見到土瓜灣哥登堡執，我諗起當年考完A-level去食晚餐，都幾好食，但係攰到冇乜胃口
2個讚
A Level 放榜前一晚， 同喺返暑期工識嘅中七朋友去尖沙咀海旁通頂傾偈
3個讚
細個ON99一名屋企好窮，讀書又唔得，個時好鍾意台灣，一心報台灣個啲先修班然後升台大。考到入先修班最終無去因為屋企人唔知我考同根本無錢去，最終係香港讀IVE（IVE當年仲叫TI)
最有趣係出嚟做嘢人大咗搵番當時考先修班証明文件先發現，除咗無錢買機票，原來當時我咩護照都無（亦唔知離開香港係需要護照）。
7個讚
會考放榜，考得幾好，第一 round 原校收返讀中六，中五 240 人 但係中六得 60 個位，其他同學仔周圍搵學校，我哋有 offer 嗰啲去咗 M 記叫左三十個漢堡包，食左個包山慶祝。
第一次細路扮大人，當日學能測驗個考試時間大概係9,10點咁上下，約埋幾個同學一齊食早餐之後返學校，扮大人咁叫左杯凍奶茶。未離開餐廳已經覺得個肚咕咕聲，返到學校直頭一發不可收拾，當時仲擔心考唔到試 
自始唔飲凍奶茶。
細個反叛想學飲酒，18歲生日嗰日特登瞞住阿媽約咗一班義工朋友落bar。但係之後良心發現想讀書，到下一次飲酒已經係大學畢業之後，結婚嗰一晚。
試食煙，但唔識食一吸就俾煙嗆到，先知原來食煙要有技巧
因為仲好年輕，遲下話你知
搭車有經過，但又冇食過
2個讚
第一次買化妝品係去萬寧買「歌婷」（係唔係呢個名、驚記錯
），化完妝發現原來會有人追，自此走上不歸路
細個鍾意咗個男同學，同自己最好最嘅朋友講咗，佢喺我考會考英文前一晚同我講話同呢個男仔拖咗手
當年自己升到中六，開學冇耐，陪咗另一個升唔到中六嘅同學一齊去見工，份工請咗佢，後尾到我考完AL，同學仲喺呢度返緊工，介紹我入去做暑期工，呢份工支撐咗我讀大學嘅支出
9個讚
年輕時想試吓飲醉係點，結果有一次公司聚會飲醉左，老公（當時男友）黎接我搭的士送返屋企，一上車已經想嘔。返到屋企又唔比老公走，結果我阿媽無奈叫佢留低，我仲要瞓埋我妹張下格床，最後老公夜d趁我瞓咗先走。
到第二朝個人仲係好唔舒服，結果以後都唔敢再飲醉。
自問細個真係好曳，細細個就蒲disco，大啲就Rave party, clubbing… 但其實我唔係好飲得酒，好易醉
試過一次去老蘭，學人飲一杯點火嘅cocktail（唔記得叫咩名），飲落又幾好飲，拿拿林飲晒一杯，結果成晚就向bar枱瞓著咗，到天光啲朋友先叫我起身返屋企
好彩同一班朋友去，間bar又去開識啲bartender，所以先冇比人執屍，但試過一次以後都唔敢飲烈酒嚕
仲有冇做朋友?
中學時比校草追
仲要係 校草同佢好朋友 一齊追我
一個接返學 一個送放學
甚至差啲打交
因為校草係學校太出名
連老師都會問我會同邊個一齊
個時搞到我覺得返學好煩
3個讚
我校好少少
200個=> 60個
但我係入唔返嗰批
之後去咗間新校，叫順利入到大學
大學開學嗰日，班原校上預科嘅約埋去canteen 食lunch，咁啱俾我撞到佢地…
某某同學好驚訝咁問：點解你响度嘅?!?!
我真心覺得佢狗眼看人低…
我輕輕咁答：同你一樣！
我真係一世都記得呢個情景，而呢位同學…
我經常响火車新聞叫到佢 (佢係有線新聞主播)
近10年又响屋企出入見到佢 (佢住高我幾層)
但真係一次招呼都無打…
3個讚
嘩好有偶像劇嘅畫面
咁你係咪本身都好靚女？
2x歲同班同事落老蘭見識下
飲醉前話咗俾男朋友（而家嘅老公）知我喺邊間酒吧
飲到醉醉地，男朋友同佢細佬就出現咗
冇耐我就醉到行唔穩
因為好夜，男朋友直接帶咗我返佢屋企，個陣第一次去佢屋企，雖然醉醉地，但記得男朋友幫我除襪，搵衫俾我，叫我自己換
第二日瞓醒，我發現我瞓咗佢細佬張床（佢細佬個晚冇返屋企），佢瞓佢自己張床，而我最後係冇換到衫
瞓醒佢問我要唔要沖涼，仲拎埋毛巾同衫褲俾我換，我個刻真係覺得我男朋友好君子，所以最後嫁咗俾佢
4個讚
唔醜樣 但又唔係好靚
可能我比較男仔頭掛
其中一個 由中二追到我廿幾歲
但我都無接受佢
因為 被我知道當初佢追我係同人輸賭（中二）雖然佢都話係追既過程真係鍾意左我 但我都係接受唔到佢初初動機不良
1個讚
中二至中五單戀個女同學, 試過傻傻地表白被拒. 因為有共同同學, 幾年間有時會見面, 私下也有聯絡, 陪下佢, 偶爾服臨時兵役的關係.
中六時我們見面多了, 在溜冰場拖過手, 港鐵內佢在我的膊頭上休息, 佢話:「你多喲搵我吧」. 美好而短暫的車程.
沒有發生任何愛情, 我習慣了佢唔鍾意我的那種微妙偶爾半兵役關係.
夢幻列車最後到達終站.
大學時就沒有再見面了, 正式完成兵役投入大學生活. 後來聽說佢和我一位中學同學同居, 應該是得到幸福吧.
2x歲我生日同班同事唱k,嗰時好鐘意某位已離職既舊同事,mk仔黎既但佢又同我幾fd間中有食飯,咁我叫佢放工就黎同我慶祝,初初佢扼我唔得閒,最後佢竟然係k房出現,勁開心,嗰晚我發花癲咁痴住佢成晚…
臨走嗰陣大家都有少少醉啦,某一個女同事堅持送我返屋企,佢話等陣唔睇住我實比個mk仔溶左都似
佢以為我醉左聽唔到佢咁講,其實咁多年我都幾感激佢但無講過出口,因為可能嗰陣發花癲可能真係會跟左個mk仔唔知去邊(聽佢地講好似係想轉場去bar繼續飲)
類似扒房有去過
荃灣有間叫莎樂美
中學時期同同學食過一次
之後都冇再去過
到畢業後同事帶我去食第尾牛扒
都係服務差 唔好食