小朋友連續發燒幾日，去睇羅醫生話肺炎，浸X醫院兒科羅婉X醫生懷疑佢中支原體肺炎，其實原來做撩鼻快測都可以測到（平好多），但佢建議做痰種箘，第一日做一次，第三日話再確定多次，前後萬幾元，都算啦，佢處方一隻五日既抗生素，食第三日仲燒到40度，原來好多報道講左D隻抗生素成效已不大，抗藥性。羅醫生安排去咗仁安入院第一日，兩點入院，病房坐到晚上十點才拿到藥，因為羅婉X女醫生八點幾先到，跟之前開的差不多完全一樣，多了粒青蛙丸，化痰粉。小朋友又燒足一日，羅婉X醫生亦冇咩建議叫我地飲湯，飲蜜糖水
。第三日問佢可以點醫治，依然講第一隻抗生素（抗藥性高）幫到手，叫我放心，果晚又燒到40度，驗痰後第四日終於忍唔住換返平常睇返既兒科，即返開返適合既囗服抗生素。第六日已經完全退燒。之前口服加吊針總共3種抗生素全部冇用，但已經差唔多用完，小朋友打吊針喊到死，原來白打。依個羅婉X醫生好奇怪，驗痰後入完見佢，佢叫我幫佢「倒帶」小朋友發生咩事，我哋諗你唔係有睇返記錄既咩？我哋同佢講5日的抗生素已服用3日都燒40度，佢就話「理解嘅，理解嘅」然後就完，叫我地再驗多次痰。我哋傷心小朋友辛苦，個醫生又慢慢嚟，我哋決定醫到一半𨍭醫生，其實咁做唔常見，但係醫生叻同有醫德真係非常重要。我入醫院果幾日，費用最貴就係佢同我哋驗乜驗乜，打乜打乜，三日三萬五，後面搵返自己兒科醫生兩日加埋一萬。我都覺得自己錯唔應該搵佢，但係佢向浸X兒科門診時感覺係好正常。自己買左個大教訓，浪費幾萬，小朋友大人都好攰。最痴綫佢第二次叫我驗痰洗左6千幾蚊個報告，我小朋友好返出院都未出
個名最尾個字係咪ki?
1個讚
你都睇過佢？
我生果時搵左佢做兒科醫生 睇黎佢真係好鍾意叫人驗呢樣驗果樣 果時叫我地幫初生b驗罕見病篩查 我地第一胎唔識就做左 後尾聽到隔離床個兒科醫生話家族咁多代都無其實無咩需要做 可憐個b咁細個就要抽血我地又要洗多幾千銀
1個讚
我個驗血驗痰報告出院都未有，話兩個星期後寄去我屋企，都好返哂，確實冇必要
有時急起上嚟搵唔返本身睇開個醫生都冇辦法，唔好咁嬲了，最緊要小朋友冇事 
3個讚
之前都去法x醫院搵過一個兒科醫生，覺得佢好無醫德又串，後尾上網睇佢好多負評。
1個讚
如果小朋友係中咗某啲病毒嘅話，真係唔係話食啲抗生素就會退燒，食抗生素只係幫助打贏啲病毒，最後都要靠小朋友自己免疫力去打贏仗，燒幾耐就係睇吓免疫力幾時打贏，病毒量低就會退燒
我小朋友中過甲流，入咗政府醫院，食咗抗生素，食埋特敏福，都燒足7日先退燒，成個ward都係中流感嘅細路，個個都係燒唔停，真係好普遍
呢個價就貴咗啲
我小朋友有一次中副流入咗私院，撩鼻抽血吊鹽水，住兩日好似係2萬樓下
你係咪有保險？覺得有啲醫生會因為你有買保險，張單埋幾多錢都係保險公司找數，所以會咩都叫你驗一餐
2個讚
係有保險，但係佢真係好hea 好慢，直至抗生素5日食咗3日仲燒到40，咳足全晚，佢叫我耐心等候
抗生素應該食咗一兩次就開始唔會再升高體溫
1個讚
同情你同小朋友嘅遭遇。雖然我細個時冇咁嚴重，但以前元朗有個兒科醫生好出名功勁多人睇佢，佢開嘅藥都係特效藥，令人覺得佢好快醫好人。但有一次我食到個心跳得好快，手震到做唔到功課喊住同呀媽求救。呀媽於是帶左我去睇第二個醫生，個醫生勁嬲之前果個開啲咁勁嘅藥畀我，仲叫我媽睇埋今次唔好再睇醫生食藥，畀我食啲補品養番好個身體，結果睇完果次好耐都唔洗再睇。
第一個醫生而家仲有做，我勸朋友唔好帶啲仔女去，不過佢地都係貪佢快唔理我勸告
2個讚
我都中過招, 葉x星
我唔係呢個
法國醫院而家一個好少少嘅兒科醫生都無
1個讚
其實睇醫生呢家嘢，真係人夾人，好難話個醫生唔好，我兩個女，由細都大都只可以睇指定個醫生，唔知點解，個醫生開嘅藥好快就好，但其他醫生嘅係唔得，但我又唔覺個D醫生唔好，每個醫生都有自己做法，所以，好多時D朋友問有無邊個醫生好嘅介紹，我只可以話我個人經驗話你知搵邊個，但唔可以話最好，尤其是手術，呢點真係見人見智
其實抗生素只係對細菌有用，對於病毒引起的感染同發燒係完全無用
該主題在最後一個回覆創建後180天后自動關閉。不再允許新的回覆。