點解可以突然變成咁
識咗十幾二十年、讀書已經識、我成日請佢帶小朋友上嚟我屋企玩；玩完留佢地食完飯先走；係好熟好熟嘅朋友
突然鬼上身咁
喺我老公生日淩晨12點 WhatsApp佢 happy birthday ，行過u記佢，話見到件衫有佢size幫佢買
我打俾佢直接話唔好WhatsApp 我先生，老公都Block咗佢，又退出晒有佢份嘅group
趁我同帶咗對仔女去咗旅行；嚟行咗嚟我地住嗰道，喺穿梭大堂打上嚟屋企喊住講話比自己老公鬧到出咗街………天寒地凍唔知去邊，要上嚟我屋企好彩老公唔敢醒水唔比佢上嚟，即刻同我講;我叫佢家姐過嚟揾返佢
佢仔女已經考DSE
做乜突然向你老公出手，之前發生咩事
佢做了什麼？
同你老公攪埋一齊？
佢同你老公同日生日？
唔知
但佢話比人趕出門口果晚；家姐話佢老公係返通宵….
我覺得佢係無啦啦傻咗
今日驚蟄打小人
冇搞埋
但好震驚點解一個咁親嘅朋友會對自己老公出手
佢家姐話佢其他行為都正常；但家姐話聽過佢講過話我同老公關係好差；我老公好想離婚；話我成日小小就發老公癲、搞到我對仔女驚、但我即刻講事實係無咁嘅事；同我講如果佢再煩我地就揾返佢娘家人，佢地處理會好啲
我同先生關係係正常
我都好冷靜咁講如果你同我老公有吾緊要
你拎證據出嚟我睇，乜證句都好，電話記錄又得
佢用第二部電話揾你都比我睇，你比得我睇我就信你
佢淨係喊住話叫我放過個老公
有似精神病symptoms
可以向家姐打聽吓佢屋企直系親屬有冇精神病史,通常呢啲有遺傳
我都估係妄想症之類
好恐怖呀!!! 真係無啦啦睇中左你老公
正常你老公點會無啦啦同佢講呢d 野, 除非真係有路啫
勁喎, 你真係好冷靜 
, 俾著係我應該即刻終止對話/ 走人算
因為我打比佢家姐之前，係打比呢個朋友先；佢講到語無倫次又離譜；又講埋佢自己親密技巧好得唔好阻住我老公享褔；又話我老公好鐘意想3p我又唔知…………我覺得真係傻左先會咁樣講埋啲作噁野
之後我忍唔住cut佢線，打比佢家姐，本身諗住佢家姐唔嚟就叫管理處自己處理
我唔識講，如果老公真係有異心我唔會一直冇感覺；我地係食lunch同放工搭車都會打比對方煲粥
真係好嘔心, 你會唔會提醒你d 仔女小心佢? 我驚佢搵唔到你老公, 下次可能叫你d 小朋友帶佢上你屋企坐
好癲
比老公趕出黎冇地方去？
其實香港大把酒店
細嘅係姐姐接送，大嘅讀中學，自己返學放學
係唔係應該同學校社工傾下發生咗件咁嘅事，點樣用一個平淡嘅方式同小朋友講，萬一佢騷擾小朋友時可以應付
我真係唔識點同小朋友講呢件事
好似韓劇”請和我老公結婚”既女二
應該有精神病
我家人都有類似經歷，個女人妄想我家人同佢老公有路，之後騷擾我家人
之後佢老公同我家人道歉。果時我家人有提醒小朋友要小心個姨姨, 因為佢有病
樓主，你一定要同小朋友講，因為小朋友本身識佢又熟，會對佢冇防範
想請教下當時你家人係點處理？唔知你方唔方便講？一騷擾你家人嗰陣就通知佢老公？會唔會同佢講道理定block咗佢
同埋最後係帶咗佢去睇精神科？知唔知最後有冇好得返？
另外想問小朋友知道咗會唔會好驚？唔好意思太多嘢問
家人同當時人係街方
有日係街，個女人突然衝向我家人大鬧話家人搶佢老公…初初我家人否認，之後睇到個女人狀況有異就離開現場。到晚上，個女人老公拍門道歉解釋。知道個女人有病，我家人都冇放上心。
因為大家係街方，會撞口撞面，當時我家人好平淡咁同小朋友講個姨姨有病，控制唔到自己，會對人有危險，叫小朋友見到個姨姨要避開。
如果佢真係有病，你同唔到佢講道理
因為佢覺得係事實
多謝你回覆