以前d父母都管唔到仔女讀唔讀書，但唔返學就唔得。所以個個都死返去，至多間中逃下學
返去一齊打波食煙cut短條裙姣下仔，放學先打機，應該開心過全日係屋企一個人打機掛？
1個讚
又咁講到
今時今日小朋友受嘅壓力比我哋多
以前比人bully,可能只限返學時間
但我小朋友讀小五
都試過比人踢出whatsapp group
又或者幾個朋友開咗group冇加佢入去
呢啲小學雞行為我呢啲厚面皮大人睇就係小事
但小朋友會覺得係天咁大
就算大人開解都唔係一兩句就令佢哋諗得通
如果身邊冇大人開解、就會好易諗埋一邊
7個讚
以前無得上網，想識人要出門先識，所以仲有動力出門/周街盪
呢家，網上得到既關懷仲多過父母/學校比到，一句我社恐就可以避開同人面對面接觸。
只能講，呢家既挑戰比以前大好多，唔好再搵舊屎比較啦。
6個讚
上網個威力會令到小朋友好脆弱，大人都未必頂得住
直頭需要parental guidance, 不過，可能好多父母都addicted, 又點身教子女？
1個讚
以前都有 icq, icq 識左約出去
好多人玩 icq, 小息就去玩
1個讚
啲父母一定好頭痛，寧願佢曳呀駁咀咁
呢家網上世界複雜左，例如要結隊打怪既online game，從中得到既英雄感，被肯定，被需要，一定大過icq好多。
唔好忘記，d小朋友係online game + youtube 攻略 + ig/ thread 一齊開一齊轟炸自己，好忙架，忙到唔記得食飯沖涼訓教，點會仲記得要返學？
1個讚
其實真係、屋企有食有住、上到網圍爐就好夠、而家情緒病又普遍、父母點敢迫
3個讚
普遍社會富裕，小朋友個AQ低，冇乜受過打擊，但都唔係佢哋錯嘅
你太後生，2x 年前已經有電腦online games一齊玩架啦，又有 rpg 育成games一個game 玩成日，好好玩. 玩完同friends交換傾
又去黃金買 game
本身都想分享有關學童壓力
因為最近睇咗幾集「自白聊天室」
連續睇咗三個case係97後/00後有情緒病嘅自白分享
佢哋各自背景都唔同，病況都唔同，但共通點係佢哋都未好返，又讀唔到書又做唔到嘢
最慘嗰個厭食症得29 kg，我個仔都重過佢
情緒病真係一世，我都好驚自己小朋友會中
咁我又試吓睇吓佢哋點解發病？
其實三個case家境都唔差，厭食嗰個屋企人似係幾重視學業，有一個抑鬱就係細個嘅時候屋企人不在身邊（出外公幹），另一個家庭都幾幸福嘅
我都唔知點解佢哋會發病
但就感受到97後或者00後嘅青年朋友要面對嘅壓力比我哋多好多
而且似乎都係解決唔到⋯
返番主題先
我都有諗過而家嘅小朋友係咪物質太豐富，生活太幸福，所以人生冇晒目標，係咪餓吓佢哋就會令佢哋改變？絕對唔係，因為佢哋會喺網上或者朋輩嗰度知道現實，知道佢哋呢一代人就係唔憂柴唔憂米。用少啲電子產品一定有幫助嘅，但經過疫情，要戒電子產品唔易。
去到最後，我都係叫自己用住最老土嘅方法先，多啲陪伴，幫小朋友建立吓非電子產品嘅興趣，趁早教育金錢觀念、讀書嘅意義，聽得明就聽，聽唔明要選擇做隱青都冇辦法啦～
6個讚
呢樣真。以前 d 父母個個月追家用，同你數呢樣數個樣，點可以唔出去？
而家父母個個話靠自己，買埋屋比仔女
仔女細細個就講定阿爸阿媽睇日唔使你比錢，你自己顧自己就可以。
有得揀，邊個唔識揀
價值觀已經反轉左
而家年輕人係覺得唔需要俾家用
仲會問點解人哋有父幹我冇
覺得唔公平添
1個讚
因為有「父幹」嘅人愈來愈多
所以冇嘅就會覺得上一輩「唔生性」
我自己細個都會覺得點解個個同學媽媽會出嚟做惠康麥當勞，但自己果個就日日喺屋企跟住話你嘥米飯…
諗係咁諗，但出嚟做嘢都係要比家用
1個讚
我估咋
因為物質太豐富
屋企有四大長老又姐姐
自細要乜有乜 萬千寵愛
返學要做功課考試對佢地黎講已經太辛苦
以前唔返學就見唔到同學
而家又有whatsapp facetime
悶又有youtube netflix睇
完全解決左要見面同玩需要
exactly
而家後生真係個個比較有冇父幹
我朋友叫呢啲做消防員更，要呈報教育局之前會返一日，然後唔返幾日。大家唔好以為個亞媽會好煩惱，有啲亞媽鍾意日日對住個仔／女，個仔女只要話個老師廢，自己追得上進度或自己讀仲好，個亞媽就會幫佢打返學校請假，然後下午就一齊去飲下午茶。反正屋企有少少錢唔等佢開飯，第日求其揾份風流工就得。
講緊係普通小康家庭，唔係大富大貴
3個讚
我反而會諗：到底點教先教到小朋友連慾望都冇埋？到底背後發生咗咩事？