仔仔國際學校Yr 5，3歲開始讀國際學校所以中文好差，識聽識講廣東話但讀寫係零，到宜家都未識睇餐牌同地鐵站名。
我哋由佢Yr 1開始搵咗私補，補咗5年但仔仔仍然係中文non-native class（呢間學校中文較深）。
我哋已計劃Yr 9送去英國寄宿，亦唔預佢返香港做嘢（講真，連餐牌都唔識睇，點喺香港做嘢），所以我掙扎係咪停佢個中文私補，留啲錢同時間考寄宿學校。
但咁就代表正式放棄中文，會唔會太搏呢？
求指教分享～
PS.佢有學西班牙文
cut左私補la，4年都仲未識字，而呢d字好坦白講for local學生，幼稚園已識地鐵站名，有d叻既都識埋餐牌，背後都未必需要私補就做到tim, 所以算啦，真係慳返d錢仲好。
唔知你地屋企點prioritise chinese learning, 同埋語境，同埋期望。如果target 只係識叫餐，識搭地鐵，咁你地搵d幼稚園認字卡同唱下地鐵歌都ok；但如果想趁佢出去boarding school 前boost up 返對中文熱情，甚至去到外國唔好忘記中文，會自己學下，就有唔同程度既落藥。
不過我見你地既planning 好似唔識中文都可以過得好好，咁就隨意啦，純粹覺得小朋友生於香港都唔識中文係有d可惜，但好多家庭都係咁，唔影響就無所謂啦。
4個讚
由細讀 IS 好難淨靠補習學到中文，如果家長唔自己係屋企教咁算數
唔好補啦~買D簡單中文書,佢得閒睇下好過
讀得IS預左放棄中文，私補中文好似同讀is 原意（輕鬆讀書）有所矛盾
多謝各位意見，答案似乎好清晰。
不過有啲地方我可以回應一下。
呢個補習開始係因為year one嘅時候撞正疫情，學校用普通話教中文，囝囝喺屋企上zoom完全聽唔明，全堂喺度遊魂，所以我哋先請一個普通話老師幫佢補習，只係一星期一堂，冇比功課的。
佢在原本間IS係讀near native Chinese class, 上年轉校編咗佢去non-native class, 可能因為嗰間學校比較多內地人同香港人，near native對佢嚟講都太深。我哋試過用半年幫佢喺屋企追中文，求老師俾佢升班，但最後都失敗，所以疊埋心水送佢去外國讀書。
至於讀IS係唔係輕鬆學習，係咪唔需要補習？首先要搞清楚，讀IS只係家長有空間自己調節學習進度，唔使趕聽朝交功課或者每三個月一次測驗考試，但唔代表家長或者學生就係「輕鬆」，家長甚至要付出更多去確保小朋友有一定嘅學術程度。
我聽過某間專出IB狀元一條龍學校，有中學生升上嚟嘅時候仍然串錯英文字，單靠學校唔一定個個都OK。
我老公其實想阿仔識多啲中文，佢覺得就算去到外國識多一個語言都係好事，但一日只得廿四小時，我哋都努力過但中文都係咁差，我就現實啲諗不如放棄啦
入咗IS你會發覺有唔少家長都盡力保中文嘅，亦有唔少同學係local school轉過嚟，中文底子好，但呢啲小朋友亦未必做到native English speaker，魚與熊掌始終難以兼得。
我小朋友同你個一樣，我哋yr6放棄外補中文，因為迫佢學佢唔想學，冇興趣學，補左幾年都係幼稚園程度，慳返啲錢算
唔知你地點追，但我見日日朗讀認字都係好方法，而且如果你地母語係廣東話非普通話，不妨由廣東話朗讀開始，其實每日5分鐘讀d bb書都夠。慢慢積落去，起碼認到d字先，再諗其他。
教中文一定要睇讀寫默一齊，唔識寫長遠認唔到個字。
嗰時佢每星期要抄一篇文，又朗讀又填充，都失敗。學樓上話齋，佢冇興趣學唔想學，你幾俾心機都冇用
同埋我哋係雙職父母，顧得英文顧唔到中文，而我係重視英文多啲嘅。
咁forget it la, 有時父母心態都係因素。
1個讚
其實爸爸有叫佢抄生字，不過用廣東話讀。我哋補習就係普通話嘅，不過補咗咁多年都升唔到班，係有啲氣餒。
不是個細路有冇興趣，在我角度係我個細路有責任要去學，同應該要學。
所以學唔學到，好睇家長諗法
如果補就用廣東話補
呢個case，好似我朋友果個。佢唔係唔識，係抗拒中文，佢就特登唔學。而佢其他科目係冇問題的，家中溝通又只講英文
我仔已經好少少，因我屋企無用工人，男家所有人都唔識英文，我仔係逼住講廣東話的。
但亦因為咁，我在佢三歲入咗IS後要在家講英文，否則在小學初段驚佢返學聽唔明老師講乜。
我仔三歲前根本無人同佢講英文，佢係自學的。我哋嗰時估佢係西人轉世。