自己知小朋友咩性格, 好多時係做到, 但一唔專心就甩漏出錯, 有時都會令我激氣
尋晚睇功課, 有份數學工作紙佢好多錯漏 （明顯係唔專心做）
我就好勞力地話小朋友 (“唔專心”, “咁樣考試實比人扣哂分”) 之類
呀老公忽然梳化跳起身大聲話我 “你唔好咁樣罵佢得唔得呀!!!係咪一定要咁呀!!佢驚左你啦!!”
我想講, 由搵小學, 面試, 到而家小學功課, 佢都冇問過冇參與過.
我倆都係全職人士, 而且工作都煩忙. 小朋友所有學校嘅野同屋企大部份家務都係全部我搞.
我自問唔係成日話小朋友, 係小朋友唔認真時先會鬧。 講真有邊個媽媽鬧完小朋友自己唔心痛
死佬講完之後, 我望住佢成分鐘, 個腦嬲到就尼要爆。好想小佢, 好想將自己D 冤屈一次過爆哂出尼.
但我忍住度氣………叫小朋友攞D 額外練習尼做, 最後小朋友做到哂冇錯. 我讚小朋友 “你專心咪做得到囉”
死佬唔出聲
我係職場上打滾左十幾年, 無謂人講多兩句都嫌多, 小朋友有冇進步先係我嘅priority, 與其浪費時間拗撬,不如爭取時間同小朋友溫多兩頁好過
只係到今日我個心依然揞住揞住, 先上尼發洩下.
唔知點解感覺係有問題
事源係上星期五死佬一邊開住speaker 開會, 小朋友一邊係佢隔離做功課, 可能咁樣令到小朋友專心唔到.
到星期日我check功課先勞氣話小朋友唔夠專心好多甩漏.
到佢真係静落尼做類似嘅問題, 佢就全部都係做到. 証明佢唔係冇能力做
我從來唔會因為小朋友能力上話佢, 只係佢唔認真做先會話佢.
有分歧係好正常嘅事嚟
會唔會係你話小朋友既時候，開會其他人會聽到，佢覺得無面。又或者你話小朋友既時候嘈住佢開會，佢指桑罵槐
唔係, 個功課係星期五做, 我尋日先同佢check
冇分歧就唔洗上尼forum同姊妹傾訴 
我估你話阿女應該唔只一次，應該係多次，你老公先出聲
唔只一次. 佢唔認真做我會話佢. 佢唔識我唔會話佢
所以佢專心做番到哂我有讚佢
明呀，有同款小朋友
我要求隊友如果要干涉，就要做到底，教埋個小朋友， 唔好一句得埋嚟話我邊度唔啱要點教點教
如果做唔到就由我教，唔好出聲，只需要配合就得
我同隊友講，我唔會怪你唔教佢，你亦都唔好話我教得唔啱
有時係態度上，環境上，都要配合
如果你睇到我太惡太嬲，可以針杯水比我休息下，隔開我同小朋友，你又幫吓手諗計點樣教，而唔係以咁嘅形式講
有時我都會反省自己嘅語氣應該calm啲，就算小學喇熟晒環境喇，真係講咗十萬次喇，始終都係小朋友
比個hug 你先
所以我尋晚都沉住度氣, 再同小朋友溫溫, 証明小朋友係做得到的.
我今日都有唸過 有時自己話小朋友 個陣 語氣會唔會過左D
好多時話小朋友, 唔係因為佢地做唔到, 而家明明做得到, 就係因為唔認真(e.g. 寫漏字, 明明啱都寫錯) 而失分, 咁樣好唔抵. 做呀媽先會激動 
其實小朋友唔專心係好正常，何況只係工作紙，最多咪係佢功課量多咗，因為要改正，反而唔需要開口埋口就同佢講會扣哂分呀呢D方式，我細女考試都有 careless mistake俾老師扣分，但我唔會話佢，反而問佢，點解你當時無留意嘅，佢答咩都唔重要，唔錯都錯咗，話佢又唔會有返分，我女直情同我講唔鐘意拎100分，我話無問題，最緊要你識就得啦
我都學習中，當忟憎時想出口喇，勁深呼吸，先呑咗佢
再load下點講會易明啲，好聽啲，靚啲，包裝下係一個好難嘅課題
多謝你D 見意, 我都承認有時我話佢個陣語氣可能會harsh左. (可能係工作上帶左返堅企 
)
可能換另一個D 方式問 會好D
原先個話題係想講死佬, 而家變左講教小朋友 
睇尼豬隊友都係不值得一提
兩樣都重要，先calm自己，教小朋友，再同隊友溝通（即使係豬隊友
）
咁主要係因為管教問題先引致父母之間嘅問題，同一張工作紙，有3個唔同睇法，你希望佢無做錯，阿女可能覺得我做哂就得，阿爸就可能無空白就得，大家對同一件事有唔同要求，解決咗教小朋友個問題就自自然然少咗其他問題
其實明白你講事實，但你老公又無錯。
雖然你老公在旁無參與，但可能佢感到你個種勞氣會嚇親小朋友。
我自己教小朋友同樓主一樣勞氣咗大聲咗都唔知。
係，有時媽媽話小朋友，一定有十萬九千個理由去support自己，明嘅，個個媽媽都一定係想小朋友好先去話佢。
但有時話得太多，自己未必會察覺／自己只會睇到自己好有理據，但可能已經超出身邊人／小朋友嘅接受程度。同埋有時覺得自己之後讚返咪得囉，但好可能你話佢1句嘅傷害，讚返一句未必抵消到。
所以我覺得可以同伴侶商討一個暗號，如果佢俾signal你，你就停落嚟諗下會唔會over咗，或者有冇其他表達方法。
我自己小朋友佢做功課／考試測驗會有唔小心情況（明明識嘅／好簡單嘅，但偏偏唔小心就錯失咗），我覺得依個係必經階段，其實我地大人做嘢都唔係百份百專心／小心，唔會係零錯失咁完美。
我每次都係講笑咁笑佢傻豬咁唔小心都有嘅，佢自己都會覺得自己傻豬，每次考試前我都會提下佢（媽媽覺得你有能力應付到，只要再小心啲就更加好），雖然現在仍然會有依啲錯，但就對比當初都會越嚟越少，慢慢嚟啦。
同埋專心／唔專心依啲形容好空範，不如俾啲實際啲方法佢，例如叫佢做完晒要覆一次卷／間住啲重點字etc，俾一啲實際方法佢好過只係話佢唔專心。
其實好明白果我種燥底
尤其係已經唔駛你幫手，你仲要指指點點果咁多嘢講
有時都會諗埋一邊，我唔理個細路仲好，乜都唔做最舒服，其實我可以日日放工買外賣返嚟食完就係齊打機煲劇不知幾開心
我小朋友都係專注力不足，係好勞氣，我自己有時講嘢語氣會過咗火位，如果自己察覺到我會俾自己入廚房飲杯水抖下，我會同小朋友講，如果媽咪講嘢令你唔開心你要同我講
同意樓上所講，唔係定淨係講「專心啲」，試下講清楚你想佢做乜野例如「對清楚呢幾個字」
我老公已經好識做，見我語氣開始有變，會拎杯水過嚟話「媽咪口渴，飲杯水先」跟住拖我坐埋一邊