話說坐機返港，零晨細機，坐位係33，機上行李位有限，機長已經出聲叫乘客將細行李放係前面椅底，以便其他乘客放，但無人理會，令有乘客坐前面，但行李就放到機尾位置，空姐不停幫人搵位，有時唔好話習國人自私，香港人都係一樣
不嬲都係咁, 佢地怕整污糟個袋
2個讚
無錯, 不嬲都係咁, 真係唔覺香港人特別高尚
分享下自己經歷
有位女士好遲先上機 上到機發現近自己位的overhead compartment滿曬, 打鑼打鼓咁要空姐解決件事, 即係要變個位出嚟放佢嘅袋
空姐試圖安撫佢, 幫到搵到遠少少位置 (真係只係遠少少, 過幾行唧), 呢位女士死唔肯, 一定要頭頂位置!
最後我自動彈起身, 我話我郁我D嘢喇… 因為佢實在好煩同埋好嘈
呢個女士放好自己個袋之後就返自己位, 原來佢坐我隔離… 
好彩中間隔咗個吉位, 唔洗同佢坐咁貼
但就係因為有呢個吉位, 佢瞓得好隨意
除咗鞋襪, 放對腳上中間個位, 然後仲隊咗過嚟, 掂到我… 
我再忍唔到喇 “WHAT THE FXXK” 咗佢
13個讚
同意樓上，不嬲都係咁，點都會有啲自私嘅人。
1個讚
唔係呀，咁都得咁無品，你話放行李個啲都算
但佢對腳咁真係好離譜。
3個讚
咁多年香港人仲未做到最乞人憎遊客群體要多謝大陸人啦
同情你既遭遇, 你讓位俾佢擺野佢仲好意思迫你聞佢腳。 
你講得岩呀, 香港人自以為自己好高尚, 好過某國人, 但其實好多行為都係自私架喇, 只係近十幾廿年廉航當道, 更加多呢d 自私位俾人睇到。
1個讚
以下行為十幾廿年前少見，近十年真普遍，連後生著西裝本地人都係咁 ↓
(1) 排隊打尖
(2) 車內大聲播語音訊息或睇短片
(3) 車內剪指甲
3個讚
- 我都覺。老人家最常見。嘩～車一到站無啦啦有個阿婆企係隊頭攝上車。
有次排隊等巴士，企我後兩個位有個女仔見到企我前面嘅朋友，就順勢走去前面個朋友排隊，之後個女仔又有朋友係另一條隊走過嚟，變咗明明我排前五都變咗排八。（其實有教過兩個唔同位置前面係應該走去後面個朋友位置而唔係咁樣攝咗去前面)
1個讚
依家排隊等車最興一種行為，扮睇路程指示牌、向最前站務員問路、及扮追唔到車就企喺最前扮傻，呢三個行為好多巴士站務員先知，當然當中有扮傻亦係真傻 !? 通常打尖行為好奇怪，男性唔多出聲、反而女性出聲比較多 ?! 我自己係男性，心理上覺得干預打尖者，好易嘈交更致打交、所以多一事不如少一事。女性出聲去干預男打尖者，男打尖者自覺好男不與女鬥，好多都係息事寧人自動返去後面 
真係好睇性格同點對打尖或其他不文明行為。無理由明明唔啱都要啞忍。
好似我老公，見到人打尖真係會出聲話，如果對方識排番隊就無事。若對方堅持打尖，我老公會同佢嘈過。
我最記得十年前去入境處，申請後親身前往領取特區護照，到我籌號即被一位、較年青三四十歲大媽打尖，但事後佢都自知自己打尖，回頭向我沙冧都算佢。十年後我去續證又親身去領取，等叫籌期間去搵座位坐，俾大媽一家快速搶我座位。入境處相信係咁多政府部門中，暫時最多內地人出沒之處 
無錯
中間個吉位, 我都無話同佢爭, 我只係放左自己支水
點知佢咁隨意, 再無視我支水, 除左鞋襪咁放上嚟 
當人一瞓咗, 真係會不自覺咁郁咗而唔自知
但係係腳呀… 
我遇過有個情況都好高招
明明自己到先, 慢慢會見有人企你附近, 但又唔會企一個隊形出來
當刻唔會深究呢班人向度做咩
然後巴士一到, 鬥快衝出路邊揚手
當自己排第一咁上車
呢類行為在國內係極普遍流行。
另一種行為近年我遇唔少，仲有本地較後生俾我鬧過，就係有車到排隊慢慢上車，後面果個心急想要快上車，佢就開始同我平排行，我就刻意行慢些少，佢就爬我頭打尖先上車，呢種近十年新見行為我遇多次，有時上年紀持老賣老我忍，當讓老人家佢急搵位坐就算。果次估計約三十歲男，就係咁爬左我頭上巴士，佢一上拍卡我就大聲鬧：『你趕時間可以出聲我讓你丫 』，佢即時沙冧話冇心，可以落番車讓番我上先，我話唔洗咁做作啦，鬧佢兩句就算 
呢個我好憎，最常見到係大媽，明明係企後面，當人傻定當人盲側側膊企係你側邊想打尖咁款，叫佢排番後面好似好唔憤氣咁。
早幾去拜山等巴士已經耐，衝最前問站務職員好多大媽，個樣好匆忙咁問完就企最前唔走，要我或站務職員不斷勸叫佢排番後，佢先如夢初醒亦加啲唔情願，先慢慢行番最後排隊。之後站務員阿姐話極常見，話扮懵及唔為意各佔一半半，呢個時候佢一定要出聲，話唔制止好易又大罵戰
2個讚
我唔明點解要忍？錯不在自己
記低站務員阿姐嘉許10%人工
2個讚
好快就唔爭永遠上唔到車
澳門而家仲係咁