有冇人嘅性格係好驚青，少少事就會諗到好壞嘅後果，我就係呢啲人，我覺得好攰，唔知可以點樣改善
有時
有冇例子？
有，易緊張會少少事都上晒腦，但我又好少向壞個邊諗。。 
我會盡量放鬆心情，同埋盡量唔好再諗個件事。
報到!
解決方法係：要明白好多嘢唔由我控制，煮到埋嚟就食。
同埋諗完就快啲分心放低件事，擔心嚟到冇用，而且未發生。
仲有係長遠嘅事唔洗諗到咁仔細，諗完過咗若干年都唔同晒，諗5年-10年就夠了（係咪都太長lol）
2個讚
我唔知算唔算緊張, 我一定會諗到最壞, 但我係會坐言起行做野去令件事唔會去到最壞, 我係悲觀主義入面樂觀嗰批
2個讚
認同
明白好多野唔係自己控制之中，做好自己可控制範圍嘅嘢已經夠。
已經盡量勸自己順其自然
但係都係杞人憂天
me too
成日worst case assumption
自己嚇自己
1個讚
有，但多數係係家人身上。
少少事可能小朋友唔舒服發燒，就會諗到佢可能會有咩並發症；家人無聽電話就會諗到係咪有意外，等等
我後生係，騰雞格，而家好少少
我都係咁！
我個FD,成日都向壞方面諗,未買機票去旅行已經諗緊如果帶唔夠錢/帶唔夠衫著點算
屋企人唔聽電話一定係出意外,
小朋友考試唔好就會影響到將來大學及前途,好擔心,訓唔著 ( <–講緊個小朋友只係小學生…考試唔好既定義係上次考級10今次考級13)
而我阿媽唔電手提電話既原因永遠如得一個,唔記得帶落街
各位真係唔好諗咁多,世事好多野控制唔到,不如向好方面諗生活會快樂一點
1個讚
活在當下係道理，不過我而家唔係好做得到
做唔做倒其實係咪只係一念之差？你肯向好方面諗就得？我都想學樂觀嘅人，但好似好難做倒。
該主題在最後一個回覆創建後180天后自動關閉。不再允許新的回覆。