3月初時起agoda訂左2間住宿，當時揀先訂後付，上星期其中一間(A)即將扣數前兩日agoda有電郵提醒，之後亦有收到銀行短訊扣款提示，過幾日就到另一間(B)住宿要扣款啦，今次無收到agoda提示即將扣款，但問返佢地，agoda話已成功扣款，仲比埋電子收據我，但係我信用卡仍未睇到有關(B)住宿既扣款記錄，打去銀行問佢地話係見到有呢筆數預左起度，剩係叫我等多幾日再睇睇….但我今個星期尾就要出發 
唔知有無人試過類似情況？最後會影響入住嗎，謝謝
正常應該唔會影響, 如果擔心你可以電郵去酒店嗰度問. 但係Agoda 我嘅經驗唔係太好, 除非冇得選擇，我唔會用佢. 但組嘅酒店或者服務臨時甩轆, 有一次去泰國訂咗機場接送, 完全失咗蹤. 完全搵唔到 agoda 聯絡, 過咗幾日之後電郵話會退款, 最後石沉大海. 嗰度唔係多錢，我都已經費事再搞.
仲有酒店去到又話冇預約…
所以你係咪都最好電郵去酒店嗰度確認下
2個讚
係咁架，佢應該係到你入住後先喺信用卡show到charge左，我次次都係咁，你擔心嘅咪send個email去酒店問下，我book過好多次都冇問題
1個讚
該主題在最後一個回覆創建後180天后自動關閉。不再允許新的回覆。