有感而發……
身邊聽到3，4個朋友/親戚屋企都有個一星期唔返三四日學（甚至完全冇返學）嘅小朋友（中學生）。
個個家長都喊晒話唔知可以點，冇晒符咁。
感覺呢傢小朋友物質唔缺乏，但係心靈就好空虛….但今日無論睇書定係漫畫卡通甚至係打機，選擇都比以前多好多
同意, 而且佢地唔會覺得讀唔到書 (只係講緊基本中六畢業), 出黎唔知點謀生。
我都聽過身邊人唔返學
間中一日半日會。
2x年前我 al 時每星期唔返半日，因為唔想見個老師。個老師成日好煩。但我個科 al 有 B，老師耐我唔何
個個星期唔返三四日嘅，叫綴學
我覺得佢地係完全冇諗到呢樣嘢
你問佢哋唔返學係唔係就會開心？
又好似唔係
只係佢覺得返學更加痛苦
有啲可能係管教問題（例如由得佢打機唔訓教），但有啲眼見，好似冇目標冇想做嘅嘢生無可戀咁
有時會諗，係唔係呢啲小朋友feel到其實做唔做呢世都係咁，所以索性一開始唔郁就算
我中學果陣都試過
唔想見到某老師
有佢孖堂果「Day」，間唔中就會扮唔舒服
我又試過PE褲唔啱著，屋企唔比錢買新褲
PE堂就話自己唔舒服
但測驗考試係會識得緊張做準備，又會諗第二時簡乜嘢科，唔會話覺得唔想諗將來
佢哋覺得點都唔會餓死
1個讚
我當時覺得每日係屋企冇乜好做，所以讀書
如果係無興趣讀書，可以轉去中專類似以前既
職業先修學校，個度有實用課程可以讀，讀到
咁上下想做嘢就做嘢，仲想讀一樣可以再番上去。
肯去讀嘅都好，有啲直頭係一句乜都冇興趣
就冇咗下文
2個讚
你講起我都好似有位朋友, 個女初中, 又係差唔多。
聽聞個女成日睇youtube d 大陸動畫, 又係咩都話無興趣學, 討厭番學, 但未去到真係唔番學
其實唔返學係復雜既事，之前係屋企zoom咁耐，總有少撮人真係驚左番學見咁多人
另外好多熟悉嘅老師同同學移民，個種loneliness 都會令人好唔想返學
仲有係學校搵唔到成就感同興趣，咁點解我要返學？
仲有社交力好弱，被人bully等
仲有唔返學幾年，就算想返，都唔知從可入手
當然係有掛住打機唔返學等
真心，香港個setting真係令人唔想返學，而前中三、中五都有其他出口，而家更要勉強捱到中六。
唔好高高在上咁望住，或者佢哋俾我哋脆弱，就更需要支持
10個讚
我覺得佢哋心靈好空虛
連慾望都冇埋咁
就算個人同你出咗街，個靈魂都唔喺度
問佢想食乜嘢都唔識答你咁
呢傢讀完中三應該都可以出嚟簡某啲課程讀
好似叫職專文憑
反而係家長睇唔開
覺得個小朋友點都要讀到中六
我都有個朋友個女係咁，不過佢答應咗嚟緊9月會返學，因為想轉校新開始
1個讚
原來而家可以任由細路一星期唔返幾日學？
唔當擴課，踢出校咩？
無錯，唔係所有人都係讀到書，讀唔到
既學本身藝都好過而家咁。
1個讚
我聽其中一個朋友講到
話只要家長打返去請假
學校就唔會再問
返而家長自己驚學校追究
間唔中帶個小朋友睇醫生拎醫生紙
都唔可以每星期三四日掛？
間學校都好有問題
除非個學生考試成績好好，學校就算數。
但好似缺席太多，畢業証書唔出畢業的，係米叫修業証書？
宜家情緒問題太普遍，學校驚個學生自殺多啲（我估）
1個讚