呢個真係好突破盲腸
晌英國，好多人（特別年輕人）根本唔在乎王室，最好推翻王室行共和。
而王室都知道呢樣嘢，但佢哋從來都無話要捉晒班共和制支持者，話拉晒佢哋坐監。而且仲積極推行縮減王室核心成員，達到現代化，同埋王室都願意交稅嘅。
至於關心王妃等於崇拜王帝，咁嗰啲人可以選擇唔關心嘅；我都有聽過英國人話「人哋有最好醫療團隊，洗鬼我去關心佢可憐佢呀？」
民主有樣嘢好，就係我可以選擇去關心定唔關心一個人，都唔洗驚比人口誅筆伐。
7個讚
最奇關心吓比人話崇拜帝王
就算普通鄰居都可以關心吓啫
最好笑佢哋啲新聞節目會叫英國市民做老百姓
邊度見到？
唔係庶民？
“”“同意，本土好多英國人（由其中產及知識分子）都唔中意個王室，覺得佢地浪費公帑同過時，由其英女王去左之後，直頭覺得佢地眼冤。但香港人都係Chinese ，崇拜帝王將相，基因嚟嘅。啲香港人仲以為自己好British 添”“”
“”“係，其實而家剩係啲老一輩同啲只識睇電視同小報啲英國人或者師奶仲崇拜皇室，後生同稍為有啲知識都秒哂咀，don’t give a shit at all。”"’
佢地唔通以為自己係乜嘢高知識分子？
1個讚
原文：
係我價值觀跟唔上定係有問題？？
一路唔係好明香港人嘅心態點解會覺得凱特王妃 #waitykatie 值得尊重？佢阿媽阿爸死谷佢讀間唔係佢階層適合讀嘅中學係死跟想進入要進入上流社會，中產階級都講唔上既平民，大學畢業之後一直六七年都唔搵工失業，比全英國人笑佢不事生產、不務正業、就係等嫁 ，連佢個妹成世人都係走去釣金龜，全家都不務正業咁嘅。
然後我見到啲新聞啲人就笑10優港姐由細到大努力讀書，由中產家庭自己讀書去劍橋，之後發覺原來個世界好大上流社會以佢嘅出身背景根本冇位企，mmc 毅然有個勇氣去選港姐去follow呢個社會嘅人脈階級遊戲，我反而幾欣賞佢靠自己食腦喎。
不過世界運作都唔係咁簡單，上流社會亦都唔係咁容易可以進入，佢宜家又洗心革面由頭做起平民搵真愛，我又覺得幾欣賞佢喎。
我但係唔明點解咁多香港人好似好討厭佢咁。嘗試娛樂圈唔適合，自食其力搵工返工，好多人取笑佢唔嫁到入豪門。
真心唔係好明香港人係乜嘢價值觀。以前嗰種自食其力獅子山精精神去咗邊度？
≈====
最憎呢啲騎劫香港人仲要自我清醒mode
我覺得加呢句就好似多左，好似萬能key slogan 咁，不過成篇睇完又唔覺得佢講得好錯？可能我冇移民，我對王妃無特別感覺，我都係更欣賞mmc。
1個讚
2個我覺得都一樣，唔憎又唔愛，但都希望大家幸福開心
其實我2位都欣賞。
MMC十優，外貌大方，能力好。如果我仔第時娶老婆都娶到個咁叻嘅，我都會開心到十晚訓唔著
王妃有人話佢係處心積慮要嫁入王室，我又覺得無咩問題喎，佢有野心亦都有咁嘅能力做王妃。而事實證明佢真係受到大部分英國人嘅愛戴。
By the way, Facebook嗰篇嘢我有睇到，網上言論從來都係咁架啦，都唔明點解佢要煩惱到寫咁大篇嘢，自尋煩惱
4個讚
同問，點解唔可以關心（八卦又好，真關心都好）。
咁冇人敢關心金正恩身體，係唔係代表冇崇拜帝王思想
2個讚
我覺得大家都係用睇八卦新聞嘅心態去睇皇室，唔存在咩崇拜，只係佢有病作為一個正常人都會祝福佢快d好返
2個讚
佢唔覺得自己講野好酸咩，不嬲人望高處，佢父母有能力供三個仔女讀boarding, 好多英國中產都係咁。呢啲說話同亡國啲人話mmc 入mckenzie好小事一樣。
好多富二代都係不務正業等結婚㗎啦
5個讚
我覺得大大方方話自己撐republic, 好過呢啲小家子氣、言不成理嘅post
我直情唔知有乜好比較
1個讚
佢想講香港人雙標掛
神神化化，搵平民叫洗心革面，咁即係同有錢人結婚叫犯法？佢知唔知洗心革面點解。
由中文到邏輯都有問題
1個讚
我都係，十優除左係聰明仲要好努力，而且我覺得佢談吐真係好大方得體。佢算係我近年比較欣賞既後生女。
王妃的話我係唔憎但又冇話特別鐘意。不過有人病左，正常人都係會祝福希望佢好番，就算唔識既陌生人都會喇。
2個讚
最憎啲人喺common sense上面騎劫，然後九唔X搭八攞其他case嚟講話：又唔見你欣賞阿A阿B?
2個讚
同埋跟係咪支持帝制係2回事