本身都諗住唔開POST講,但係見到FB個GROUP我真係有感而發 
話說我屋企本身好多迪士尼精品,之後迷上夾公仔,屋企就塞爆左~
於是我就係相熟格仔鋪度租左個大格賣野,頭半年真係搵到少少既,個場主見我有賺,出好多陰招迫我走,我真係估唔到佢會咁,我本身係熟客又俾最貴租…但係我最後租左一年走,係因為愈來愈少人買野,租格仔鋪期間,我有同朋友夾份租夾公仔機,都有賺少少,但又係愈來愈少人夾,最後完約,夾公仔場主話減租我地都唔做啦…
我仲有幾個台主FD,有2個成日叫我落去夾野,送好多夾送俾我,佢地都話就黎唔做啦,大家都清緊貨尾 
2個讚
我小朋友近期都迷上咗夾公仔，短短一兩個月都多咗幾隻公仔
。夾到嘅只能講好好彩1-2次，多數4次就會收手唔夾。
如果有啲公仔想買，我會直接上C平台 或 FB群組睇下有無人放。
1個讚
最唔明就係呢個位，做咩租客賺到錢，業主會覺得關佢事，連人地舊錢都想食埋？更加唔明點解要迫人走，都唔想win win 雙贏，只想獨贏。
9個讚
之前我都有做副業賣吓嘢咁，但賺越賺少，生意越嚟越難做，最後賣咗盤比人做，叫做攞返晒啲成本
但冇嘢做咗一排又覺得有啲悶，同少咗分收入，又想搵啲嘢做吓
我都曾經有擺過格仔鋪賣嘢，但從來都冇店主會咁做，佢哋驚你冇生意多啲，因為有生意先有租交
可唔可以講下做咗咩嘢迫你走？
佢就係咁衰既心態,開頭唔知我有賺仲好聲好氣,但係第一個月已經話我d貨賣咁平得唔得架?其實就係覺得我有生意,佢d格就會少左生意,其實我眼見係我好生意時佢都好生意,間鋪係旺左,佢做左好多衰野,我之後再打出黎
你地真係有自制能力 
我地打台係幾百幾百咁打
佢話我個熟客,我個客講返俾我知,個老細話係一場誤會!
我去執貨既時候撞到幾次,佢地執貨時搵d箱遮住我個格,明明間鋪仲有其他位可以放住先 
有次我個格俾人整到亂曬,有隻公仔飛埋落地下,佢話佢唔知(我租對街玻璃位,佢坐係入面收銀)
鋪頭有閉路電視但係唔share俾我,後期我先知有d租客有得睇!
成日俾說話我聽,話鋪頭有特價既貨唔係俾我買既,但我買完無放返出黎賣架!
中期開始有點我幫佢地手分貨,有次佢地無包裝袋,我俾左一袋佢地用住先,話會俾返錢我之後無俾!
仲有好多小動作果D野,我醒起再打
原來擺格仔鋪同夾公仔真係有得賺
但好多夾公仔係長期冇人
夾公仔一向都係搵笨，個爪完全無力，出口位又搵嘢封細佢
以前大部分人都有得賺,開關之後好多人返大陸夾,而家蝕既多
要揀台打,我見洞口封到細一細既我都唔會打
1個讚
所以生意差係有一定原因，係台主自己做成
3個讚
其實我唔係好明，點解啲人會夾公仔上癮？
啲公仔又唔係特別，同埋你明知個夾係好難夾到，要送錢去俾人洗
3個讚
我都幾鍾意夾
未算上癮（掛？）
因為夾到有啲成功感？
係IG睇好多夾公仔，有香港、台灣、日本
有時唔係難夾，要試。有啲機的確廢
但有時係技巧（我睇人地）
有時係運、有時係執死雞
1個讚
我覺得似係個店主人格問題，唔擺佢果間出面大把格仔鋪啦，搵過第二間
1個讚
仲有啲塊板勁高
我好多時揀啲高山，可以碌落去
1個讚
我都擺過格仔鋪、係有得賺架
初初係有啲貨尾想散貨，見到有間
店格仔鋪招格主，就諗住平平哋租試吓租嚟賣嘢，點知擺咗三日就賣晒啲貨
1個讚
個個人興趣唔同既,同埋識到FD一齊玩,做埋行家(有錢賺)又唔同講法啦~
上癮得既點都有D技術/運氣,我地一定係出到貨先繼續玩
1個讚
運氣佔一半,有D小朋友一,兩下就出
我識幾個台主,有時一齊玩下吹下水係幾開心既,我做台主時都會同客去打其他人既台,成年人既娛樂
1個讚