我以往唔捨得掉同老公一齊拍拖個時D傳紙仔，入folder keep得好好，都有11年
近呢年我發覺原來佢根本唔會care呢啲濕星嘢 ，什至拍拖一年我自製個紀念冊，佢當年睇完講句你未畫完喎就pat埋咗一邊……我個刻仲以為佢會好感動….
所以近來我分批掉晒上述嘅嘢，每次掉完我都有種開心返少少嘅感覺，當係我其中一個發洩情緒途經
仲有掉咗9成嘅即影即有相，情侶錶（我個隻），生日咭，仲有呢幾年iPhone 2個人selfie
我會覺得keep嚟都嘥位佢又唔會拎返出嚟望，留返D位放bb相好過
不過佢連我掉咗咁多都冇發覺
唔知會唔會有一日佢突然醒起，上面堆嘢存在過……
雖然有時我知道掉咗就無，成日問自己有冇後悔掉？因為有啲地方唔會再去，有D餐廳已經執咗。跟住我發覺我只係個湊仔做家務機械人…佢1句得埋嚟「你有幾辛苦」？個吓真係幾心淡⋯⋯
我成日話你要個工人可以啦使乜要老婆。佢哈哈就算。
跟住我就會覺得自己掉晒啲嘢好正確….
多謝收看
男人好少理呢啲濕星嘢，個個都應該係咁
我同你老公一樣，覺得個啲紀念相紀念品紀念乜乜好無謂，搞到間屋立立亂。就算小朋友紀念野，都會俾我偷偷掉左。
唔係無情更加唔係唔愛你，而是某啲人性格就係咁，好難解釋。
PS 我係女人，我老公係唔捨得掉個位
我同你一樣，我覺得冇用就會偷偷掉！但我老公好鍾意keep野，小朋友幼稚園啲功課都話keep!
我男人格，最唔鍾意keep埋啲無謂嘢，結婚相我都想掉
每個人嘅love language都唔同
太多內心戲，佢get唔到時你又耿耿於懷，最後辛苦自己。
直接同佢講你要佢點關心你點維繫感情，同邊d說話你唔接受會 hurt。女人成日覺得講到出口無意思，呢個諗法唔 work 嘅。
唔係人人都念舊，佢唔叫你掉晒所有濕星嘢都已經好好。你老公係你生日呀，紀念日有無做下嘢先？如果有你咪係呢方面欣賞番你老公囉。
我係因為屋企無位，所以掉得都會掉，但有時有啲有紀念唔佔位都會留番。掉個啲又唔捨得就用手機影低，再過多幾年生活無咁忙，到時再show番出嚟睇下佢咩反應囉。
呢個真
每次搬屋先會拎出嚟睇兩嘢
之後又收返落櫃底
啱啱又搬完、諗店住同小朋友都一齊睇下我哋結婚嘅相
小朋友零興趣
你同老公講，我哋死之前應該要請理下呢啲物品，唔係到時小朋友掉又唔係keep又煩，變咗負擔
題外話，我同先生生日紀念日都冇點慶祝…
我掉晒 仲想賣埋隻求婚介指
我地感情好好架 只係我好怕好多野係屋企
求婚介指賣左換返錢我想用黎買股票好似實際啲
我連佢既野都掉左好多
覺得你掉野呢個行為只係metaphor緊你心入面慢慢唔再愛/care你老公咁多，因為你無得到你想要既愛/關懷。
我都同意樓上咁講每人既love language 都唔一樣，你老公唔鍾意呢啲手作野。
同我都覺得兩性關係有時都現實，老公唔係想要個老婆好似做工人做既野啊。係好唔公平，但唔知點解做家務湊仔唔係一啲好多人會appreciate既野，所以可以唔使做既，都唔好幫老公做。
老公多數係想個老婆keep住靚靚，心情好。返到屋企係開心既。
我自己係唔鐘意keep嘢，我老公鐘意
佢成日影我同仔嘅相話「留個紀念」，宜家已經去到4TB storage
佢知我唔念舊，唔會逼我陪佢睇舊相，但會間唔中怨我唔幫佢影，個仔大咗睇返啲相會無佢
我咪氹下佢影一張，然後比佢睇，叫佢減咗肥先好叫我再影
始終人人性格唔同
慢慢就能放下
本身我都會留飛尾 信 紙仔依D，儲埋一埋有時間就會貼落我本紀念冊度。
但做依D野老公(當時男朋友)唔知的，直到一齊住佢先發現本簿。
自始，D飛佢都會好謹慎咁摺左一下先俾人met飛，去睇任何有入場劵/場刊/brochure都會拎，可以夾入去本簿度。
佢好緊張本簿，有次個檯有d潮濕，佢搵個zipper bag裝住本簿獨立放一包吸濕入去。
所以一人人的，唔係話男人就一定唔留濕星野。
係呀，所以都係一人人。
有人覺得過左去就過去，現在先係重要。
同埋果d野係死物黎。
會呀，可能有d遺傳。
依期99執屋廢事之後要俾錢掉垃圾，老公小學部遙控車都仲響度
依句題外話，拎晒櫃入面話想唔要既野出黎，但幾個月仲講緊唔捨得掉，唔執好過執。
我早幾日先斷捨離，掉晒以前中學時收既生日卡，聖誕卡等等既野，同埋寫左幾年既日記，執屋係床下底搵番出黎，之前搬過幾次屋都唔捨得掉，但開始人大了，覺得都唔會再睇，留黎無用，日記就唔想將來死左，畀人知我既過去，所以一次過全部燒左去。這幾天開始執與我老公拍拖時既情信，卡呀，其他濕碎野，都係時候斷捨離，所有野留在心中算。
同意, 其實求婚之前已經唔會恨隻戒指粒石有幾大。
我覺得咁大粒石點敢戴出街呀, 一來驚俾人搶野, 二來唔鍾意高調既感覺
最後當然係擺埋一二邊, 求完婚就無再拎出黎戴過 
賣左佢又唔係, 唔賣佢又唔係
我奶奶都keep住哂我老公細個鐘意啲車仔同家課冊之類，我老公求其整個啲勞作佢都唔捨得掉。
sis，4tb算係咩，我老公,99都係依種人，乜野都要影相，有時仲要拍video，我屋企直頭setup左個8 bay nas要黎裝相/片，
連d以前曬左果d舊相都scan左入去，成日話會怕唔記得乜乜乜物物物。
除左一般儲檔，老公將同我有關既相/片分別做4份backup，怕淨係得一份backup果隻hard disk 會死。
我係果種"唔記得就再去過啦"，佢地係"影低佢就唔會唔記得"。
入面最最最痴線(以佢俾我睇既內容計)既係，連99阿媽臨終響醫院既相都仲keep住，黑腳水腫果d。
但求婚戒指我又唔會想賣喎，同我日日都帶。個陣我都同老公講結婚所有形式我最care戒指，因為會日日望住。我仲同老公講結婚戒指之後可以再upgrade
我覺得發明電腦係其一中最好，唔洗好似以前咩都要沖曬出嚟放相簿，一來唔環保二來啲相簿又大又重又厚。
我呢家都有三四本又大又重又厚揼得死人嘅相簿，我又懶得張張相影低，但擺係到又牙位，掉又唔知點掉好，啲相係咪要張張撕爛?
我掉過
佢放工行過垃圾站見到，執返入黎問我點解掉