麥明詩表示開始健身及護膚保持最佳狀態，因本月舉行婚禮，「始終籌備婚禮好大壓力，要想辦法放鬆吓」。她稱未婚夫盛勁為只負責邀請家人、朋友及同意她的安排，「我唔係笑佢，佢好配合，我負責決定，佢就會同意，真係好難得，因為聽過唔少朋友講，搞婚禮好多時會意見不合，我哋就絕對無呢個情況出現，佢唯一叫我放鬆啲，唔好咁大壓力，我話唔做無人做，他就話hea啲唔緊要」。
怕拖得耐節外生枝
麥明詩透露早前到澳洲影婚紗相，都是她安排，「佢其實無所謂，我問佢不如下個禮拜去影婚紗相，佢就話好，件事就咁樣發生，我覺得都幾好，有時拖得耐就會有枝節，我唔係擔心，只係怕麻煩，唔想件事兜兜轉轉迂迴曲折，只是想搞掂啲嘢，至於細節、程序各方面，我又唔係咁拘謹，只想將一件好繁複嘅事盡量縮短，大家對呢件事可以保持開心同期待，好多人搞搞吓會搞到唔想結婚，我想盡量避免呢件事情發生」。她表示婚禮定今個月在港舉行，也想婚後生多幾個BB，但都要看現實情況，她說：「上次話要攞8萬蚊嘛！覺得生小朋友，唔好生一個，但都要睇身體及各方面配合，有啲人好簡單，但有啲人就好複雜，每個人都唔一樣。（為生仔才想結婚？）有一部分原因，都係現實考慮。」
(source: 本月出嫁 落手落腳籌備婚禮 麥明詩欣賞盛勁為「畀到信心我」 - 20240302 - 娛樂 - 每日明報 - 明報新聞網)
我覺得有兩個情況會「搞搞吓會搞到唔想結婚」:
- 搞結婚既過程, 發現好多分歧發現好難一齊生活, 搞結婚中途分手, 取消婚事。
- 長老好麻煩, 對婚事諸多意見。
唔知點解, 字裡行間, 覺得佢好似趕時間想快d "cool"住呢個男人