本身性格都係比較悲觀負面，心入邊成日會搵嘢嚟擔心，擔心完A，又會擔心B，心靈好難平靜落嚟
有時都會諗吓，買吓嘢呀，煲吓劇早啲令自己開心嘅嘢，但係真係諗唔到有啲咩係會開心
樓主你唔好俾自己得閒就唔會亂諗嘢，就唔會再有時間擔心呢樣個樣。。
呢家出去急步行番大半個鐘心情已經好唔同。
6個讚
其實我都有盡量想自己出街行吓，但係真係好冇動力，出街一陣就想返屋企
我都會，冇動力，冇希望，冇轉機咁
要生活，都係頂硬上
雖然我無咁既問題，但我係iherb見過係咪有啲軟糖食咗會calm啲，易啲訓覺，有冇試過？同之前有用啲calming既油浸浴，應該可以放鬆個人。
鐘唔鐘意買嘢去旅行？呢兩樣對我嚟講能醫百病。
唔出街就係屋企做下運動，大概做15-20分鐘已經可以感覺到有少少唔同，最好做30分鐘。每日都做，尤其當你最唔想郁最提唔起勁就做。
同埋有啲事擔心都無咩用，解決到就唔需要擔心，解決唔到係時間未到，有心事有問題你搵唔搵到人同你傾下？
3個讚
做一啲令你冇時間諗無謂嘢嘅活動
例如學跳舞，因為一分心一定甩
1個讚
我份人都係、你係唔係由細到大都係咁？我好似唔識表達自己情緒、只有唔開心同無咩感覺咁、習慣左就算唔開心都唔會出聲、將自己放到好低好後、逆來順受咁
1個讚
我都係，難開心，容易灰。最慘已經唔可以同人呻，有時係story post 一出，就有人話做咩又放負。。。唉。。。
1個讚
揾書揾劇睇下
學習禪修
幫自己建立興趣，分散注意力
唔好成日諗住唔開心嘅嘢，真係叫自己個腦唔好諗
我以前都係咁，到身邊嘅人都話我，我覺得影響到佢哋真係好差，就迫自己唔好諗，意外地，世界變得不一樣
2個讚
早幾日陪小朋友睇多次 Inside Out (反轉腦朋友), 當有負面情緒時唔使特登要迫自己開心, 反而要識得表達傷心難過嘅情緒, 話唔定心情差嗰陣, 睇齣慘情戲大哭一場仲好
1個讚
我係呢幾年經歷情緒病
先認識多左自己
一直都唔識表達
有情緒都係壓抑住
1個讚
咁你而家情況點啊？有冇好返啲？
我明白啊，呢啲性格嘅嘢其實唔容易改變，有時講得多人哋又話我放負，所以有時都係自己面對就算
完全看不到你的問題
好返好多喇🩷
好返好多就好了
咁最後係去睇醫生/心理輔導/定係靠自己？
有睇左一排心理輔導
認識多左自己情緒
之後直至移左民
慢慢好返好多
2個讚