我有時都會喺度諗：會唔會係因為家長只係關心讀書？佢地視野唔夠廣闊，興趣唔夠多，令佢哋冇咗其他慾望？
青春期大個咗之後唔想讀書，因為冇其他慾望動機，就變咗咁樣
3個讚
我都覺得係咁，以前細個要某個時間先有卡通片睇，仲要冇得揀，依家左揀右揀都仲要嫌三嫌四。
同埋小朋友習慣咗「速食」嘅短片，亦減少耐性。我自己嘅見到係咁，所以禁咗佢哋睇無營養嘅YouTube
3個讚
我覺得最恐怖係只會接觸到好單一既野、以前我哋係電視汁都撈埋、咩都睇架
1個讚
咁 cut wifi，睇佢重點留係屋企。
係屋企只有睇 tvb
56k嘅年代，d 父母都會嬲到抆線。
電視壞左唔整
又係
特別係啲垃圾短片，YT又好/IG又好
成日都彈出嚟
1個讚
絕對同意，所以有小朋友，就應該咩都俾佢試
1個讚
講開呢樣, 我真係咩電視節目都睇, 小學番上午校, 下晝番屋企已經睇教育電視睇到四點。 
以我個人仔女經驗:
男仔: 鍾意打藍球; 打機. 唔會逃學, 但會走補習堂(免費課程)去百貨公司玩遊戲機. 仲要係小學,而我一直都唔知 
可能因為佢成績一直都保持到 
女仔: 早熟;有小聰明.
中二開始唔肯返學, 主要原因係人際關係. 因為佢早熟,同時群左不良少年朋友 ,所以同學與佢既距離愈來愈遠. 我最後悔係報左俾社工知 (除非你肯定學校社工係一個好有心對待學生既人,而唔係只打份工), 變相只係標籤左佢係一個問題學生. 佢更加唔想返學. 當時有睇精神科, 食血清素. (連我都一齊睇, 因為真係好難頂). 成績當然一落千丈. 留班一年, 更加難捱. 之後學校話只要肯去考試,就俾佢試升 (可能心諗既然唔可以趕你出校, 不如俾你坐直昇機快些送走), 可惜佢連試都唔肯去考. 當時我決定同佢轉校,再留係原校都無意思. 轉去既當然唔係什麼好學校, 但我決定放下執著, 改變想法-名校不代表好,只要係一間有教無類既學校就係好學校.
轉左校,都係因為人際關係讀得唔開心. 中五同我講要退學, 自修DSE. 我都無SAY啦. 退就退, 報補習班, 當然唔係一定返足. DSE考天才波食老本, 有10分. 我居然係喜出望外, 因為我以為會考0分 
咁既成績都只有一條路: foundation - diploma - high dip - top up - master.
dip & high dip 因為不是讀術科, 成日要做group project, 竟然與同學相處融洽,現在已成為好朋友.
master 又是另一故事, 一個人係外國, 孤獨寂寞又令情緒陷入谷底, 唔返學情況再次出現, 當時佢係靠追星聽歌勉強支持住, 而我就唔理時差,只要佢想搵我,都一定搵到我, facetime講星, 講幾個鐘都試過. 結果佢導埋我入坑, 一齊追星
終於完成學業了, 雖然不是什麼出名大學; 雖然讀的也不是什麼4師或大好前途的學科. 但又如何? 人生路,條條大路出羅馬, 係真理喎! 而家已經剛出社會工作了, 因為佢既經歷,反而更加快適應職場既人際關係, 遇到既老細都唔錯. 出黎工作, 天時,地理,人和缺一不可.
我當年都唔知流了多少公升眼淚(唔返學,飲酒,食煙,界手,通宵不歸,什麼情況都有), 今天總算可以放下大石.
所以如果有仔女遇到同樣問題, 我給你一個抱抱, 請相信日子係會過的,事情係會改變的. 首先父母要放寛心 (係好難架,但一定要做到,否則大家都會陷入谷底).
陪伴/同行/溝通 係走出谷底既最好方法.
溝通更是重要一環. 我同女以前成日嘈交/打交 但反而咁樣佢乜都會話我知, 因為佢明白無必要隱瞞任何事情, 就算最差的境況,我仍會留係佢身邊支持佢.
每個個案都不同, 無一套秘笈可以適用所有人, 真係只有摸著石頭過河. 可以失望,但不可以絕望. 傷心痛苦時一定要找一個讓自己舒一口氣的出路. 然後繼續努力.
唔好意思, 長文悶親人了 
31個讚
你地雨過天晴 
1個讚
都捱左十幾年既風雨天, 得來不易的晴天,感恩
6個讚
你好好心機，打咁多嘢，又有條有理
希望唔會悶親人.
替你高興。我諗好多父母都會經歷，雖然個個小朋友唔同，睇下人哋嘅經歷都好，可以從中學習、反思。
我都好努力傳遞呢個message 俾我女，自問唔係一個好媽媽，好容易失控、崩潰、無耐性，但希望唔好因為我成日鬧佢而怕咗，因為幾差都好，我都一樣愛佢。
1個讚
我都係好容易失控、崩潰、無耐性,所以先會同佢嘈交/打交
但你係咪真心對佢,佢係收到既,有時係把口唔認低威啫.
我相信佢有日回望返，都會好感激有你呢個媽咪願意同佢糾纏，走過低谷。
1個讚
朋友個朋友個仔~ 有呢個問題，青春期父母分居，加上資優，打機好叻，晚晚打機，第二朝就唔返學，好難搞…
我自己嗰件就小四開始話唔想返學，學校好無聊~無野學，當中仲有d老師尖對佢，睇唔過睇阿仔"識哂"，阿仔爆~就等社工同家長收科
我一路都係氹佢返學，遲到都無鬧過…佢肯返學就得
個人大咗，叫耐性好咗，初中時疫情，就更加happy (唔駛對住d老師)
所以，其實係有原因嘅，只係大人去唔去處理，或者處唔處理到
2個讚
個post開初係好有唔返學就係曳，父母教得唔好既感覺
我自己都係家長，我其實覺得好無奈，我夠想小朋友知書識禮人見人愛，但小朋友有自己既想法，佢接觸既世界已經同我唔一樣，我可以盡量教，但去到一個位，佢始終慢慢偏離我…
我只係想講唔返學唔一定壞，唔一定係父母唔理
8個讚
感恩 佢而家生性左好多,亦明白我既苦心.
我同佢講,佢經歷過既一切都唔會白過的,一定會有得著.
2個讚
what doesnt beat you, make you stronger.
2個讚
我反而覺得返下又唔返下，個感覺好唔連貫，人會懶散