前日同老人家去拜山，買咗男女衣紙各一包，向靈灰閣其實有三對先人放埋左一齊，咁老人家就每包衣紙寫左兩個先人的名字，兩包四個先人嘅名，我想問下，以往係一包一個名，而家一包兩個名乜可以嘅咩？
唔知大家知唔知得唔得咁呢？
即係本身有 AB, CD, EF 三對先人都係安放響靈灰閣
老人家想拜 AB 同CD
於是就買左男衣紙一包, 寫左A同C個名, 女衣紙果包寫B同D個名咁?
又問下, 如果係BK no more咁講
A同C, B同D 應該係親戚關系 (直系親屬??)
咁係呢個情況下, 我覺得OK
都已經擺埋一齊做擠迫戶, 直系親屬既話就更加無咩好講,
同先人講, 市況唔多好, 張就下先
其實心意既野, 最大個位話OK,
我自己做細既無咩所謂
最緊要老人家開心, 佢唔開心, 大家都有排煩
2個讚
我大家姐唔喺度16年。
10幾年前有晚發夢見到佢著住套白底藍碎花嘅衫，好開心咁走去我媽後面…
過後有日醒起話比我二家姐聽呢個夢，佢話“咦！我地（佢同我爸、媽）上星期去拜佢，媽係買左套藍色碎花衫燒比佢喎”
5個讚
其實無人知道這些東西燒咗，係咪俾到先人。
所以你都無謂考究，當後人一番心意就算。
2個讚
我都覺得係，奶奶阿媽負責呢個部分，佢鐘意點買就點買
我呢啲自己去就買香就算
如果以傳統話嗌名就收到，寫二個名都應該ok,可能收左再分，但一般一個衣包寫一個名就唔駛爭
師傅講過，如果先人們已經過世五年以上，其實可以淨係寫X門歷代祖先。
都係睇紙扎舖，我就阿爸一衣包阿媽一個紙包
咁我哥佢自己買就為兩個一個衣包。
我自己覺得無所謂，如果一包寫兩位仙人咪一齊用。
2個讚
無錯呀，係今年先咁寫，之前唔係架
先人嘅親兄弟同埋大嫂弟婦咁
多謝大家意見，怕老人家唔識會對先人不敬，而家放心了
咁之後可以照咁寫，因為三對先人都係同門嘅
該主題在最後一個回覆創建後180天后自動關閉。不再允許新的回覆。