話說有位男同學威脅我話如果我聽佢問老師問問題，佢就會舉報我。佢問嘅問題係conceptual 嘅問題（唔係關於個人私隱/個人問題？），而我聽嘅時侯佢冇話呢樣係佢嘅私隱（佢之前有講過叫我唔好聽佢問問題，但我覺得唔合理- 如果老師同意，呢樣嘢又有乜問題呢？）
上次我喺physics training 之後喺門出面聽到佢問professor 問題，professor 邀請我入嚟聽（佢話入嚟），當時呢位男同學無出過聲，事後先不斷send message 威脅我，令我非常困擾。究竟大家覺得邊個啱呢？我又應該點做？
（P.S Sorry 寫野一舊舊，因為真係好煩惱。大家可能覺得呢個係一個好幼稚/無聊嘅問題，但呢位男同學真係爲我造成好大困擾，希望大家理解
）
我完全唔明樓主講乜，
同學叫你「唔好聽同學問professor 問題」？
即係話同學問prof 野時，你要避席？
我自己習慣多一事不如少一事，佢唔中意人聽佢問問題，咁我會迴避下，除非個課室有好多人，咁我先會喺附近聽。（不過就算照聽又點，佢舉報都唔會有用
）
或者佢覺得自己問啲問題好豬/唔想inspire到其他同學仔所以唔想人聽到掛。
Sorry 我講得唔係好清楚, 我意思係個位同學叫我喺佢問老師問題時離開/唔好聽（避席）
多謝你嘅建議，的確可以咁做嘅
補充：其實嗰位同學同我素有積怨（競爭關係），所以我先咁煩惱
憑甚麼
佢覺得太私隱嘅可以私下去prof office問，
既然係公開場合問，就人人可以聽，
反而佢send msg威脅你先後問題，back up定，同佢講再係咁會投訴
您講得啱（but 其實我同佢參加嘅課程係每星期舉行一次，爲中學生而設嘅 training program 所以冇得去prof office問）
Anyways 已經back up 佢不斷send 過嚟嘅msg, 同時mute 咗佢，多謝您嘅提議！（不過應該唔會投訴，好似好無謂+prof可能會覺得係我好麻煩，影響我入下個phase 嘅機會）
咁呢啲係佢嘅問題，再唔係佢私下send email 都得。
我覺得持續的話你最好同老師講聲，
Ps, 我覺得現階段已可以同老師講
唔好覺得無聊，佢威脅你，令你驚或不安，點會無聊？
Email 比 training program 嘅 admin / 負責導師，話收到威脅嘅訊息覺得好困擾，唔知道點處理，想珍惜 professor 分享知識嘅機會同時亦專注學習，請老師提供建議。 attach cap 圖。
Email 可以 cc 班主任及爸爸媽媽。
可以點威脅同舉報你？
答佢：舉囉！
聽問題都唔得佢係咪有病
或者：我依家就舉報你威脅我！
都係唔好同D傻人嘥氣，你直接同prof 講呢條友威脅你 (show 埋whatsapp)
你叫嗰個人睇精神科醫生
支持樓主向學校投訴, 樓上網友講得岩, 應該cap 圖做證據, 然後send email cc 埋家長向校方正式投訴。
哦, 即係驚死你叻過佢? 所以連問問題都慌死你聽到
為左做學霸要咁樣使橫手騷擾你, 呢d 人你真係要收佢皮先得 
下… 唔使理佢 
你有咩痛腳俾佢捉住驚佢舉報？無嘅話其實唔駛理佢喎，佢大你啫。
cap定晒佢啲圖留定證據保護自己，然後block咗佢。如果佢癲到當面搵你講，記住喺啲多人地方當面講／喺prof面前講。
先感謝大家建議，詳細（起因同經過）我可能要下星期六之後先覆到，因為好忙
(P.s. it is a very long story)
但係basically 呢個係一個training course （有睇開我嘅posts嘅可能會知？haha)。course 嘅下一輪只會揀幾個人，舉報佢對我冇好處，只會令prof 覺得我哋兩個好麻煩/好容易同人有衝突，所以除非佢好離譜否則「敵不動我不動」
已cap圖，非常多謝大家嘅意見，我喺度統一回覆 
冇跟開你post, 你做乜hide 左自己回覆
咁算啦，我唔係好知點樣將hide咗嘅 回覆變public？（唔係好熟操作，好少上嚟，我之前嘅post同呢個都冇好大關係，哈哈）
我係講緊你回覆同學嘅對話，你自己遮晒，唔係講緊呢個forum