依家係一個明火一個電磁爐情況下運作,但住左兩年幾,明火爐開既次數一隻手數得出,唔係唔鐘意用明火,明火煮野,由其係夾生鐵鑊炒野真係夠鑊氣好多,但可惜廚房環境太細,幾勁既抽氣扇油煙機都無用,只能係好凍天氣情況下開過下…
依家決定要煤氣公司黎收走,同封左個喉咀去算數,想買部雙頭電磁爐用
想問,一般用電量使唔使要求D咩?一般插座得唔得?
同埋電磁爐頭唔用塗層鑊炒野,仲可以用咩鑊炒野?
電磁爐同返可以吸到磁石嘅鑊都可以
而一般雙頭電磁爐，都睇watt數而定，估計大部分都夠日常使用，都應該係13a
睇要求
有啲人覺得電磁爐唔夠鑊氣
同埋比較傷鑊，
好睇個人
我好怕火，所以結婚後明火轉電磁爐。廚房唔夠插掣，要叫師傅再拉一個獨立13A插掣專for電磁爐。
係唔夠鑊氣，都有好多廚具都要轉。但我煮飯唔駛鑊氣，要鑊氣出街食就算。明火氣體吸得多對身體都唔好，朋友話吸得多易變黃臉婆添。
唔用塗層，不銹鋼鑊都ok，平時炒蟹、半煎炸都ok。或者staub、LC系列既鑊，但我覺得好重。
我買panasonic日本製，日日煮2-3餐，6年先壞。屋企人有用另一牌子，用過冇panasonic咁好。但可能有更好牌子，等其他人分享。
2個讚
係屋企好難追求鑊氣
要gas爐 + 冇coating鑊, 大火爆炒一定多油煙, 所以要勁抽油煙機或者經常清潔廚房. 我諗現代人喺香港好多都唔想煩而用電磁爐
一般市面都有13A雙頭電磁爐, 限制喺一邊開咗full power另一邊只可以開細火.
1個讚
但我放廚房電器果面牆身,得一個插頭,依家拉一個拖板約半米,有…一部單頭抽油煙機+微波爐+單頭電磁爐,有時真係會三樣野一齊開,如果換個雙頭電磁爐會唔會出事?
一定會出事
任何大食電器, 包括電磁爐, 只可以獨立插一個電制位
一定要獨立插掣
你廚房只有一個插座，你不如睇下電箱果堆mcb (上下掣咁樣），應該有個 專屬於廚房，你睇下果個製上面係咩數字先。
首要確保mcb夠電，否則再多獨立插座都等如嵌入式拖板。
當時我要搵師傅係電箱拉一個獨立插掣入廚房
你係咪指大電箱咩漏電再彈起果個掣?唔計右手邊果堆燈掣外…
廳.房.廁綜合一個掣係32A
另外廚房係獨立一個跳掣都係32A,係咪夠電?
有32A 夠用，如果確定埋插座底部 有兩組3色電線駁住行ring，咁就好簡單，你可以自己加多個孖蘇插座係旁邊，咁就有3個插座。
係電箱將廚房果個mcb set off, 拆開現有插座，睇線，ok 既話，去買薄身底箱 同 孖蘇插座，1米 白色電線 （3x 2.5 mm^2）。開左白皮，每條色打孖咁駁孖蘇 去 原插座底 同色電線度。你甚至可以將現有插座改用15A圓頭/20A 曲架，直上 3000w / 3700w 電磁爐。新13A孖蘇可以直接用釘膠痴上磁磚上面，全部電料$60內攪掂。
如果搵人攪，$800至一千，你自己諗下點攪最適合。
1個讚
之前家人係中電做 電費唔洗錢 所以冇煤氣 一切正常
再補充多少少…依家成個廚房假設牆身分ab兩面，唔計廚房b牆兩個入牆式插腳插座+雪櫃、洗衣機各一有灰士既入牆盒開關…總共四個…而入伙果時朋友幫忙(佢話自己識)將廚房煮食果面a牆身，設計只得唯一一個入牆比抽油煙機專用既獨立開關位(有灰士)，旁邊拉多個插腳座出黎，依家就係用佢黎再拖一個超短拖板出黎比兩個爐加抽油煙機用…一直都無問題，但咁樣再加多個電磁爐頭，唔拆個盒望之下，真係唔識點睇得唔得…(以上資料睇唔睇到博唔搏得過？)
安全第一. 自己唔識又沒有擁有電工牌既朋友幫手,都係俾錢專業師傅攪啦.
講講下你廚房又多左b 牆4個電制出尼。。。。
OK, 你先熄左電箱廚房果個mcb，應該a/b 牆所有電器會無左電。之後拆開a牆個電制，應該見到有兩組3色線 係兩個不同既白膠管口引出尼，拆左電線接點果3粒鑼絲，將果6條電線完全淩空分開，一定唔可以互相接觸到。開返著廚房個mcb，用 ‘他筆’ 分別check 果兩條啡色線，‘他筆’ 應該都會著燈，同時b牆有返電。
如果試左ok，就照我上個post 駁法去做就得。
1個讚
我係用電磁爐，方便又易清潔，不過炒菜同煲湯麻煩D