想在家安裝卡拉ok,有咩可盡量全套買齊,唔洗太複雜的推介?
Budget? 版權分別，強國版 同 香港版，完全唔同價錢。
Budget大約幾千港幣。如在amazon買應該多係強國貨吧！
係amazon見到呢set,想知係咪已全set?仲有咩要安裝買?
我自己幾舊水淘個後級 (擴音機)，有跟送兩支無線 MIC，兩個 MIC 唔需要另插收發器，有藍牙、光纖、同軸等介面連接。
我用手機或平板下載唱 K App (歡樂唱唱)，呢個 App 任何國及粵語歌都齊，如果有歌未更新，你向客服反映佢快到一時小內，就可上載上架新歌。歌樂曲有好多版本、可轉 Key、音樂大細聲、高低音可調。有錄唱功能及自己評分，亦可儲存後上載公開發佈，其他會員聽完會俾 Like 或評分。亦可邀請或受邀開私人房合唱。
我用擴音機藍牙連接手機或平板，擴音機音色絕對好過俾錢出去唱，當然你自己都要投資幾舊水喇叭啦 ! 我自己就淘一對前置喇叭兩舊水、中置及後置兩個喇叭用 JBL，絕對比你淘 X 上買一套唱 K 裝置平、音色及速果絕對有過之而無不及，重要係可不時更新歌曲 
正式尼講卡拉ok 機只係 畫面＋音樂源
你要另買
a. Mic
b. Mixer
c. Ampifier
d.卡拉ok喇叭
駁法：
1.卡拉ok 機hdmi 駁電視，光纖/coaxial 其一駁入mixer input
2. Mic 駁入mixer input
3. Mixer output 駁 amplifier input
4. Amplifier 對應output 駁喇叭
如果b＆c 係一體化機，2＆3可簡化。
＝＝＝＝＝＝＝＝＝＝＝
如果你budget可以升到2萬左右，咁a~d 就有討論空間，否則得幾千蚊budget 同連a~d 係咩尼都唔知既話，我建議你直接去淘寶搵 jbl ktv350，一套過，2700強國幣，卡拉ok機 hdmi頭 駁電視，光纖頭駁jbl ktv350，即刻有得唱。
呢個都可駁電視話面?sorry我零電子知識。主要係有朋友到訪可一齊唱。我幾年前都用過一個類似你呢種app自己唱完可上載給人比like
你是指我條Amazon link嗰套4 in 1要另買a-d?amazon已有mic附。
Sorry我電子白痴
睇完你Amazon 條link, 你部機可以直接hdmi 駁電視，用紅白線駁喇叭，部機平身唔預你駁貴野，即係買對cheap 電腦喇叭就得。
另外，同款野，淘寶平好多，【淘寶】https://m.tb.cn/h.5vK2nt3ZSVH1pwK?tk=o3KxWm3SNeM ZH4920 「InAndon音王K90MAX家庭ktv音响套裝點歌機唱歌機一體機卡拉OK家用」
你直接去淘寶買，直送海外都平幾千。。。。
Ps: 由於部機setting 唔知有冇得調echo / delay，所以唔知d 聲mix出尼效果係點，因為正常獨立mixer 有得獨立調個別channel。講明先，卡拉ok 成日有爆mic 情況，一定唔可以駁音響喇叭，會打爛喇叭膜。卡拉ok 專用喇叭d 物料厚 同 設計有預計過，所以無問題。如果你無budget，求奇買對cheap電腦用喇叭，壞左唔心痛。
多謝你意見
，我嘗試你比條淘寶link睇睇。如有不明，麻煩再請教！
你如果係 SmartTV 加手機有投屏，就可以喺電視上同步播放
該主題在最後一個回覆創建後180天后自動關閉。不再允許新的回覆。