獨家︱
76歲秦煌獨居無依 坐輪椅難自理
在酒店房兩度跌倒 無法起身
致電林偉求救 今送院留醫
「剛剛買咗紙巾毛巾去醫院探佢
希望佢啲仔女見到呢個呼籲
去醫院探望爸爸。 」
與四子女親情淡薄自責
秦煌︰我以為只供給晒佢哋物質上嘅嘢，就叫好爸爸。
================================
76歲 #秦煌，老來無依。月前他接受《娛壹》專訪，談到與四個仔女關係疏離，對淡薄親情他一度自責。近年長租青衣一間酒店獨居，鄰居 #林偉 成為他近年唯一可照應的人。
今日(20日）《娛壹》收到消息，因年前跌倒，現需靠輪椅出入的秦煌，日前在酒店房跌倒後不能起身，他致電好友前TVB監製關永忠，及鄰居林偉求救，今午被送往瑪嘉烈醫院留醫。
《娛壹》向林偉了解，他說前晚已收到秦煌首次求救電話，「佢打畀我話跌咗喺地下，而家坐咗喺度起唔到身，當時我未返香港，所以幫佢致電酒店大堂，搵人開門救佢。一開門職員話見秦煌坐咗喺地下，發現佢雙腳好腫。之後職員扶番佢上床休息，點知個幾鐘之後，再收到佢電話，佢話又跌低多一次，再幫佢call酒店職員上房救佢，當時職員都建議佢入醫院check下，但佢拒絕，點都唔肯入。」
獨居秦煌很固執，近期連生活日常都開始難自理，但仍堅持不向子女救助及要求探望。昨日林偉再致電秦煌，他未有接聽。「佢有時會瞓好多個鐘，所以又唔敢太打擾佢。」林偉原打算今午回港，若未聯絡到秦煌，就即上酒店房拍門。怎料回港途中已收到好友監製關永忠來電，指已為秦煌報警，將他送入院。
林偉續說︰「佢今日下午送入院，又係跌咗喺地下。剛剛買咗紙巾、毛巾攞去醫院探佢。」秦煌需要留院觀察，而醫療上的決定，院方需要同家屬聯絡，此時秦煌才將一個女兒的電話，交給林偉聯絡。
「我打過幾次，不過一打去就駁咗去留言。咁惟有留言，但而家未有回覆。我希望你哋(娛壹)出咗呢個消息，呼籲秦煌仔女嚟醫院探下爸爸，始終我同關永忠都係外人，好多嘢唔可以幫佢爸爸做決定。至於醫生就話，現階段醫好病人先，之後先幫佢處理安頓嘅事，交畀社工跟進。」
近月秦煌身體每況愈下，林偉謂︰「無辦法，佢行動又不便，成日一個人困喺間房，冇乜人同佢傾偈。」
月前秦煌接受《娛壹》專訪，道出老來孤單的難過，他說︰「我計錯數，我有三個女一個仔，我以為供給晒佢哋物質上嘅嘢，就叫做一個好爸爸…」那刻的他一臉落寞。縱然晚年後悔，想同子女修補關係，但還是卻步。
其妻莫佩雯生前曾向秦煌提出六次離婚，但遭他拒絕。這段早已有名無實的婚姻關係，最後雙方以分居解決。他更在專訪中透露，分居後他長居深圳廿年，期間結識一位湖南女友Mary，之後同居。惟近年在港跌傷後不便行動，無法再返內地，女友Mary亦帶著女兒回鄉生活，住在秦煌早年為她在湖南置業的單位。去年通關後，他說Mary因要照顧女兒，未能來港探望他。
月前他曾在whatsapp send了一條在酒店走廊練行的短片給記者，當時說要慢慢練行，希望減少依賴輪椅出入，有望盡快復工，返內地拍劇。他曾在專訪中指，活到76歲仍為生活憂心，擔心手停口停，積蓄快被耗盡。
#娛壹
，都未計從未陪過佢阿媽覆診，