少迷信，始終唔容易，想避開喜沖喜唔去婚宴，咁會唔會照收帖/收餅咭/封禮金？還是轉送禮物？大家有冇經驗？
2024年仲講呢啲野
1個讚
我就唔介意呢啲嘢，想當年我結婚都同兩個堅fd嘅姊妹差唔多時間結婚，仲有做佢哋姊妹
我都問咗佢哋介唔介意先，唔介意我就做，介意我就唔出席囉，但兩個姊妹都唔介意，佢哋兩個其中一個仲做對方伴娘添
上一代人傳統啲可能比較介意，而家呢代都好少話喜事相唔相沖，如果係白事就嚴謹啲
1個讚
如果介意就應該乜都唔好做
1個讚
啲古老思想種下嘅野咁多年後仲纏繞緊
其實身邊好多人都係照去飲 照做姊妹
咁可能人地家中長老真係好介意呢?
我都覺得, 如果真係咁介懷, 不如當白事撞紅事咁做? 最多同對方預先講好, 過左三個月, 再請番佢食飯, 到時先封番利是俾佢?
2個讚
我自己結婚／大肚時都遇過朋友大肚／結婚。前題係我自己就唔介意，咁就簡單好多，只需要睇對方／對方長輩介唔介意就得，真係每個家庭集俗都唔同，例如有啲好介意咁就唔好去乜都唔好做，有啲可以去但不能派帖同俾禮，有啲可以收帖照去但不能做姊妹，so far咁多年大家都無乜事
但我知如果俾我爸媽知的話會擔心，我就唔會同佢地講。
如果你有少迷信，可能唔去同乜都唔做好啲，萬一有咩事你會唔安落。
2個讚
咁要問返自己長老 唔係問網友
各處鄉村各處例 我做開又唔等如佢會接受
我自己結完婚3星期後做人姐妹
又試過大肚時出席人地婚禮 （回想起都試過3次）
我啲長老唔介意
所以 都係問返自己長老最穩陣
3個讚
又冇嘢嘅
我又覺得既然有刺咪遲啲先見囉
唔介意就根本唔會問
2個讚
只要有錢袋，銀碼夠大，最迷信嘅人都會百無禁忌。
只要唔想俾，總會有十萬個確由。
1個讚
多謝大家嘅耐心解答，同埋分享自己或者身邊嘅經驗🫶🏻
因為屋企人多次提醒我要避忌啲，我自己聽完都少少認住都好想要今次順順利利
加上暫時都係嘔得好犀利，所以都諗住唔去
可能自己又諗多咗，諗埋收帖呢啲步驟又得唔得呢，就喺度問吓大家
一定一定會送上有份量嘅祝福，純粹諗緊用咩形式，係禮金定係轉做禮物家庭電器嗰啲，諗緊點樣同主人家講
睇完大家嘅回覆，都覺得自己可能諗多咗，同埋每家人嘅做法都唔一樣，其實應該問返提我嘅屋企人，多謝你哋嘅意見
明白你既心情, 大肚都唔希望有咩閃失, 好正常, 祝你好孕
2個讚
原來佢地講到出口，仲要多次
真係問返佢地想點仲好
第日阿b出世 健康順利就好地地
否則俾佢地講一世
話你點樣唔避忌 
1個讚
大緊肚就更加唔好成日諗住啲無中生有既事
對個胎只會無益
如果信因為收張帖就會影響個胎
咁應該將自己收埋係個安全地方直到生為止先得
好慘
自己個B有事仲要比屋企人講一世
呢啲真係屋企人黎？
有呢啲屋企人真係要脫離關係
同意
舊時大家冇咩學識先會自己亂諗啲因果關係，又話唔好意頭呢樣個樣
依家咩年代，touchwood 個胎有事都揾到醫學解釋，根本唔關啲迷信行為事，下下都咁步步為營幾時得到十個月
重點，樓主唔介意的話，根本唔會問。
呢啲野冇理性可言，既然介意，就唔好出席
3個讚
我寫包單去到2046都係有呢啲迷信，同年紀同年代無關。
當事人點處理同家人因迷信而引起嘅衝突，視乎當事人性格，明顯樓主自己都信，咁就唔好搞咁多野
最好問你迷信嘅長輩覺得要點處理，就算我係蘇民峰教你，你長輩唔啱聽都係出事。
我覺得主人家反而可以老實講，香港人不嬲慣左聽到紅白/紅事相撞（認唔認同係另一件事）
4個讚