歡迎匿名分享
一世人流流長少不免愛上渣男呀仆街咁，分享一下，之後點樣企返喺身，點樣自強
同個初相識男友幾個月, 第一次性唔夾, 未成事, 佢失縱 
我都算有，對方有第二個，不過都有講清楚先分手嘅，後生時 move on囉，幾個月後好好多
once upon a time, 識左佢一段時間，大家關係仲係好曖昧，冇認定對方，有日佢話想買樓，想個女朋友做銀行，就可以有低息 mortgage, 問我會唔會轉行做銀行，我話我都唔在行，唔會啦，佢即刻話：咁我同你只可以 one night stand, 我即刻車巴佢， 之後斷絕來往
嘩……真係好渣
完全係似想搵人著數，多過真係想搵女朋友
佢自己唔轉做銀行
1個讚
人生流流長，一定會有
我遇過一個食飯要AA，而且食壽司，自助餐就話太奢侈，唔好食呢啲。
叫我收工去山卡啦地方出席佢啲朋友飯局，say no 話唔去又亡命call，嗰時年紀細無企硬，去到on99坐一晚，第二朝仲要返早。
平時唔准call佢，話on duty 唔聽得電話，有一日人間蒸發就當分手，十年後喺街上撞到，佢唔認得我。
渣女都唔少，現世代唔止男人渣，好多女性都好渣，只係表面睇唔到，當異性觸及感情時先會發現 
1個讚
當然，都可以分享下，不過男人比較少講自己遇到渣女
有一個，拍左拖無耐就成日有無人講野嘅電話打黎，之後佢同事忍唔住爆俾我聽佢搞大左另一個女仔個肚，已經準備結婚，即刻分手
on duty 係咪休班職業? 
同是紀律部隊。
所以佢話唔好打俾佢，我真係on膠膠咁無打。
我覺得佢都係一腳踏幾船，但就渣到分手都唔講，直接消失
渣男特徵，鍾意就咁消失
仲有一次就唔係男朋友，只係個男成日send 噓寒問暖SMS，最多係曖昧關係，我無打算同佢追一步發展。
有一晚，我收到個有來電的電話同一個無來電的電話，我足足喺屋企樓下企左接近兩個鐘同佢哋傾電話。
有來電嗰個電話係一個同時被渣男曖昧的女仔，但我哋兩個係清醒，無爭仔的意圖，只係個女仔喺男的電話到搵到我電話，想通知我一聲呢個係渣男。
另一個無來電的電話就係渣男正室女朋友，佢就慘囉，佢叫我離開佢男朋友，我當然唔反對，個女朋友喊住話同佢一齊讀書到依家，中途都不斷發現有第三者，女仔就係唔肯離開，唔捨得七年感情，想嫁俾佢，我都勸佢呢啲男人嫁唔過，我聽左個女朋友邊講邊喊左好耐。
最後收科就係SMS渣男話唔該你唔好再揾我，佢打俾我都無聽。
1個讚
留毛，等聽故仔
我有個渣男 ex 又係紀律部隊, 成日都話同人調更或者開OT 而失蹤, 有次俾我係佢FB發現佢同其他朋友上大陸玩, 當中仲有好多同同一個女仔既合照, 佢死話佢地之間無野. 後來佢都係無聲無息消失左.
朋友係渣男磁石
遇親男人都話同老婆冇感情就離婚
一係就有女友但話自己單身
好慘。。。
佢外表性格係點？
純八卦想知咩人會吸引到渣男。
佢份人神神化化
唔識拒絕人
身材幾好
可以睇自己嘅星盤, 例如金冥刑, 有機會本身渣/容易進入三角關係…仲有其他
該主題在最後一個回覆創建後180天后自動關閉。不再允許新的回覆。