚟到呢邊都好掛住以前學校，氣氛、老師都好好多，學校行政又清楚，學校理念又好。但係咪又要加句香港教育洗腦？
Good point，香港就係谷，但每個人不論強弱被谷完有個底，平均水準有返咁上下，因為係國際城市，英文係第二語言，本身冇語境（呢方面要比英國落力好多，所以比較香港同英國某程度上唔太公平，淨係學英文喺香港已經要谷多十倍）個學術水準要求高好多
state schools 就係唔for精英，所以香港家長要調節，要入好嘅大學，學生如果讀state schools 會比喺香港難好多；但英國出路又相對闊好多。佢哋冇向上流動、讀書脫貧、一定要入大學呢啲概念。
以上係我理解，希望開放討論，我冇仔女，但我以前嗰行係年青人related，我身邊九成朋友都有仔女，聽佢哋講都了解好多
2個讚
老實講我覺得香港教育制度唔差，至少每年咁多香港學生考到世界名牌大學，係香港讀到大學嘅大多數做野都醒目，唔通完全唔關香港教育制度事咩，只係佢行個套未必人人適合係真，但至少基礎上個底打得好，係香港唔夠人fight出到外國讀都輕鬆pick up到，搵到岩自己嘅方法甚至讀得叻，我相信如果冇係香港個底出到去都冇可能發揮，所以我唔明點解要踩到香港教育咁一文不值，乜都話外國好香港差，咁只係顯得有d人冇乜獨立思考能力，唔識分好壞
5個讚
一直以來，英國教育都係主張自主學習，自己搵答案，冇人會迫你做任何野
1個讚
冇錯,state school係同講英文㗎band 3 or band 5冇分別,要同香港學校比唔該科水讀私校,或者谷入grammar school.
好多人以為係香港讀到中學打好個底就得, 成績係得呀但係思維同critical thinking同本地人差好遠,入到大學仲明顯, 而家interview grad scheme D畢業生好易睇得出邊D係自主性學習而攞好成績同邊D係死谷.
1個讚
2款，一款讀開band 1，來到唔係讀私校起state school讀，一定係資源未必有香港咁好，同學老師學習氣氛都冇香港好，就會覺得好失望，另一款，年頭出世又到差唔到gcse年紀，因為來到英國要跳班讀，而gcse同初中課程差距大，有d內容根本未學但已經要考試，又係另一種沮喪
2個讚
打個岔：MMC嗰種係happy定谷？
攞佢做一個例子應該好多有趣討論
1個讚
冇乜必要摷出來講香港點唔好英國點好，英國有英國嘅問題，既然來到就應該面對同諗辦法解決，而唔係諗返香港有幾差好彩來左英國
10個讚
小學嚟適應到個制度都幾好，但就未必做到香港嗰隻精英，入普通大學唔係咁難，返香港或亞洲工作未必得
中學嚟嘅如果本身讀名校，好快就會失望。解決方法：一係望佢自己發奮攞好成績，一係調節期望
我見有jm分享初中同高中課程爭好遠
小朋友初中先到英國，會唔會都易適應？