已移英一年半。放學同阿仔傾起香港小學，佢話唔明點解當時無人肯同佢玩，佢小息午休想join咩group都被拒絕，但係英國又完全無呢個問題。除左兩個女仔玩唔埋（其中一個又係香港人），其他同學都好易相處。
呢點我都唔明，會唔會係佢係香港時有嚴重鼻敏感所以啲同學怕左佢？我無私底下約playdate(我係英國都無做）？當時佢小一小二仲係成舊飯唔識同人相處（但佢有主動想加入啲group玩但被拒絕）？
我想聽下大家意見，有咩同學仔行為係你地仔女未深入認識都已即foul個位同學？thx
既然阿仔而家開心，同同學相處到，就唔好諗以前啲嘢啦。
你仔幾叻，適應到。
我覺得呢度啲小朋友都幾接受其他人，我仔year 1，因為搬屋都剛剛轉校；我初初都擔心佢適應唔嚟（因為之前晌另一間學校已讀一年半而且有很friend嘅local同學，係friend到play date 嗰隻）不過佢啲同學都幾乖幾nice，我仔都話有同學同佢玩，叫放心啲。
2個讚
你仔過到去鼻敏感有冇好？
都想了解下，避免佢中學時遇到香港同學又衰左唔知係邊
有
1個讚
桃花運全開英國
會唔會你個仔係好活躍嗰類？我啲小朋友好怕太熱情，太活躍嗰啲小朋友，但外國就大部分小朋友都係咁
1個讚
唔會，老師話佢好靜。但佢係輪輪盡盡整到人都唔覺個類，試過有次排隊push到前面同學，佢又堅持無push到，結果從此同個位同學交惡
你講左個問題出黎，佢論盡，但又唔認錯，同學觀感唔好，其他身邊啲同學見到，可能又會諗唔好行咁埋，一陣整到我
外國啲小朋友無咁介意身體接觸，你推我我又推下你無咩所謂，可能因為咁比較願意一齊玩
3個讚
其實只係小一剛開學時發生，升班又轉左唔同同學，咁都會影響咁大？
唔係件事，係性格，我小朋友都係論盡甩漏，而家大左啲都係會咁
明白，可能佢性格太固執，再加上靜、轉數慢、輪輪盡盡，所以搞到無人想同佢玩
咁又唔好淨睇小朋友缺點，試下點樣改善，靜可以揾返啲同類小朋友一齊玩，固執就幫佢揾下執著邊方面，試下溝通下有冇啲位可以轉一轉，轉數慢其實可能係太謹慎，好似我仔輪盡，我就多啲同佢模擬下如果帶漏野要點做，唔小心整到人要點做
有時朋友唔駛多，教佢揾返岩玩朋友可能實際啲
多謝你建議，佢黎到英國就無乜問題，可能鐘意踢波所以易啲玩得埋。好同意模擬下呢點，我成日覺得佢係問題爭執時完全唔識應對，我尋晚都同佢講，不過我地試下brainstorm下唔同scenario你會點應對，好似睇you vs wild個套咁，模擬下點揀然後又再諗下有咩情景會發生。
該主題在最後一個回覆創建後180天后自動關閉。不再允許新的回覆。