暫時搵到資料
1:4-6 around $180/hr
1:2 around $300/hr
小朋友初學應該揀咩比例？小班會唔會得好少時間真係游？請問有無人有經驗分享吓
唔怕水的可以6-7歲先請私人教練正式學. 每星期兩堂, 一個暑假學識蛙式自由式.
太細學真係嘥錢，我仔嗰時10歲學，一個暑假咩都識晒
自己覺得越多4-6 一班好啲，教練教緊同學a時，bcd同學可以唞吓玩下。
如果一個鐘都係嗰兩個同學仔係好chur，佢好快攰又話唔鍾意學
我小朋友三歲時參加泳會既4人班，主要令佢唔怕水，到佢小學就搵私人教練1:2上堂，係學得快好多
1個讚
請問一下4人班係點樣學㗎？一人游緊其他3人要在岸邊等？會唔會怕睇唔到4個小朋友會有啲危險？
1對4-6要180係咪都係貴貴地？舊年我女學1對4都係120。仲要最後其實2對4，因為啲教練睇唔晒咁多個。
每個小朋友都著救生衣，教練會向佢哋撥下水，唔驚就試吓個頭浸落水，然後再加長多D時間，呢個過程都搞好幾堂，不過佢哋全部都企係一個腳到地既台，唔怕浸親， 再之後拿著浮板由教練拉去深水少少地方，等佢哋感受下。其實過程好漫長，老實講父母識游水都可能教到，不過我唔識，同埋想佢有其他差唔多大既小朋友一齊玩，佢見到人哋都敢做，自己都會嘗試去做